Ársrit Ræktunarfélags Norðurlands - 02.02.1957, Blaðsíða 7

71
reglulegar hallir að ræða, en gömlu bæirnir voru svo vina-
legir með sínum burstum fram á hlaðið, og einn þeirra,
sem er í alfaraleið, stendur enn þann dag í dag og minnir
hann mig ætíð á þetta ferða-
lag er ég lít hann augum, og
enn þá sómir hann sér vel. Á
ég hér við bæinn á Hofstöð-
um í Viðvíkursveit. Nú er
annar háttur á ferðum skóla-
nema, en út í það skal ekki
farið.
Þegar við vorum komnir
heim og seztir að námi, sagði
Sigurður skólastjóri okkur, að
sig langaði til að koma á ein-
um þremur námsskeiðum. Á
tveimur þeirra skyldi kenna
fólki að mjólka kýr á réttan
hátt, en eitt átti að vera
bændafundur. Skólastjóri vonaðist eftir, að við þyrftum
ekki að tapa neinu við þetta, því við ættum að hlusta á þá
fyrirlestra, sem þar yrðu fluttir.
Fyrra mjaltanámsskeiðið stóð í 2 vikur, frá 16. til 28.
nóvember. Þar var bæði verkleg og bókleg kennsla, og fór
sú síðartalda fram í fyrirlestrum. Kennd var mjaltaaðferð
sú, sem kölluð var Hagelunds-aðferð og var hún þannig, að
mjólkin var kreist úr spenunum en ekki toguð og júgrið
strokið með vissum handtökum.
Kennarar skólans héldu allir fyrirlestra á þessu náms-
skeiði um hirðingu mjólkur, ostagerð og margt fleira.
Þetta fyrsta námsskeið sóttu 5 nemendur, — þrir úr Þing-
eyjarsýslu og tveir úr Skagafirði. Síðara mjaltanámskeiðið
var frá 15.—28. febrúar. Á því voru 15 nemendur og voru
þeir úr Húnavatnssýslu, Skagafjarðarsýslu og Þingeyjarsýslu.
Karl Amgrimsson.