Ársrit Ræktunarfélags Norðurlands - 01.01.1986, Blaðsíða 119

AÐALFUNDUR 1986
Aðalfundur Ræktunarfélags Norðurlands var haldinn að Stóruvöllum í
Bárðardal 5. september 1986,
1. Formaður félagsins Egill Bjarnason setti fundinn og bauð fundarmenn
velkomna.
2. Egill Bjarnason var kjörinn fundarstjóri og Jón H. Sigurðsson og Jón
Sigurðsson fundarritarar.
3. Skýrslur starfsmanna. Bjarni Guðleifsson og Jóhannes Sigvaldason
sögðu frá störfum sínum og starfsemi Ræktunarfélagsins og Tilrauna-
stöðvarinnar á Möðruvöllum. Erindi þeirra beggja var dreift meðal
fundarmanna í fjölrituðu formi og verður því ekki nánar fjallað um
skýrslur þeirra hér.
Guðmundur H. Gunnarsson sagði frá störfum endurvinnsluhóps
Ræktunarfélagsins. Sú leið sem þessi hópur valdi til að sinna endur-
vinnsluverkefninu var að gera athuganir heima hjá bændum víðsvegar
um Norðurland. Það sem gert hefur verið er að taka jarðvegssýni og
kenna mönnum plægingu. Fenginn var til þess plægingamaður að
sunnan. Guðmundur greindi frá því að Ræktunarfélagið eigi hluta í
jarðvegslosunartæki sem prófað hefur verið á Austurlandi. Guðmund-
ur gerði nokkra grein fyrir niðurstöðum efnamælinga á jarðvegssýnum
og holurými. Það sem einkennandi var fyrir þessi tún sem sýni voru
tekin úr var hversu jarðvegur var bágur til ræktunar og jörð víða frekar
súr.
Þórir Jökull Þorsteinsson las og skýrði reikninga Ræktunarfélagsins
fyrir árið 1985. Niðurstöðutölur rekstrarreiknings voru 473.366 kr. í
hagnað og efnahagsreikningur sýnir að eigið fé félagsins i árslok var
1.574.945 kr.
121