Ársrit Ræktunarfélags Norðurlands - 02.02.1957, Side 17

81
Samkvæmt athugunum Framleiðsluráðs og Hagstofu má
ætla, að heimaslátrun sauðfjár svari til 1700 tonna af kinda-
kjöti og heimanotkun mjólkur sé um 30 millj. lítra og
ætti þá ársframleiðsla þessara vöruflokka öll að nema nú
10200 tonnum af kjöti og 96 millj. kg af mjólk. Útflutning-
urinn er því aðeins lítið brot af heildarframleiðslunni, eða
um 24% af kjötinu, en varla nema 1—2% af mjólkinni.
Hér virðist því ekki um mikið vandamál að ræða enn sem
komið er.
Fram hjá því verður þó ekki gengið, að framleiðsla þess-
ara vörutegunda hefur vaxið mjög hratt síðustu árin og
mun meira en neyzluþörfin, og kann sú þróun í fljótu
bragði að virðast uggvænleg, en í því sambandi verður að
gæta þess, að sauðfjárræktin hefur verið að vinna sig upp
úr þeim öldudal, er hún komst í vegna sauðfjárpesta og
niðurskurðar og í öðru lagi hafa síðustu árin ræktunarum-
bætur, er sumar hverjar voru undirbúnar fyrir áratug, verið
að segja til sín.
Spurningin er: Verður framhald á þessari þróun, svo að
þjóðfélaginu stafi háski af?
Atvinnuskiptingin og afköst landbúnaðarins.
IÞað er vísindaleg staðreynd, að síðan um aldamót hefur
sá hluti þjóðarinnar, er talizt getur til landbúnaðar, farið
minnkandi, eigi aðeins hlutfallslega, heldur einnig að tölu.
Þessi þróun hefur orðið jafnt og þétt eins og eftirfarandi
tölur sýna:
Mannfjöldi Við landbúnað Hlutföllin
Ár samtals Tala % eru þessi:
1900: 76.308 60.914 80.0 4.0 : 1.0
1920: 94.690 40.600 43.0 1.3 : 1.0
1940: 121.474 37.123 30.5 1.0 : 2.3
1956: 162.700 34.174 21.0 1.0: 3.5
6