Ársrit Ræktunarfélags Norðurlands - 01.01.1933, Page 121

Skýrsla
um starfsemi Búnaðarsambands Skagfirðinga 1933.
/. Skýrsla sambandsstjórnarinnar.
Starfsemi Sambandsins hefur farið vaxandi og orð-
ið fjölbreyttari með hverju ári, sem hefur liðið.
Jafnframt hefur verið unnið að því, að koma fjár-
hag þess í það horf, að sambandið eigi sjálft altaf
fyrirliggjandi nægilegt reiðufé til allra ársútgjalda
þess. En tekjur þess berast því venjulega ekki fyr en
í lok hvers árs.
Nú er svo komið, að handbært rekstrarfé sambands-
ins nemur nú í árslok yfir 5000 krónum og fullnægir
því að mestu til ársútgjalda þess.
Sambandið getur því hér eftir nálega eingöngu beint
fjármagni því, er það hefur yfir að ráða, að því að
styrkja og efla þær búnaðarframkvæmdir í héraðinu,
er á hverjum tíma teljast mest aðkallandi.
Að sambandið er nú þegar komið þetta áleiðis, er
ekki síst að þakka skilningi og fórnfýsi sýslunefndar
Skagafjarðarsýslu og búnaðarfélaganna á sambands-
svæðinu, en hvorir tveggju hafa lagt á sig mikil gjöld
á þessum erfiðu tímum, sambandinu til styrktar.
í þessu sambandi má geta þess, að stjórn sambands-
ins hefur ennþá ekki tekið einn eyri, umfram beinan,
útlagðan kostnað, fyrir störf sín í þágu sambandsins.