Árbók Landsbókasafns Íslands - Nýr flokkur - 01.01.1983, Blaðsíða 24

24
JÓN STEFFENSEN
smávegis frávik á bandinu. Átta fyrstu bindin eru eins, hvað snertir
leturgerð, skrautbekki og spjaldapappír, og má ætla, að þau séu
bundin samtírnis, en á 9. og 10. bd. er einn skrautbekkjanna annar en
á þeim fyrri og eins spjaldapappírinn, og á 11. bd. er enn ný gerð
spjaldapappírs, en skrautbekkir eins og á 9. og 10. bd.
í íslenzkum bókaskrám er fyrst getið um lýst eintak af Flora
Danica í „Fortegnelse / over de til / Oprettelse af et Laane-Bibliothek
/ ved det kongelige / Landoplysnings-Selskab i Island / skjenkede /
Boger / Andet Oplag. / Vidöe Kloster, 1826“. Þar stendur á bls. 9:
„Flora Danica illumineret, XXXI Hefter, deraf XXIV Hefte smukt
indbundne i 8te Fr.V.B. [Fransk Velsk Bind] i Folio. Hs. Mst.
Kongen.“ Magnús Stephensen konferensráð kom þessu bókasafni á
laggirnar, þegar hann dvaldist í Höfn 1807-08, með bókagjöfum
ýmissa forleggjara og bóksala þar í bæ, sem hann tilgreinir í
bókaskrá, sem hann samdi um safnið, „Fortegnelse / over / Boger /
som / Kjobenhavns Boghandlere og Bogtrykkere / har skjænket / til /
Opprettelse af et Laanebibliothek / ved Landoplysnings-Selskabet /
paa Island / Kjobenhavn, 1808.“ Flóran er ekki í skránni, svo að
einhvern tímann síðar hefur kóngur gefið safninu hana, það kynni að
hafa verið, þegar Magnús var í Höfn 1815-16 og hann þá látið binda
þar þau 8 heilu bindi, er þá voru komin út (síðasta hefti 8. bd. (24. h.)
kom út 1810 og 9. bd. (27.h.) 1818).
íslands Stiftisbókasafn (síðar Landsbókasafn íslands) er stofnað
1818 að frumkvæði Carls Christians Rafns (1795-1864), og í fyrstu
skýrslu þess, sem hann gaf út 1826 (Beretning om det islandske
Stiftsbibliothek i Reikevig, Kh. 1826), er bókaeign þess 1545 bindi, en
ekki fylgir skrá um einstakar bækur, aðeins getið nokkurra aðalverka,
og er Flora Danica ekki meðal þeirra. Ennfremur er getið stuðnings-
manna safnsins, og er konungur meðal þeirra með 13 binda gjöf. í
fyrstu bókaskrá Stiftisbókasafns, Registr yfir íslands Stiftisbókasafn,
Kh. 1828, er bókaeign þess orðin hátt á íjórða þúsund bindi auk
tvítaka, og í henni er að finna: „Flora Danica med dansk, tydsk og
latinsk Nomenclatur, 1-32 Fasc. Hafniæ 1763 (svo, rétt 1761) - 1827,
Fol.“ Af þessari lýsingu má ætla, að verkið hafi verið í heftum, en
meira verður ekki um það sagt, nema safnið hafi eignazt það árið
1827.
Af því sem að framan kom fram um feril eintaks No 39, liggur beint
við að álykta, að hér sé um það eintak að ræða, þar sem stiftamtmað-
ur var stjórnarformaður Stiftisbókasafnsins. í næstu skrá safnsins,