Ársrit Ræktunarfélags Norðurlands - 01.01.1933, Page 138
Skýrsla
um starfsemi Búnaðarsambands Eyjafjarðar 1933.
/. Skýrsla st/'órnarinnar.
Aðalstarfsemi sambandsins hefur á þessu ári, eins
og síðastl. ár, verið leiðbeiningastarfsemi og hefur
ráðunautur sambandsins, Björn Símonarson, annast
hana aðallega og mun skýra frá henni sérstaklega.
Ráöunauturinn hefur fyrst og fremst annast mælingu
jarðabóta á sambandssvæðinu, framkvæmt eftirlits-
starfsemi í nautgriparæktarfélögum þeim, sem eru í
Nautgriparæktarfélagi Eyjafjarðar, haft eftirlit með
sauðfjárræktarbúinu á Þórustöðum, verið á nokkurum
sýningum með Páli Zóphóníassyni, ráðunaut, og jafn-
framt þessu, hefur hann á ferðum sínum veitt allar
þær leiðbeiningar og upplýsingar viðvíkjandi búnaði,
sem óskað hefur verið.
Sýnilegt er nú þegar, að starf þetta verður innan
skamms svo umfangsmikið, að einn maður annar því
eigi og verður þá um tvent að velja, að skifta starf-
inu, eða láta ráðunautinn fá aðstoð við þau störf, er
eigi útheimta sérstaka fagþekkingu, og verður hið síð-
ara vafalaust hagkvæmara.
Alt virðist benda til þess, að starfsemi héraðsráðu-
nauta sé fyllilega tímabær, eða sú virðist reynslan hér