Ársrit Kaupfjelags Þingeyinga - 01.01.1924, Page 68

70
hörðum ullarflókum, sem þessar vélar eru alls ekki lagaðar til
þess að vinna, og geta stórskemt þær, og að minsta kosti
siitið þeim löngu fyrir timann, og það þótt kembararnir eyði
miklum tíma og erfiði til þess að tæta og reita þessa flók'a
sundur í smáskækla áður en þeir eru lagðir fyrir vélarnar.
Þetta er mál, sem eigendur vélanna — félagsmenn í K. Þ. —
verða vel að athuga, þvi að vilji þeir að vélarnar endist svo
lengi, sem þeim er eðlilegt, og vinni vel hina góðu og rétt
undirbúnu uil, þá er ekki nema um tvent að gera, annaðhvort
að neita algerlega að veita móttöku til kembingar þessurn
hörðu og ógreiddu flókum, eða að kaupa flókatætara. Kemb-
ararnir, sem vinna við vélarnar, segjast engin fyrirmæli hafa
fengið til að fara eftir um það, hvort visa skuli frá nokkru
af þvi, sem sent er til kembingar, og þykjast ekki á sitt ein-
dæmi getað vísað neinu frá, og af því leiðir, að þeir eyða óhæfi-
legum tima til að tæta sundur flókana, og setja véiarnar í hættu
fyrir skemdum og óþörfu og óeðlilegu sliti. Vera mætti að
nokkuð mætti fyrirbyggja, að menn sendu til kembingar óslít-
anlega flóka, ef kembing á sliku væri seld svo mikið dýrari
en á annari ull, sem réttlátt væri. En best væri auðvitað að
kaupa flókatætarann, svo að hægt væri að gera eigendum flók-
anna úrlausn, án þess að setja hinar dýrmætu vélar í hættu,
og gefa þeim að auki mikla vinnu og fyrirhöfn.
Reikningar þeir, sem hér fara á eftir sýna allan stofnkostn-
að þessa fyrirtækis, reksturskostnað fyrsta árið, og efnahaginn
í lok ársins 1924. Má af þeim ráða, hvort fyrirtækið muni geta
borið sig framvegis.
B. J.