Frjáls verslun - 01.02.1987, Síða 43

tegund getur samt reynst erfitt að fá
innflutningsleyfi. Þessu er ekki
þannig varið í pottablómum. Um leið
og varan er ekki til er leyfður inn-
flutningur. Þannig viljum við að lög-
unum sé framfylgt.
A hinn bóginn stefnum við að þvi
að innflutningur verði eins frjáls og
mögulegt er þannig að hægt verði að
flytja inn hvaða tegund á hvaða tíma
árs sem er. Gæði íslensku framleiðsl-
unnar eru það mikil að engum dytti í
hug að flytja inn blóm á þeim tíma
sem hún er í gangi. Við sjáum hvaða
þróun hefur orðið í innflutningi
grænmetis. Þar er frjáls innflutning-
ur á þeim tíma sem innlent grænmeti
er ekki á boðstólum. Þetta hefur
leitt til þess að neysla grænmetis hef-
ur aukist og ég er sannfærður um
að það hefur komið íslenskum garð-
yrkjubændum til góða í aukinni eftir-
spurn.
Varðandi grænmeti og kartöflur
er ekki hægt að tala um frjálsan inn-
flutning allt árið þar sem tollar á
þeim vörum eru það lágir að inn-
lendri framleiðslu er hætta búin í sam-
keppni við ódýra og oft niðurgreidda
erlenda framleiðslu. í blómunum
gegnir öðru máli. Þar eru farmgjöld
og aðflutnignsgjöld um 100-120%.
Þetta er mikil vernd fyrir innlendu
framleiðsluna og ég veit að íslenskir
„Innlendir blómabændur eru samkeppnisfærir viö innflutning sem er svona
hátt tollaöur", segir Bjarni Finnsson í Blómavali.
blómabændur eru samkeppnisfærir
við innflutning sem er svona hátt
tollaður. Þess vegna held ég að óhætt
sé að leyfa frjálsan innflutning á blóm-
um allt árið og bændur eru óþarflega
hræddir við þessa samkeppni. Þeir
hafa yfirburði í gæðum framleiðsl-
unnar og flestir blómaseljendur eru
hlynntir íslenskri garðyrkju. Eg skil
ekki hvers vegna menn vilja stýra og
stjórna hlutum sem stýra sér miklu
betur sjálfir á markaðnum."
^ VISA
OPIÐ frá kl. 9 - 2 1 alla daga
Blómabúöin
Linnetstíg 3 — sími 50971
Reykjavíkurveg 66 — sími 652020
Goðatúni 2 — sími 44160
Fermingarskreytingar í fjölbreyttu
úrvali,
Viö höfum líka fallegar fermingar-
gjafir viö þitt hæfi.
43