Frjáls verslun - 01.06.1963, Page 8

Reykjahlíð og Reynihlíð viS Mývatn, Hveraijall í baksýn
ekki reiðubúnir til þess í dag að taka á móti mjög
fjölmennum ráðstefnum sökum þess að okkar fáu
gistihús leyfa það ekki. Með byggingu fleiri gisti-
húsa gætum við orðið samkeppnisfærir í þessum
efnum.
Mikil íþrótta- og sýningarhöll er að rísa af grunni
inni í Laugardal, sem væntanlega verður hægt að
taka til afnota innan skamms tíma. Þar munu
skapast möguleikar fyrir að efna til margvíslegra
sýninga, kaupstefna og stærri mannfunda. Slík
húsakynni hefur vantað tilfinnanlega hér á landi
og verður því bætt úr brýnni þörf með opnun sýn-
ingarhallarinnar.
Gengisbreyting sú, sem lögfest var af Alþingi
árið 1960, gerði það að verkum, að ísland getur
vart talizt dýrt ferðamannaland á evrópskan mæli-
kvarða. Þetta hefur m. a. orsakað það, að útlend-
ingar venja nú meira komur sínar hingað til lands
en áður meðan gengisskráningin var óhagstæð fyrir
erlenda ferðamenn. Þá hafa nokkrir aðilar gert
talsvert af því að auglýsa ísland á erlendum vett-
vangi, og þá sérstaklega íslenzku flugfélögin. Hefur
þessi auglýsingaherferð borið nokkurn árangur, enda
hafa margar erlendar ferðaskrifstofur nú fengið
augastað á íslandi sem ferðamannalandi og beina
hingað viðskiptavinum sínum í ríkari mæli,
Það er ekki nokkur vafi á því, að verulegar
gjaldeyristekjur geta fengizt af heimsóknum er-
lendra ferðamanna liingað til lands í náinni fram-
tíð. Ég er líka sannfærður um það, að hingað koma
útlendingar í æ ríkari mæli, hvort sem okkur líkar
betur eða ver. Þetta er sú þróun sem svartsýnis-
menn fá ekki rönd við reist. Með sameiginlegu
átaki bjartsýnismanna má lyfta stórum Gretti«-
tökum. Dugnaði íslenzku þjóðarinnar eru engin
takmörk sett, ef hún hyggst stórt að vinna og ekki
eru lagðar óviðráðanlegar hindranir á leið hennar
til sóknar í athafna- og framfaramálum.
8
FRJÁLS VERZLUN