Vísbending - 19.12.1994, Qupperneq 23

er minni. Á heildina litið hefur velta aukist um
rúm 8 prósent í iðnaði á áðurnefndu tímabili.
Á liðnum árum hefur heildarvelta í iðnaði
(að frátöldum fiskiðnaði) dregist nokkuð
saman. Viðsnúningurinn nú er því til vitnis um
að umsvifin séu að aukast og atvinnulífið sé
að rétta út kútnum. Engu að síður er ljóst að
ekki má ofmeta batann á grundvelli talna fyrir
fyrstu átta mánuði ársins og fara verður að
öllu með gát. Breytingar sem leiða af sér
aukinn kostnað og verri samkeppnisstöðu geta
snögglega gert að engu það sem áunnist hefur.
Útflutningur
Veruleg aukning hefur orðið í vöruútflutn-
ingi á fyrstu átta mánuðum þessa árs miðað
að magni til en tæplega 37 prósent ntiðað við
skráð gengi á hverjum tíma. Eins og fram
kemur í meðfylgjandi töflu vegur aukningin í
stóriðju þungt, en aukning í verðmæti vöruút-
flutnings án stóriðju er um 30 prósent. Verð á
útfluttum iðnaðarvörum hefur hækkað um
ríflega 12 prósent að meðaltali á þessu tíma-
bili, og þar vega verðhækkanir á áli og
kísiljárni þyngst. Aðrar iðnaðarvörur hafa
hækkað urn 5 prósent í verði. Gengisfellingin
í júní á síðasta ári skýrir hluta af aukningunni
í krónuverðmæti útflutnings.
Hagstæð þróun raungengis hefur styrkt
samkeppnisstöðu útflytjenda gagnvart erlend-
um keppinautum og gert þeim kleift að bjóða
vöru sína á samkeppnishæfu verði. Ef raun-
Verðmæti útflutnings eftir vörutegundum1
í milljónum króna á verðlagi hvors árs
Janúar■ 1993 - ágúst 1994 Breyting %
Iðnaðarvörur alls 9.700 13.272 36,8
Iðnaðarvörur án áls og kísiljárns 3.441 4.450 29,3
Á1 4.765 7.080 48,6
Kísiljám 1.494 1.742 16,6
Kísilgúr 275 358 30,2
Loðsútuð skinn og húðir 335 508 51,6
Ullarvörur 203 208 2,5
Niðursoðnar sjávarafurðir 759 804 5,9
Annað 1.870 2.571 37,5
1 Miðað við skráð gengi á hverjum tíma.
Heimild: Seðlahanki íslands.
gengi verður haldið lágu má búast við frekari
markaðssókn og landvinningum hjá fslenskum
útflytjendum. Auk þess tryggir það þann
árangur sem þegar hefur náðst. Á hinn bóginn,
ef raungengi verður leyft að rjúka upp með
gamla laginu þegar kominn er skriður á
uppsveifluna í þjóðarbúskapnum, þá fer
árangurinn fyrir lítið og við missum markaði
sem við höfum náð, í sumum tilfellum með
ærinni fyrirhöfn.
Lokaorð
Þróunin í iðnaði hér á landi að undanfömu
sýnir að hann hefur nýtt sér þau sóknarfæri
sem honum hafa verið búin. Bætt starfsskil-
yrði hafa skilað sér í aukinni veltu og útflutn-
ingi. Áframhaldandi bati og gróska í iðnaði
sem og öðra atvinnulífi ræðst af því hvort
tekst að viðhalda hagstæðum rekstrarskilyrð-
um og koma í veg fyrir að þenslugangverkið
fari af stað.
íslendingar þurfa því að sameinast um það
markmið að tryggja stöðugleikann og þann
árangur sem náðst hefur. Það væri glapræði að
fórna honum fyrir önnur skammtíma mark-
mið, sem ekki skila raunverulegum ávinningi
þegar til lengri tíma er litið. Stöðugleikann
verður að tryggja með fyrirhyggju. Stjórnvöld
þurfa að setja sér skýr markmið sem tryggja
hagstæð og viðvarandi rekstrarskilyrði og nota
þau hagstjórnartæki sem duga til að ná þeim
markmiðum. Islendingar standa nú frammi
fyrir einstöku tækifæri til að festa í sessi traust
efnahagsumhverfi sem er forsenda hagsældar
og velmegunar.
GLEÐILEG JÓL
OG FARSÆLT
KOMANDI ÁR!
ISTAK HF.
Fullnýting Qárfestingar í upplýsingatækni. ,
ORACLEÍsland Borgartúni 24 105Reykjavík Sími 91-618131 Fax 91-628131
VÍSBENDING
23