Frjáls verslun - 01.06.1983, Qupperneq 49

r
Oli í Pennaviðgerðinni:
Kominn aftur
tO Pennans
eftir 40 ár
Þeir eru ófáir sem leitað hafa
ráða hjá Óla i Pennaviðgerðinni
þegar kaupa hefur átt góð skrif-
færi til gjafa eða eigin nota.
Ólafur Finnbogason hóf störf
hjá Pennanum árið 1939 og lærði
þar pennaviðgerðir hjá Halldóri
Dungal. 1942 stofnaði hann
sjálfstætt fyrirtæki, Pennavið-
gerðina, sem hann hefur rekið í
40 ár. En nú er hann búinn að
selja Pennanum verslunina, þó
að hann haldi áfram störfum og
verði jafnframt til aðstoðar við-
skiptavinum í hinum Penna-
verslununum tveimur.
„Þetta er ágætt að enda þar
sem ég byrjaði,“ sagði Óli er við
litum inn til hans einn morgun-
inn. „Mér þótti orðið of mikið
álag að standa í þessu öllu.
Víst hefur mikið breyst á
þessum 40 árum. Þá þótti það
mikill munaður að eignast góðan
penna, þó að flestir notuðu þá
reyndar sjálfblekunga. Þess
vegna hugsaði fólk vel unt penn-
ana sína og lét gera við þá, í stað
þess að henda þeim og kaupa
nýja eins og gert er í dag. Annars
finnst mér viðgerðum farið að
fjölga aftur. Það er sjálfsagt af-
leiðingin af þessari margumtöl-
uðu kreppu. Annars eru þeir ekki
margir í dag sem nota sjálfblek-
unginn, eina alvöru pennann.
Það eru helst þessir heldri borg-
arar, stjórnmálamenn, framá-
menn alls konar og forstjórar. Því
rniður eru þeir sorglega margir
sem aldrei hafa kynnst því að
nota almennileg verkfæri til
skrifta. Mér finnst þetta alveg út i
hött, almennilegur penni gefur
miklu fallegri skrift og t.d. veit ég
fátt afkáralegra en að skrifa
sendibréf með kúlupenna.
Það er erfitt að ráðleggja fólki
um kaup á penna, hvort heldgp er
til gjafa eða eigin nota. Það getur
enginn valið penna fyrir annan.
Svo virðast fæstir átta sig á því að
það tekur tvo til þrjá mánuði að
slípa penna til eftir hendinni, því
enginn beitir pennanum eins. En
við höfum reynt að skipta eftir
óskum hvers og eins og stundum
er fólk búið að prófa 3—4 gerðir
áður en það er ánægt. Og nú er ég
auðvitað að tala um alvöru sjálf-
blekung.
Góður penni er talsvert dýr
en líka góð fjárfesting, sé vel farið
með. Annars fást pennar með
gulloddi alveg frá 1200 krónum
upp í 5000, en þá eru þeir líka
með gullslegnu hylki. Og þegar
svo miklir peningar eru komnir í
spilið, er auðvitað miklu meira en
sjálfsagt að láta gera við gripinn
ef eitthvað fer úrskeiðis. Ég vona
að ég geti haldið áfrani að sinna
þeim viðgerðum. Þetta er nett og
fín vinna sem mér líkar alltaf jafn
vel,“ sagði Óli að lokum.
49