Ársrit Ræktunarfélags Norðurlands - 01.01.1986, Blaðsíða 21

Þess vegna hljóta möguleikar greinarinnar mjög að vera háð-
ir því hvernig til tekst við að nýta þennan þátt. Þar sem
þetta er mikil samkeppnisgrein er ljóst að í uppbyggingu
hennar verður að gæta fyllstu hagkvæmni. Slíkt verður m.a.
að gerast með því að fyrst og fremst sé lögð áhersla á upp-
byggingu í loðdýrarækt í nágrenni þeirra fóðurstöðva sem
þegar eru í rekstri. Þær fóðurstöðvar eiga að vísu með hægu
móti að geta annað nánast öllu Norðurlandi.
Fiskeldi er grein sem þegar er orðin snar þáttur í atvinnulífi
í einni sveit á Norðurlandi, Kelduhverii, og ör uppbygging
er í Fljótum í Skagafirði. í Kelduhverfi er ein öflugasta upp-
bygging á þessu sviði í landinu og er þar byggt á sérstæðum
náttúrulegum skilyrðum þessa svæðis. Svo virðist sem enn
vanti verulega á í þróun þessarar greinar, þannig að hún
geti orðið þáttur í búrekstri á einstöku bújörðum. Mjög erfitt
virðist vera við núverandi aðstæður að meta hvort þessi grein
geti orðið verulega atvinnuskapandi víða norðanlands, en
á vissum svæðum getur hún tvímælalaust orðið lyftistöng
atvinnuuppbyggingar.
Ferðaþjónusta á vegum bænda hefur mjög vaxið fiskur um
hrygg á allra síðustu árum. Sumarið 1986 munu milli 20-30
aðilar á Norðurlandi hafa boðið upp á slíka þjónustu í tengsl-
um við Ferðaþjónustu bænda. í þessari grein eru án efa tölu-
verðir vaxtamöguleikar. Miklu varðar að þeim verði samt
ekki spillt með því að uppbygging í greininni verði slitin
úr tengslum við þróun markaðarins. Einn stærsti annmarki
þessarar greinar er hinn tiltölulega takmarkaði starfstími á
hverju ári. Öll þróun og vinna í þá átt að lengja ferðatímann
hlýtur því að vera mikilvæg.
Niðurstaðan er því sú að þó að sýnt sé að mjólkur- og
dilkakjötsframleiðsla verði ekki á næstu árum eins stór þáttur
í afkomu sveitafólks á Norðurlandi og verið hefur þá geti
norðlenskar sveitir blómgast á næstu árum, snúi menn sér
að því að nýta vel alla þá fjölbreyttu möguleika sem fyrir
hendi eru og takist á við uppbyggingu í nýjum greinum af
krafti.
í slíkri uppbyggingu reynir tvímælalaust mest á þrótt og
23