Ársrit Ræktunarfélags Norðurlands - 02.02.1957, Blaðsíða 55

119
ATHUGASEMD VIÐ NÁTTTRÖLL.
Framanritað greinarkorn sendi skógræktarstjóri Sigurði
O. Björnssyni til birtingar í Ársritinu og skilst mér, að það
eigi að vera athugasemd við greinina: „Eins og þér sáið og
berið á munið þér uþpskera“, eftir Árna G. Eylands, í 53.
árg., 2.-3. h. Ég vil alls ekki skorast undan því að birta
þessa framleiðslu skógræktarstjórans, svo lesendur Ársritsins
geti kynnzt munnsöfnuði hans og viðhorfum til þessara
mála, en það er óhætt að segja, að í þessari stuttu athuga-
semd gæti nokkurs yfirlætis, lítillar prúðmennsku en veru-
legrar vanstillingar.
Hvað hefur svo skógræktarstjórinn fram að færa varðandi
ábuðarnotkun við skógrækt? Jú, eina blaðsíðu úr átta ára
gömlu riti með næsta ófullkomnum og að sumu leyti hæpn-
um ábendingum um áburðarnotkun við útplöntun trjáa og
skulu þær nú athugaðar nokkru nánar:
Bezt telur skógræktarstjórinn að nota búfjáráburð og
blanda einum þriðjung af áburði er tollir á rekublaði, sam-
an við moldina í hverja holu. F.kki er minnzt á hvaða bú-
fjáráburður sé hagkvæmastur. Ég rengi alls ekki skógræktar-
stjórann um það, að búfjáráburður sé ágætur fyrir trjágróð-
ur, og er um það fengin löng reynsla í skrúðgörðum, en hér
er um skógrækt í stórum stíl að ræða, en ekki skrúðgarða
með örfáum trjám. Uggir mig að seinlegt mundi reynast
að blanda búfjáráburði í hverja holu þá plantað er, og
áburðarskammturinn, er til er tekinn, mundi hrökkva
skammt, en grein Árna fjallar ekki sérstaklega um áburðar-
notkun við útplöntun, heldur þörfina á því að rannsaka og
leiðbeina um áburðarnotkun við skógrækt til langs tíma.
Næst bezt virðist skógræktarstjórinn telja að nota fiski-
mjöl. Ekki er ljóst á hverju hann byggir þá skoðun, en fiski-
mjölinu má áreiðanlega sleppa. í öllum ræktunartilraunum
hefur það reynzt lélegur áburður og auk þess allt of dýrt.