Ársrit Ræktunarfélags Norðurlands - 02.02.1957, Blaðsíða 4

68
urlands og sat í henni óslitið til 1952, að hann sagði af sér
stjórnarstörfum vegna heilsubrests. Hafði hann þá verið
formaður félagsstjórnar í tíu ár.
Árið 1931 sat Jakob á Búnaðarþingi sem fulltrúi félags-
ins í forföllum þáverandi formanns, Sigurðar E. Hlíðar,
dýralæknis. Halldór Vilhjálmsson, skólastjóri, sat þá á Bún-
aðarþingi. Er mér minnisstætt, hve mikið álit Halldór hafði
á Jakob og hve vel þeir unnu saman, en Halldór var manna
gleggstur á hæfileika- og atorkumenn og kunni vel að meta
þá. Jakob var gerður heiðursfélagi Ræktunarfélagsins 1953,
og vildi félagið með því sýna honum þakkarvott fyrir langt
og gott starf í þágu félagsins, en jafnframt viðurkenna for-
göngu hans í landbúnaði almennt séð.
Þegar Búnaðarsamband Eyjafjarðar var stofnað 1932, var
Jakob Karlsson einn af forgöngumönnum þess og í stjórn
þess frá upphafi til 1949, að hann baðst eindregið undan
endurkosningu.
Þetta ætti að nægja til að sýna, hve mjög Jakob Karlsson
kom við sögu búnaðarmála, frá því hann tók að gefa sig að
landbúnaði og þar til starfskraftar hans þrutu, og hve ein-
dregins trausts hann naut til þeirra starfa, því eigi sóttist
Jakob eftir stjórnarstörfum og mannaforráðum, því í eðli
sínu var hann mjög hlédrægur og frábitinn slíku. Það hygg
ég þó, að honum hafi verið Ijúfara að starfa að félags- og
framfaramálum landbúnaðarins, en að flestum öðrum op-
inberum málum.
Það lætur að líkum, að jafn mikilhæfur maður og Jakob
Karlsson komst ekki hjá því að taka þátt í ýmsum störfum
fyrir bæjarfélagið. í bæjarstjórn var hann 1923—’29 og aftur
1938—’42, en í bæði skiptin mun hann hafa neytt réttar
síns, óðar og hann sá sér fært, til þess að neita endurkosn-
ingu. Þrátt fyrir það gegndi hann um langt skeið ýmsum
störfum fyrir bæjarfélagið, var t. d. lengi í hafnarnefnd,
sáttanefnd, sóknarnefnd og vafalaust fleiri trúnaðarstörf-