Frjáls verslun - 01.06.1963, Side 14
orðin þýðingarmikil og er sívaxandi þáttur í þjóð-
arbúskapnum. Honum þarf að veita fulla athygli
og styðja eftir föngum. En hann þarf fyrst og
fremst að byggjast. upp innan frá, þar sem allir
þeir einstöku hópar, sem að ferðamálum vinna,
standa sem ein heild. Reyndar væri sjálfsagt að
þeir færu á undan og kæmu skipulagi á ferðamála-
starfsemina, bindu henni félagslegan ramma t. d.
í formi Ferðamálaráðs og byðu hinu opinbera þátt-
töku vegna sameiginlegra hagsmuna.
Umfram allt þyrftu þessir aðilar að eiga sinn
sameiginlega vettvang og koma saman og ræða
ýmis vandamál sem að steðja og flest má leysa.
Virðist t. d. ekkert eðlilegra, en að á hverju hausti
sé haldin ráðstefna um ferðamál, þar sem saman
eru komnir starfsmenn ferðamálanna, dragi fram
einstök sjónarmið, komi fram með nýjar tillögur.
Þar sem safnað væri saman allri þeirri reynslu,
sem hér er til á þessu sviði og reynt yrði að byggja
upp sameiginlegt átak og heildarstefnu til að byggja
upp þessa atvinnugrein í framtíðinni.
Hvers vegna ekki hefjast handa strax? Hvers
vegna ekki að halda slíka ráðstefnu í haust?
Ingólfur
Pétursson,
hótelstjóri
Samstillt átak - betri þjónusta
Að mínum dómi er þörfinni á gistirými í Reykja-
vík nú að mestu leyti fullnægt. Það er helzt um
hásumartímann, sem nokkrir erfiðleikar skapast, en
þá stendur straumur erlendra ferðamanna hingað
líka sem hæst. Það vandamál, sem þá skapast
verður bezt og ódýrast leyst með byggingu nýs
stúdentagarðs, sem byggður væri með það fyrir
augum, að hann væri rekinn sem hótel að sumri
til. A öðrum tímum ársins er hér nóg gistirými og
það mun fullnægja þörfinni næstu árin.
Sannleikurinn er sá og það er atriði, sem menn
gera sér ekki nægilega grein fyrir, að erlendir ferða-
menn sem hingað koma dveljast ekki nema tak-
markaðan tíma af dvöl sinni hér á landi, í Reykja-
vík. Lausleg athugun hefur leitt í ljós, að af liverj-
um 1000 ferðamönnum sem hingað koma, dveljist
flestir í u. þ. b. vikutíma hér á landi, en aðeins
helming þess tíma hér í Reykjavík. í Reykjavík
er raunar ósköp lítið fyrir ferðamenn við að vera.
Þeir koma hingað til þess að sjá það sem utan
Reykjavíkur er. Þess vegna þarf framtíðaraukn-
ingin í gistirými hér á landi fyrst og fremst að
verða úti um land.
Þau hótel á að byggja við þá staði, sem ferða-
menn helzt sækja til. Gott hótel t. d. í Hvera-
gerði hefur mjög mikla möguleika, því að stór hóp-
ur þeirra sem hingað koma vilja fara til Hveragerðis
og sjá það sem þar er að sjá. Sama er um hótel,
sem byggð væru þar sem snjór er að sumri til.
Slík hótel hafa að mínu viti ótæmandi möguleika.
Hótel, sem staðsett eru á þeim stöðum sem flug-
samgöngur eru til, á að vera hægt að starfrækja
allt árið á arðvænlegan hátt.
Auglýsingastarfsemi Flugfélagsins og Loftleiða
hefur lagt svo traustan grundvöll að ferðamálum
okkar, að við hinir sem við ferðamannaþjónustu
fáumst, verðum að hafa okkur alla við að notfæra
okkur þá möguleika sem skapaðir hafa verið. Enda
þótt City Hótels sem slíks gæti ekki mikið í þess-
um málum stærðar sinnar vegna, tel ég þó, að
allir þeir sem við hótelrekstur fást megi ekkert láta
sér óviðkomandi, sem orðið getur ferðamálum okk-
ar til framdráttar. Gott samstarf allra sem á þessu
sviði starfa er mikilvægt, því að það er ekkert
það starf, á flugvelli, hóteli, hjá ferðaskrifstofu eða
yfirleitt öll þjónusta við ferðamenn, hvers kyns
sem hún er, sem ekki getur aukið ferðamanna-
strauminn hingað ef rétt er á haldið.
Ég vil svo að lokum leyfa mér að benda á tvö
atriði, sem ég tel að betur mættu fara, enda þótt
þau skipti engu megin máli. Annað er það, að
æskilegt væri, ef flugfélögin sæju sér fært að fljúga
beint til Akureyrar frá útlöndum með þá farþega
sem þangað ætla að fara, þegar um hópa fólks
er að ræða. Mundi það koma í veg fyrir einn-
ar nætur gistingu í Reykjavík og þar með losa
14
FRJÁL8VERZLUN