Árbók Landsbókasafns Íslands - 01.01.1968, Page 7

LANDSBÓKASAFNIÐ 1967
7
of North Carolina, Chapel Hill. - Upplýsingaþjónusta Bandaríkjanna, Reykjavík. - M. Valters,
Nizza, Frakklandi. — Verlag Zeit im Bild, Dresden. - Alfred Walther, Berlin. — Þjóðbókasafnið,
Peking. - Þjóðbókasafnið, Sofia.
HANDRITADEILD Lárus H. Blöndal, forstöðumaður deildarinnar, lét á árinu af
starfi, þar eð hann tók 1. desember 1967 við embætti borgar-
skjalavarðar. Lárus á að baki nær 26 ára starfsferil í Landsbókasafni, og flytjum
vér honum beztu þakkir fyrir störf hans á liðnum árum.
Grímur M. Helgason var ráðinn forstöðumaður handritadeildarinnar frá 1. des-
ember, en hann hefur unnið við hana samfleytt frá árinu 1962.
Nanna Ólafsdóttir vann á árinu tvær stundir á dag að skráningu bréfasafna, og
veitti Menntamálaráð safninu enn sem fyrr nokkurn styrk úr Menningarsjóði til þessa
verks.
Vegna undirbúnings nýs bindis handritaskrár vannst ekki tími til að skrá öll þau
handrit, er Landsbókasafni bárust á árinu, og bíður því skýrsla um handritaeign næsta
heftis Arbókar.
Landsbókasafni var sem fyrr gefinn fjöldi handrita, og skal nú getið hinna helztu:
Solveig Guðmundsdóttir, Laufásvegi 75 í Reykjavík, gaf Ljóðmæli Jóhanns Magn-
úsar Bjarnasonar, búin til prentunar, vélritað eintak; ennfremur nokkur bréf úr fór-
um Jóhannesar P. Pálssonar læknis.
Halldór Laxness færði safninu fáein frekari drög að íslandsklukkunni, en í síðustu
Árbók var þess getið, að safnið hefði eignazt þetta verk í eiginhandarriti skáldsins,
A-D gerð.
Snorri Sigfússon, fyrrum námsstjóri, gaf þrjú bréf, er hann átti frá Benedikt Þor-
kelssyni barnakennara, en auk þess kvæðið Æviminning eftir Benedikt með hendi
hans. Snorri afhenti loks hluta af bréfasafni sínu, en það verður ekki til afnota
fyrst um sinn.
Ingvar Stefánsson skjalavörður gaf nokkur bréf og gögn úr fórum langafa síns,
sr. Jóns Sveinssonar á Mælifelli, og fjölskyldu hans.
Áslaug Árnadóttir afhenti Landsbókasafni að gjöf sendibréf til Erlends Guðmunds-
sonar (í Unuhúsi) ásamt fáeinum skjölum og gögnum varðandi hann, en Erlendur
lézt í Reykjavík 13. febrúar 1947. Bréf þessi og gögn verða ekki til afnota fyrst um
sinn nema með sérstöku leyfi landsbókavarðar.
Davíð Björnsson, bóksali í Winnipeg, sendi enn sem fyrr ýmis gögn, er hann hefur
dregið saman, m. a. mjög fróðlega myndabók með rúmlega 300 litmyndum, flestum
af húsum íslendinga í Winnipeg og víðar vestan hafs.
Pétur Kjartansson færði safninu að gjöf frá nemendum Menntaskólans í Reykja-
vík Fundargerðabók Framtíðarinnar marz 1963 - 16. desember 1964.
Einar Guðmundsson jók enn það safn margvíslegra gagna úr fórum föður síns,
Guðmundar Davíðssonar á Hraunum, er hann hefur gefið hingað á síðustu árum.