Ársrit Ræktunarfélags Norðurlands - 01.01.1986, Page 28

Ca-magn g/kg af heyi
Mikið Meðal Lítið
> 4.0 3.5-3.9 < 3.4
Fjöldi bæja
Mikið af sólev 5 1 1
Meðal af sólev 2 5 1
Lítið af sólev — ekkert af tvíkimbl.. . . 1 0 8
Eins og sést af yfirlitinu fellur það nokkuð vel saman að
bæir með mikið af tvíkímblöðungum í túni hafa hátt kalsíum
í heyi og þar sem kalsíum er lágt er fátt um blóm. Er þetta
raunar ótrúlega glögg niðurstaða þar sem ljóst er að fleira
ræður kalsíum í heyi en plöntutegund. Svipuð niðurstaða
fékkst við athugun á magnesíum.
Þriðja spurningin var um hvort rétt væri að útrýma þessum
jurtum og hvernig það væri gert.
Ekki verður tekin afstaða með eða móti því hvort lagt er í
eyðingu á blómjurtum í túni. Þær hafa kosti og galla og
verður það að ráðast af aðstæðum hverju sinni hvort aðgerða
er þörf. Það er óumdeilt að efnasamsetning er nokkuð önnur í
tvíkímblöðungum en grösum og því er blandaður gróður
fjölbreyttara fóður en nýræktargras. Uppskera er aftur á móti
eitthvað minni og því verður það mat hvers og eins bónda að
teknu tilliti til stærðar bústofns og þeirrar uppskeru sem
fengist hefur hvort ástæða er til að skera upp herör gegn
tvíkímblöðungum. Tvær leiðir eru helstar til þess að losna við
blómin. Önnur er að úða á þau viðeigandi eitri (illgresislyfi)
— hin að endurvinna túnið og sá til annarra jurta. Fyrri
aðferðin er fljótvirkari og auðveldari og ekkert ár dettur úr í
heyskap eins og gjarna vill verða við endurvinnslu. Reynsla
Norðmanna í Norður-Noregi þar sem grasrækt er á líku stigi
og hér er þó sú að úðun valdi nokkurri uppskeruminnkun
fyrsta árið a.m.k. væntanlega vegna þess að nokkurn tíma
tekur grösin að vaxa út í þau skörð er verða þegar blómin
deyja. Áhrif úðunar endast heldur ekki um alla eilífð. Eitt-
hvað af jurtum lifir af og taka að breiða sig út í landið á nýjan
30