Frjáls verslun - 01.01.1979, Blaðsíða 75

I Uppbyggingarár
í Nígeríu þykir íslenzka
skreiðin herramannsmatur
Spjallað við Pál B. Melsted,
stórkaupmann
Útþráin hefur löngum verið íslendingum í blóð
borin. Þeir hafa frá fornu fari boriö í brjósti löngun
til að kanna ókunn lönd, og þá oft á tíðum lent í
hinum ótrúlegustu ævintýrum. Sagt er um Árna
Magnússon frá Geitastekk, að hann hafi verið einn
hinna víðförlustu íslendinga fram á síðustu
mannsaldra. Um miðja 18. öld komst hann alla leið
austur til Kínaveldis, og er ekki vitað, að nokkur
íslendingur hafi þangað komið á undan honum.
Breyttir tímar hafa valdið gjörbyltingu í samgöng-
um landa og álfa á milli. f dag finnst mönnum það
ekki öllu merkilegra að heimsækja fjarlægar
heimsálfur en þaö þótti fyrir mannsaldri aö fara
kaupstaðarferð hér norður á fslandi. Sú stétt
manna hérlendis, sem víðreistust gerist nú til
dags, er sennilega kaupsýslumannastéttin. Sök-
um hins mikla víðfeðmis í mörkuðum okkar og
stööugra breytinga, þá reynist þaö óhjákvæmilegt
fyrir þann kaupsýslumann, sem fylgjast vill með
nýjungum og öðru því, er varðar aukið athafna-
svið, að heimsækja fjarlægar þjóðir og kynnast
markaðsmöguleikum af eigin reynd.
í febrúar sl. lagði Páll B. Melsted stórkaupmaður
í Reykjavík land undirfót í leit að nýjum mörkuðum
fyrir íslenzkar afurðir og þá aðallega skreið. Páll er
með víöförlari fslendingum, og í þetta skiptið var
ferðinni heitið á fjarlægar slóðir — alla leið til Afrí
ku. FRJÁLS VERZLUN kom nýlega aö máli við Pál
og spurðist frétta af feröalaginu.
— Þér haflð víst slopplð frá öllum villimönnum?
— Ég hafði lítil afskipti af þeim á þessu ferðalagi
mínu. í norðausturhorni Nígeríu eru stór svæði
með öllu ókönnuð, og er talið, að þar muni enn
hafast við þjóðflokkar, sem aldrei hafa komizt í
tæri við okkar vestrænu siömenningu. Fyrir
tveimur árum hvarf brezkur landkönnunarleið-
angur á þessum slóðum, og hefur ekkert til hans
spurzt síðan. I' Calabar-héraðinu í Nígeríu eru
vígaferli tíð meðal ættbálka, og er þá oftast deilt
um veiðirétt. Eru aðfarir heldur óhugnanlegar, því
líkunum er venjulega fleygt í ár og þau kviðrist
áður svo þau sökkvi. Veldur þetta lögregluyfir-
völdum miklum erfiðleikum við að upplýsa margs-
konar glæpi.
— Hvað er að segja um verzlunina?
— Nígería er langsamlega stærsta viðskiptaland
okkar í Afríku, og kaupa þeir af okkur skreið. f
septemberlok í ár höfum við flutt út skreið til Ní
geríu að verðmæti röskar 50 milljónir króna, en
Páll B.
Melsted
heildarskreiðarútflutningur okkar nam þá um 70
millj. króna. Erum við fslendingar næstir á eftir
Norðmönnum í útflutningi skreiðar til landsins, en
þeir hafa á sama tíma í ár selt þangað skreið fyrir
um 117 milljónir króna. Sala annarra þjóða er
hverfandi. Við munum fyrst hafa byrjað sölu á
skreið til Nígeríu árið 1951, og viðskipti verið mikil
ávallt síðan. Ekki er ósennilegt, að auka megi
markaðinn til muna eftir því, sem fleiri íbúar Ní
geríu komast upp á lagið meö aó borða íslenzka
skreið.
— Hvernig matbúa þeir innfæddu skreiðina?
— Þeir saga hana fyrst niður í smá stykki og
bleyta síðan í vatni yfir nótt. Síöan sjóða þeir
skreiðina og krydda drjúgan. Þeir borða hana
með beztu lyst — ásamt beinum og roði, því ekkert
er látið fara til spillis. Þykir íslenzka skreiðin hinn
mesti herramannsmatur í Nígeríu.
3
Verzlunarhús f Lagos í Nígeríu.
75