Ársrit Ræktunarfélags Norðurlands - 01.01.1933, Page 80
Ö3
Erturnar spruttu ekki vel og fer uppskeran lækk-
andi, eftir því sem sáðmegnið af þeim vex. Búast má
þó við, að niðurstaðan mundi hafa orðið nokkur önnur,
ef þess hefði verið kostur að smita fræið með viðeig-
andi bakteríum, þegar því var sáð.
6. Tilraun með fóðurmergkál.
Þessi tilraun er tekin hér með, þó það sé álitamál,
hvort réttara sé, að telja fóðurmergkál með græn-
fóðurjurtum eða rófum. í tilrauninni er fóðurmergkál-
ið borið saman við fóðurrófur (Dales Hybride), en
auk þess eru reyndar 3 mismunandi aðferðir við rækt-
un kálsins, raðsáning og grisjun, raðsáning án grisj-
unar og dreifsáning.
Fóðurrófur Fóðurmergkál
raðsáð raðsáð
rófur kál grisjað ógrisjað dreifsáð
Uppskera í |
100 kg. pr. ha. | 625 5 548 0 707-° 709-2 822 0
Þegar rófur og kál er lagt saman, hafa fóðurrófurn-
ar gefið langmesta uppskeru, en þess ber þó að gæta,
að kál af fóðurrófum notast heldur illa til fóðurs og
er því vafasamt, hve mikið má reikna með því. Þó
dreifsáningin á kálinu sýni mesta uppskeru, er vafa-
samt, hvort hægt er að mæla með þeirri aðferð, því
hún hefur það í för með sér, að leggirnir verða grann-
ir og trénaðir, hinsvegar virðist ástæðulaust að eyða
vinnu í að grisja kálið.
6*