Frjáls verslun - 01.06.1963, Side 9

Getum storaukið ferðamanna-
sfrauminn fil íslands
Spjallað við Geir H. Zoega um ferðamál fyrr og nú.
Geir Ií. Zoéga hefur mesta reynslu allra íslend-
inga í móttöku erlendra ferðamanna hér á landi.
Því var sjálfsagðara en nokkuð annað að Frjáls
verzlun hitti liann að máli og ræddi við hann um
hina löngu reynslu hans í þessum málum, og fór
viðtalið fram er hann var í þann veginn að opna
nýja skrifstofu.
Hvenær fóruð þér fyrst að hafa afskipti af er-
lendum ferðamönnum á íslandi?
Ég byrjaði að hjálpa föður mínum sumarið 15)12,
og fór mína fyrstu ferð í júlímánuði það ár með
Englendingum til Þingvalla, Geysis og Gullfoss á
hestum, og tók sú ferð 5 daga. Venjulega voru
dagleiðir 50 km.
Hvernig var aðstaða til fyrirgreiðslu þeirra þá
samanborið við það, sem nú gerist?
Aðstaðan þá var gjörólík því sem nú er, því að
þá voru engar bifreiðar og eingöngu ferðast á hest-
um. Vegir voru þá líka ekki eins víða og nú er, eins
og gefur að skilja, og sums staðar aðeins hesta-
troðningar. Gistihús voru við Valhöll á Þingvöllum
(gömlu Valhöll) og við Geysi, annars staðar var
gist á bændabýlum, og var ekki óvanalegt, að bænd-
ur vildu ekki taka þóknun fyrir gistingu og greiða.
Um raunverulegan samanburð er varla hægt að tala
vegna þess hve tímar eru gjörbreyttir.
Hvað var það, sem fyrst vakti athygli erlendra
ferðamanna hér, er þér hófuð að taka á móti þeim?
Ég held, að það, sem mesta athygli og undrun
hafi vakið hér meðal erlendra ferðamanna var að
sjá Geysi gjósa. Gullfoss vakti líka afar mikla
hrifningu þá sem nú. Þá voru og ferðir meira tíðk-
aðar að Heklu og í Þjórsárdal, en þær eru nú sjald-
an farnar af útlendingum, og veldur því einna helzt
skortur á gististöðum. Fyrir utan náttúrufegurðina,
sem heillar menn jafnt í dag og hún gerði fyrir 50
árum, þá hefur mönnum eflaust fundizt það eins
og að koma í nýjan og friðsælan heim að koma
hingað í dreifbýlið og fámennið úr ys og þys stór-
borganna.
Voru ferðamannakomur hingað tíðar, er þér fór-
uð fyrst að greiða götu þeirra hér?
Miðað við þann fjölda, sem kemur nú hingað
ár hvert, getur varla talizt að ferðamannakomur
hingað hafi verið tíðar fyrir 50 árum, enda voru
samgöngur þá mikið strjálari og aðeins með dönsku
skipunum, því Eimskipafélag íslands var þá ekki
stofnað. Það fólk, sem kom hingað þá, var yfirleitt
efnafólk, því ferðalög miðað við annað voru þá
dýr. Þá voru tvö hótel í lteykjavík, Hótel Reykja-
vík og Hótel ísland, sem bæði eru nú horfin.
Að hvaða leyti verður ferðaskrifstofa sú, sem
þér ætlið nú að setja á stofn, frábrugðin þeim, sem
fyrir eru?
Mér er ekki nægilega kunnugt um hve víðtæka
þjónustu hinar ferðaskrifstofurnar geta veitt til
þess að svara þessari spurningu eins og þér berið
hana fram. Ferðaskrifstofa sú, sem ég mun reka
undir nafninu Ferðaskrifstofa Zoéga hf. hefur einka-
umboð fyrir Thos. Cook & Son og Wagons-Lits/
Cook og mun því geta veitt fullkomnustu þjónustu,
sem völ er á. Þá veitir ferðaskrifstofa mín móttöku
flestum skemmtiferðaskipunum, sem hingað koma,
svo og fjölmörgum útlendum ferðamönnum, sem
koma hingað flugleiðis. Það verður lögð sérstök
áherzla á að auka ferðamannastrauminn til lands-
ins, bæði með auglýsingum og prentun bæklinga,
og verður náin samvinna höfð við hin ýmsu um-
boð okkar um heim allan, og þá sérstaklega Cook’s
og Wagons-Lits//Cook.
Teljið þér, að Islendingar hafi verið á eftir öðrum
þjóðum í þeim efnum að veita erlendum ferða-
mönnum móttöku?
FRJÁLS VERZLUN
9