Frjáls verslun - 01.12.1991, Qupperneq 21

ins. Leikhúskjallarinn var á þeim tíma
langbesti veitingastaður landsins og
raunar sá eini sem þótti boðlegur fyrir
fínni veislur. Ymsir aðrir veitinga-
menn höfðu horn í síðu Þorvaldar á
þessum tíma og sökuðu hann um að
vera að fást við hluti sem hann hefði
ekki menntun til. Smám saman þögn-
uðu þó slíkar raddir enda kom strax í
ljós að Þorvaldur var fyllilega fær um
slíkan rekstur.
Eins og áður sagði hafði Síld og
fiskur smám saman breyst í kjöt-
vinnslu og verslun með alls kyns
rétti. Þegar Þorvaldur var orðinn
einn stærsti kjötkaupandi í landinu sá
hann sæng sína útbreidda og þótti
eðlilegast að framleiða sjálfur það
sem til þurfti.
„Mér þótti slæmt að eiga mín við-
skipti undir framleiðslu annarra auk
þess sem við lögðum æ meiri áherslu
á rétti úr svínakjöti en það var erfitt
að fá á þessum árum. Það var því ekki
annað að gera en setja upp eigið bú og
hófst þá leit að heppilegri jörð. Við
sáum auglýsta jörðina Minni-Vatns-
leysu og sáum strax að hún hentaði
mjög vel til þessara hluta. Það varð úr
að við keyptum jörðina árið 1954 með
það fyrir augum að reka þar svínabú
því okkur fannst eðlilegast að við
bærum sjálfir ábyrgð á kjötframleiðsl-
unni. Þarna hafði verið lítill búskapur
fyrir en ég hóf rekstur svínabúsins
með 30 gyltur í húsi. Þetta vatt upp á
sig og í dag erum við með 350 gyltur
og sjáum kjötvinnslunni algjörlega
fyrir hráefni.
Auðvitað er engin ástæða til að
gera upp á milli þeirra starfsgreina,
sem ég hef fengist við um ævina, en
hitt get ég sagt að ég hef alltaf haft
gaman af búskapnum og reyni að
skjótast suður á svínabúið á hverjum
degi. Við sjáum sjálfir um ræktun
svínanna, uppeldi, slátrun og svo alla
úrvinnslu í sérstakri kjötiðnaðarstöð
okkar í Hafnarfirði. Við teljum svína-
búið vera undirstöðu árangurs okkar
með Ali-merkið og að neytendur geti
verið öruggari með gæðin þegar
framleiðslan kemur frá einu búi þar
sem áhersla er lögð á traust gæðaeft-
irlit.“
ÚT í HÓTELREKSTUR
Þorvaldur lét mjög að sér kveða í
iyrTÍTO
AUGLYSINGAR - SKILTAGERÐ
SILKIPRENTUN
SKEIFUNNI 3c -108 REYKJAVÍK
SÍMI:
680020
FAX: 68 00 21