Ársrit Ræktunarfélags Norðurlands - 01.01.1933, Qupperneq 168

173
getur borgað sig í landinu að framleiða. Að það borg-
ar sig ekki stafar af skökku verðsamræmi í landinu.
J. H. Þ.
II. Fundargerð aðalfundar 1933.
Árið 1933, þann 2. maþ var aðalfundur Búnaðar-
sambands Suður-Þingeyjarsýslu settur og haldinn að
Laugaskóla. Formaður Hallgrímur Þorbergsson stýrði
fundi, en Hjalti Illugason ritaði.
Á fundinum voru mættir 15 fulltrúar frá 10 félög-
um.
Á fundinum gerðist þetta:
1. Formaður gerði grein fyrir starfsemi sambands-
ins á árinu og las upp úr gerðabókinni fundargerðir
stjórnarinnar. út af umræðum um Ársrit Ræktunar-
félags Norðurlands kom fram svohljóðandi tillaga:
»Fundurinn felur formönnum búnaðarfélaganna að
leita eftir því, hver í sínu félagi, hve mörg eintök af
Ársriti Ræktunarfélags Norðurlands félagsmenn æski
eftir að fá, og tilkynna stjórn sambandsins tölu ein-
taka«.
Tillagan var samþykt með öllum greiddum atkv.
2. Gjaldkeri sambandsins lagði fram reikninga sam-
bandsins endurskoðaða af öðrum endurskoðanda sam-
bandsins og skýrði hina ýmsu liði þeirra. Eftir lítils-
háttar umræður voru reikningarnir samþyktir í einu
hljóði.
3. Þá var lögð fyrir fundinn fjárhagsáætlun fyrir
sambandið fyrir árið 1933. Jón H. Þorbergsson skýrði
áætlunina og urðu nokkrar umræður um hana, síðan
var áætlunin samþykt svohljóðandi: