Frjáls verslun - 01.01.1966, Page 23

eru einnig náttlampar við rúm og sófa, innbyggður
larnpi yfir spegli í snyrtiborði og leslampar.
Stærri herbergin eru ýmist gerð sem hótelíbúðir
með aðgang að sér svefnherbergi eða sem meiri-
háttar gestaherbergi. Með þessum herbergjum fylgja
stór baðlierbergi með kerlaugum, tveimur handlaug-
um og steypibaði. í forstofum þessara gestaher-
bergja eru tveir fataskápar og töskubekkur. Sjálf
herbergin eru búin vönduðum húsgögnum úr pale-
sanderviði og stáli. Veggir eru harðviðarklæddir.
Hverju slíku herbergi fylgja vönduð hjónarúm,
skrifborð,, snyrtiborð með tilheyrandi stólum, set-
sófi og tveir hægindastólar. Lýsing er frá loftljósum
yfir sófaborði, gólflömpum auk skrifborðslampa og
lampa yfir snyrtiborði. 011 hótelherbergin eru lögð
þykkum ullarteppum, með mjúku undirlagi. Sömu-
leiðis eru allir hótelgangar og aðalstigahús lagt
teppum.
A hótelhæðum eru, auk gestaherbergjanna, vinnu-
stofur starfsfólks, língeymslur, búr, með beinu lyftu-
sambandi við eldhús, til framreiðslu veitinga og
morgunverðar á herbergin, skóburstunarvélar á
göngum o. fl.
Starfslið
Fast starfslið hótelsins er um 100 manns. Eins og
fyrr segir er Þorvaldur Guðmundsson hótelstjóri,
veitingastjóri er Friðrik Gíslason, skrifstofustjóri
Sveinn Guðlaugsson, sölustjóri Friðrik Theódórsson,
móttökustjórar Geirlaug Þorvaldsdóttir og Emil
Guðmundsson, aðstoðarmaður hótelstjóra Robert
Goethe, yfirmatsveinn Karl Finnbogason, gjaldkeri
Bertha Johannessen, yfirþjónn Bjarni Guðjónsson
og yfirþerna Fríður Bjarnadóttir.
Hljómsveit Karls Lilliendahls leikur fyrir dansi.
í stóra veitingasalnum, sem opinn mun almenningi
allar helgar og önnur kvöld sem hann verður ekki
leigður til fjölmennra veizluhalda.
Komið verður upp föstum ferðum milli hótels og
miðborgar.
Framtí ð ar vonir
Þrátt fyrir sívaxandi dýrtíð hefir verið ákveðið
að stilla verði mjög við hóf, og má t. d. geta þess,
að með öllum gjöldum inniföldum kostar eins manns
herbergi ekki nema 344,00 krónur, morgunverður
kr. 62,50, hádegisverður kr. 156,25 og kvöldverður
kr. 250,00, enda er hótelið fyrst og fremst byggt til
þess að það verði bæði þægilegt og ódýrt þeiin út-
lendingum sem hingað vilja koma og íslenzkum
utanbæjarmönnum, sem dvelja þurfa í höfuðboi'g-
inni. Þó að hótelið sé að allri gerð og búnaði áreiðan-
lega í fyrsta flokki þá hefir þess verið gætt, að hafa
þar engan þann íburð, sem óhóflegu]- getur talizt,
en allt miðað við það eitt, að þar verði unnt að
veita gestum góða fyrirgreiðslu í vistlegum salar-
kynnum.
Þær beiðnir, sem nú liafa borizt um fyrirgreiðslu
í nýja hótelinu á næstunni gefa vísbendingu um,
að sú ákvörðun hafi verið hyggileg er horfið var til
þess ráðs að reisa hótel á þeim grunni, sem upphaf-
lega var til annars gerður, og ef samvinna þeirra,
sem nú hafa byrjað störf í hinu nýja hóteli verður
eigi síðri þeirri, sem einkenndi þá, er það byggðu,
þá standa nú vonir til að hið nýja Hótel Loftleiðir
verði það, sem því var upphaflega ætlað, ein af þeim
styrku stoðum, sem reisa þarf til þess að móttaka
erlendra ferðamanna verði árviss og arðbær at-
vinnugrein á íslandi.
V erzlunarmenntun
Framhald af bls. 1
Verzlunarskóla lslands hafa nýverið framkvæmt
rannsókn á þessu máli. Sú niðurstaða virðist
liafa verið gerð með í senn vísindalegum og
raunhœfum vinnuhrÖgðum. Eiga þeir þakkir
skilið fyrir það handtak, og forystumenn stétt-
arinnar ættu að kynna sér niðurstöður þeirra
athugana og notfæra sér þær eftir föngum.
FRJÁLS VERZLUN
23