Ársrit Ræktunarfélags Norðurlands - 01.01.1933, Blaðsíða 127
Í3Í
date, Kerrs Pink (Eyvind), Rauðar íslenskar, Júlí,
King Edward, Ersling (gullperlan), Webbs tidlige,
Dukkersætte. Pantanir þurfa að vera komnar til mín
fyrir miðjan marsmánuð, og sendi ég þá útsæðið með
fyrstu ferð.
Sem óbeinlínis starfsemi í þágu Búnaðarsambands-
ins tel ég, að ég hafði einskonar verklegt námskeið í
Reykjarhólsgarði, hafði 1 fastan verknema og all-
marga unga menn yfir lengri og skemri tíma og nam
það alls um 300 dagsverkum. Tel ég að þeir ungu
menn, sem hjá mér unnu, hafi fengið aukinn skilning
á garðrækt og leikni í notkun garðyrkjuáhalda og auk-
inn áhuga á jarðyrkju yfirleitt.
Þá endurbygði ég gamlan kartöflukjallara við
Reykjarhól. Veitti Búnaðarsambandið kr. 150.00 styrk
til þess, sem þóknun fyrir geymslu á útsæði handa
héraðinu. -— Ennfremur veitti Búnaðarsambandið mér
kr. 50.00 styrk, til kaupa á baksprautu til varnar kart-
öflusýki. Er hún til frjálsra afnota fyrir héraðsmenn
og geymist að Reykjarhóli.
Þá hef ég lagt drög til þess, að tilraun verði gerð
með kornrækt á komandi sumri, hef pantað sáðkorn
og jafnvel ákveðið tilraunastað.
Enda þótt yfirstandandi kreppa hafi dregið allmjög
úr búnaðarframkvæmdum, virðist áhuginn meðal
bænda á jarðyrkju óbilaður. Garðyrkja hefur auk'st
hröðum skrefum 2 síðastliðin ár, og eykst vonandi
meir. Næsta átak verður að vera bætt áburðarhirðing
yfirleitt í héraðinu, enda hefur Búnaðarsambandið á-
kveðið að taka það mál til athugunar á yfirstandandi
ári.
Vigfús Helgason.
9+