Frjáls verslun - 01.02.1987, Side 18

um málum. Þetta eru óformlegir
fundir og allt á dagskrá nema yfir-
menn því þeir eru ekki til staðar.
Þetta samband við starfsfólkið er
nauðsynlegt en æðstu yfirmenn fyr-
irtækja eiga oft á hættu að einangr-
ast og þar með fá þeir ekki þau skila-
boð og þær upplýsingar sem nauð-
synlegar eru til þess að taka réttar
ákvarðanir.
Einnig er nauðsynlegt að gera
langtímaáætlanir þar sem reynt er að
spá í alla þá þætti sem hafa áhrif á
framtíð fyrirtækisins. Þessi áætlun
þarf að vera í stöðugri endurskoðun
svo menn verði fljótir að átta sig á
breyttum aðstæðum. Ef grunnurinn
er nógu vel skilgreindur eiga menn
að geta brugðist skjótt við breyttum
aðstæðum. Það er auk þess hverju
fyrirtæki hollt að stunda naflaskoð-
un, horfa gagnrýnum augum á sjálft
sig. Ekkert fyrirtæki er svo gott að
ekki sé hægt að bæta það.“
Vil hafa keppnismenn
— Hvernig skipuleggur þú tíma
þinn?
„Það er langt í frá að ég geti skipu-
lagt tímann nákvæmlega. Tími minn
fer mikið í að sinna áreiti annað
hvort hér innan dyra eða utan frá.
IBM er þjónustufyrirtæki og ég
reyni að vera sem mest til taks ef
viðskiptavinirnir þurfa að leita til
mín. Tími minn fer því mikið í að
leysa aðsteðjandi og aðkallandi mál.
En auðvitað þarf maður að geta lok-
að sig af þegar þörf krefur til að
sinna þeim málum sem þarf að gefa
sér góðan tíma í.
Ég reyni að mæta snemma, er yfir-
leitt kominn á skrifstofuna um
klukkan 8. Fyrsta sem ég geri er að
kveikja á skjánum og skoða tölvu-
póstinn og svara honum. Klukkan 9
þegar flestir starfsmenn eru mættir
fer ég á stjá og ræði við starfsmenn
og síðan rekur einn atburðurinn ann-
an annaðhvort hér í fyrirtækinu eða
úti í bæ.
Ég er alls ekki sá stjórnandi sem
er með mikla pappíra í kringum mig
og ég er ekki fundaglaður maður.
Ég geri Iítið af því að hafa reglulega
fundi með stjórnendum fyrirtækis-
ins. Við reynum að hittast allir einu
sinni til tvisvar í mánuði. Að öðru
leyti forðast ég fundi. Menn eiga
ekki að halda fundi fundanna vegna.
Fyrirtækið er heldur ekki það stórt
að menn geti ekki hist hvenær sem
þörf er á.
Ég vil vera með fólkinu og hvetja
það áfram. Ég er mikill keppnismað-
ur og vil hafa keppnismenn í kring-
um mig bæði í leik og starfi. Ég vil að
starfsfólkið geri sér grein fyrir því að
það er að keppa ekki aðeins við fyrir-
tæki hér á íslandi heldur öll IBM fyr-
irtækin í 130 Iöndum. Við höfum
samanburð við önnur IBM fyrirtæki
og hann er okkur ákaflega mikilvæg-
ur til að ná árangri. Það er hverjum
manni hollt að hafa keppnisskap en
menn verða auðvitað einnig að
kunna að tapa.
Ég get sagt þér sem dæmi um
hvað ég legg mikið upp úr keppnis-
andanum að ég leyfi börnunum mín-
um aldrei að vinna mig í íþróttum
eða spilum. Ef þau vinna þá vita þau
að ég hef alltaf lagt mig fram.“
— í hvað fer mestur tími þinn?
„Ég hugsa að mestur tími minn
fari í samskipti við starfsmenn en
einnig fer drjúgur tími í samskipti
við viðskiptavini."
— Þú ert sagður mjög kröfuharð-
ur húsbóndi, látir menn óspart heyra
ef þeir standa sig ekki en látir þá
sem standa sig vel vita af því.
„Ég geri mér vel grein fyrir þessu.
Ég geri miklar kröfur til starfsmanna
ekki síður en til mín sjálfs. Ég geri
mér far um að vera hreinskiptinn og
því fá allir athugasemdir sem standa
sig ekki og þeir sem vinna gott starf
fá viðurkenningu.
Maisonrouge fyrrum yfirmaður
IBM í París — en hann kom til ís-
lands á síðasta ári og hélt ræðu á
aðalfundi Verslunarráðsin — sagði í
bók sem hann ritaði að það sem ein-
kenndi stjórnunarstíl IBM manna og
væri mestur styrkur þeirra væri að
vera aldrei ánægður. Menn geta
aldrei sest niður og hallað sér aftur í
stólnum og sagt: Hér er allt í besta
Iagi. Menn verða stöðugt að leita og
sjá hvar hægt sé að gera betur.“
Trúnaðarsamtöl
— Þið fylgið mjög ákveðinni
starfsmannastjórnun. Hvernig er
hún?
„Það á að vera skilyrði í hverju fyr-
irtæki að starfsfólkið viti til hvers
ætlast er af því. Hver starfsmaður
hér hefur ákveðna starfslýsingu en
auk þess byggir starfsmannastjóm-
Gunnar M. Hansson heldur hér á framtíöaráætlunum IBM á íslandi bæöi fyr-
ir þetta og næsta ár svo og fyrir næstu fimm árin. Þessar skýrslur eru al-
gjört trúnaðarmál en Gunnar brá þeim upp sem dæmi um hvernig staðið
væri að áætlanagerö hjá IBM.
18