Árbók Landsbókasafns Íslands - 01.01.1968, Page 137

ÓLAFUR F. HJARTAR
ÍSLENZK BÓKAÚTGÁFA 1887 - 1966
Stjórn Bóksalafélags íslands hefur góðfúslega veitt leyfi til að prenta að nýju
„Skýrslu um bókaútgáfu 1888-1962“, sem birtist í afmælisriti félagsins 1964. Sú
greinargerð, sem hér birtist, nær hins vegar yfir áttatíu ára tímabil. Tölur úr fyrri
skýrslu taka nokkrum breytingum vegna viðauka, sem birzt hafa í Árbók Landsbóka-
safns.
Heimildir mínar um bókaútgáfu frá ofangreindum árum eru Ritaukaskrár Lands-
bókasafnsins 1887-1943, Árbækur 1944^-1965 og handrit að Árbók 1966. Má gera
ráð fyrir einhverri aukningu árið 1966, þar sem skráningu var vart að fullu lokið,
þegar gengið var frá þessari skýrslu.
Hér eru taldar bækur, sem ná því að vera 16 blaðsíður. Taldi ég rétt að ganga
ekki alveg fram hjá smáprenti, sem getur verið þýðingarmikið. Fer gildi bókar ekki
alltaf eftir fyrirferðinni eða tölu blaðsíðna. Tala bóka verður því nokkru hærri en
útgefendur telja, enda er ýmislegt, sem út er gefið, ekki á þeirra vegum. Má t. d.
nefna rit, sem hið opinbera gefur út, rit bæjar- og sýslufélaga, einkaprent, skóla-
skýrslur o. fl.
Sérprentanir úr tímaritum og einstökum ritum eru ekki taldar með. Aftur á móti
eru taldar sérprentanir úr blöðum, ef þær fá nýjar tölusettar blaðsíður og titilblað.
Stundum hef ég talið hentugra að víkja frá efnisflokkum í skrám Landsbókasafns-
ins. Ekki eru alltaf glögg skil milli þýddra og frumsaminna skáldrita, einkum ef um
safnrit er að ræða, en tala þeirra er ekki há.
Efnisflokkar eru 32 og raðað í stafrófsröð eftir heitum. Flokknum um bókmenntir er
skipt í átta greinar. Þá eru taldar bækur án ártals, og þær eru í raun og veru fleiri, en
sumar tímasettar í bókaskrám Halldórs Hermannssonar eða í skrám Landsbókasafns.
Að lokum er skýrt frá tölu tímarita og blaða á umræddu tímabili.
Fróðlegt er að virða fyrir sér nánar niðurstöðutölur einstakra flokka.
Um bindindismál hafa verið gefnar út 194 bækur. Áþekkir flokkar eru eftirfarandi:
framhaldslíf, draumar og dulspeki 166, heimilisstörf 121, heimspeki, sálarfræði og sið-
fræði 147, iðnaður 137, íþróttir 165, skemmtanir 142 og verkfræði 155. Það er rétt að
benda á, að þrátt fyrir aukna iðnvæðingu, eru tiltölulega fáar bækur gefnar út um iðn-
að og verkfræði.