Ársrit Ræktunarfélags Norðurlands - 01.01.1933, Side 126
130
4. Aukin alifuglarækt.
Því miður er alifuglarækt skamt á veg komin á sam-
bandssvæðinu, hænsnarækt yfirleitt lítil, en anda- og
gæsarækt nálega engin. Sambandsstjórnin afréð því,
að verja að þessu sinni nokkru af aukastyrk Búnað-
arfélags íslands til þess að greiða fyrir alifuglarækt-
inni, á þann hátt, að kaupa eggjaútungunarvél og
fleira þar að lútandi, er héraðsbúar ættu aðgang að
gegn vægu gjaldi. Ráðgert er, að vélin verði starfrækt
á Sauðárkrók næstkomandi vor.
II. Skýrsla trúnaðarmanns.
Starf mitt hjá Búnaðarsambandi Skagafjarðar var
allumfangsmikið á síðastliðnu ári. Aðalstarfið var sem
fyrr, jarðabótamælingar á sambandssvæðinu. Byrjaði
ég á mælingunum 1. júlí og lauk þeim 15. okt. og lauk
við að skrifa jarðabótaskýrslur um miðjan desember-
mánuð (sjá töflu, bls. 132).
Á ferðum mínum leiðbeindi ég, þar sem þess var
óskað, og framkvæmdi smámælingar fyrir framræslu
og öðru, sem fyrir kom. Vísaði aftur stærri mælingum
til Búnaðarfél. íslands. Þá mældi ég einnig alla rækt-
aða matjurtagarða í sýslunni. Samandregin skýrsla
yfir þessar mælingar fylgir hér með (sjá skýrslu
stjórnarinnar). Þá útvegaði ég kartöfluútsæði fyrir
héraðið, als 100 tn. Reyndist það vel. Af 3 tegundum,
sem notaðar voru, reyndist »Up to date« best, þá Júlí
og lakast King Edward. — Ennfremur pantaði ég
nokkur kartöfluafbrigði, sem ég reyndi í Reykjarhóls-
garði í sumar sem leið. Lét einnig ýmsa bændur fá
þær til reynslu. Reyndust þær, eins og gefur að skilja,
misjafnlega. Bestu tegundirnar verða notaðar áfram;
8 tegundir sel ég sem útsæði á komandi vori: Up to