Ársrit Ræktunarfélags Norðurlands - 01.01.1972, Side 51

Vallarsveifgrasið skríður fyrstu 10 dagana í júní á suður-
hluta landsins, allt frá Hornafirði vestur undir Jökul. Á
sama tíma ætti það að skríða við innanverðan Eyjafjörð og
jafnvel á skjólsælum stöðum við Lagarfljót. í öðrum lands-
hlutum skríður vallarsveifgrasið um miðjan júní, að Horn-
ströndum og Norðausturlandi frátöldu, þar sem það skríð-
ur um og upp úr 20. júní.
Við þessa áætlun er gengið út frá meðalhita vormánaða
á tímabilinu 1931 — 1960. Síðastliðinn áratugur reyndist
kaldari, og í einstökum árum varð meðalhitinn í maí og
júní allt að 4°C lægri en í meðalári, einkum á norður- og
norðausturhluta landsins (VEÐRÁTTAN). í þeim árum
hefði þroski grasanna átt að vera 3—4 vikum seinna á ferð-
inni en í meðalári, miðað við áðurnefnda reglu, það er að
segja, að vallarsveifgrasið hefði skriðið í byrjun júlí og vall-
arfoxgrasið í byrjun ágúst í þeim héruðum, sem verst urðu
úti.
LOKAORÐ
Eins og áður segir, verður að líta á þessar niðurstöður með
nokkrum fyrirvara. Gaman væri að frétta, hvort niðurstöð-
urnar eru í samræmi við reynslu manna í ýmsum landshlut-
um, því líklegt má telja, að ýmsir áhugasamir náttúruskoð-
endur hafi fylgst með þroska túngrasanna og jafnvel skráð
það í bækur sínar. Með því móti væri unnt að fylla í skörð-
in og treysta þá reglu, sem hér hefur verið beitt, eða finna
nýja reglu.
Magnús Oskarsson, tilraunastjóri, hefur góðfúslega veitt
höfundi aðgang að gróðurfarsdagbókinni á Hvanneyri, en
hún var færð af Þorsteini Þorsteinssyni, kennara, (1960—
1962) og Óttari Geirssyni, kennara (frá 1963). Fyrir það er
hér með þakkað, en um leið skal tekið fram, að úrvinnsla og
efnismeðferð er eingöngu á ábyrgð höfundar.