Ársrit Ræktunarfélags Norðurlands - 01.01.1933, Qupperneq 123
127
C. Leiðbeiningar i garðrækt: Aðalfundur ákvað að
verja 400 krónum til leiðbeiningar í garðyrkju. I
þessu skyni réði sambandsstjórnin 3 stúlkur, er stund-
að höfðu garðyrkjunám í gróðrarstöðinni á Akureyri
og Hveragerði, til þess að fara um sambandssvæðið
og leiðbeina í garðyrkju, sérstaklega um hirðingu
garðanna.
D. Vamir gegn kartöflusýki. Sambandið styrkti
ráðunaut sinn, Vigfús Helgason, til kaupa á sprautu
til vamar kartöflusýki, með 50 krónum, gegn því, að
verkfærið sé heimilt til afnota á sambandssvæðinu, ef
svo ber undir að kartöflusýki geri vart við sig.
E. Kartöflukjallari: Tilfinnanleg vöntun hefir verið
á tryggri kartöflugeymslu og hefir það ekki allsjaldan
borið við, að útsæði hefur eyðilagst meira og minna
og staðið kartöfluræktinni fyrir þrifum. Þetta er því
alvarlegra, sem örðugra verður að fá ósýktar inn-
lendar kartöflur úr öðrum héruðum, vegna vaxandi
útbreiðslu kartöflusýkinnar. Til þess að bæta úr þessu,
samþykkti stjórnin að styrkja Vigfús Helgason, ráðu-
naut, sem nú hefur allmikla garðrækt í Reykjarhól —
til þess að endurbyggja geymsluhús, sem þar er fyrir
garðávexti, með kr. 150.00, gegn því, að hann geymi
þar 30 tn. af góðum útsæðiskartöflum, er héraðsbúar
eigi kost á að fá keyptar hjá honum til útsæðis. útsæð-
ispantanir séu komnar til hans ekki síðar en 15. apríl.
Sambandsstjórnin vonar, að nú sé vakinn sá áhugi
og skilningur á sambandssvæðinu fyrir nauðsyn garð-
yrkjunnar, að hér eftir þurfi aðeins að styðja en ekki
reisa, og að sambandið geti því farið að snúa sér að
öðrum verkefnum. Besta sönnunin fyrir því, hvað
þokast hefur áleiðis í þessu efni, er skýrsla sú, er hér
fer á eftir (sjá töflu bls. 129).
Búpaðarsambandsstjórnin fól ráðunaut sínum að