Frjáls verslun - 01.02.1992, Blaðsíða 19

Á næstunni þurfa rökin fyrir sölu Búnaðarbankans að vera tíunduð svo
almenningur fái skýrari mynd af tilgangi einkavæðingar Búnaðarbankans.
2. Óeðlileg samkeppnisstaða
Jafnvel þótt allir sparifjáreigendur
vilji ávaxta fé sitt á áhættulausum
stað þá er ekkert slíkt til. Ríkið hefur
samt verulega yfirburði miðað við
einkaaðila í þessum efnum sem gerir
samkeppnisstöðu banka mjög ójafna.
Ríkisbankar, og jafnvel verðbréfafyr-
irtæki í eigu ríkisins, hafa með ýmsu
móti reynt að gefa neytendum til
kynna að þessar stofnanir séu örugg-
ari en einkastofnanir — ríkið sé þó
bakhjarlinn. Þannig er því ríkið búið
að koma á mjög óréttlátri samkeppni
milli einkafyrirtækja og ríkisfyrir-
tækja sem ekki getur gengið.
í Bandaríkjunum eru allar innstæð-
ur einstaklinga í bönkum og sparisjóð-
um tryggðar af ríkinu upp að tæpum 6
milljónum íslenskra króna. Þannig
hefur ríkið reynt að tryggja viðskipta-
vinum einkabanka fjárhagslegt ör-
yggi. Mikið hefur verið um banka-
gjaldþrot í Bandaríkjunum og óvíst
hvort bandaríska alríkið muni halda
áfram að tryggja innstæður með
þessum hætti. Sparifjártrygging sem
þessi er þó mun eðlilegri en sú órétt-
láta samkeppni sem á undan greinir.
3. Pólitísk afskipti
Pólitísk afskipti af fjármálakerfinu
eru mun meiri hérlendis en á hinum
Vesturlöndunum. Pólitísk afskipti eru
óhagkvæm í þjóðfélaginu og áhrif
stjórnmálamanna í fjármálakerfinu
hafa án efa leitt yfir sig meiri óskunda í
íslensku efnahagslífi en nokkurn
grunar. Þar sem stjómmálamenn
koma nálægt er hætt við því að pen-
ingar renni ekki í þá farvegi sem hag-
kvæmast er að peningar renni í held-
ur í pólitíska farvegi — kunningja-
þjóðfélagið eins og það er stundum
nefnt.
Homo
SKRIFSTOFUSTÓLUNN
VINNUR MEÐ ÞÉR
SKÚLAGATA 61 • REYKJAVÍK
SÍMI 612987 ■ FAX 612981
Paris: Verö frá 40.570.-
~^4lÚSGÖGN
Oslo: Verö frá 19.380.-
19