Frjáls verslun - 01.06.1994, Blaðsíða 42

MARKAÐSMÁL
Flestir gera sér grein fyrir hverjar
eru forsendur þess að knattspymulið
geti náð langt en færri munu geta talið
upp hverjar séu forsendur þess að
fyrirtæki gangi vel þó að margt sé líkt
með þessu tvennu. Það þarf að laða
að góða liðsmenn og þjálfara, endur-
nýja í liðinu, kynna liðið í ijölmiðlum,
halda uppi góðum liðsanda, velja góð-
an mann í hveija stöðu á vellinum,
þjálfa liðsmenn eftir einhverju virku
kerfi og að sjálfsögðu að afla tekna og
halda kostnaði í lágmarki.
Sömu forsendur gilda um fyrirtæki
sem vill ná langt: Það verður að hafa
hæfileikann til þess að laða að hæfa
starfsmenn og stjómendur, halda
uppi góðum starfsanda, hlúa að vör-
um sfnum, geta fundið nýjar vörur og
losað sig við úreltar vömr, kynna
réttar vörur á réttan hátt og stjóma
fyrirtækinu eftir einhverju ákveðnu
skilvirku kerfi.
Flestir gera sér grein fyrir hverjar eru forsendur þess að knattspyrnulið geti
náð langt en færri munu geta talið upp hverjar séu forsendur þess að
fyrirtæki gangi vel þó margt sé líkt með þessu tvennu.
REKSTUR FÓTBOLTA-
LIÐS OG FYRIRTÆKIS
Það kemur engum á óvart að at-
vinnumaður í fótbolta þurfi að láta af
störfum eftir 10-15 ár en mörgum
kemur á óvart þegar vörutegund
hættir að vera vinsæl.
Þó er það þannig að fáar vöruteg-
undir eru vinsælar í meira en 10-15 ár
og t.d. er meðal líftími neytendavara í
Bandaríkjunum um þrjú ár.
Eins og sjá má á meðfylgjandi grafi
skiptist líftímakúrvan í fjögur þrep.
Kynningarskeiðið er fyrsta skeið líf-
tíma hverrar vöru en á því er varan
lítið þekkt á markaðnum og í raun ekki
vitað hvort markaðurinn muni vilja
vöruna eða ekki. Ef hins vegar vel
tekst til með kynningu og varan upp-
fyllir þarfir neytenda eykst salan
hratt. En kostnaður er það mikill á
hverja selda einingu að fyrirtækið
tapar á vörunni á þessu skeiði.
Ef varan kemst á vaxtarskeiðið er
ljóst að markaðurinn hefur samþykkt
vöruna. Enn er kostnaður mikill á
hverja selda einingu en aukning sölu
mikil. í flestum tilvikum byrjar fyrir-
tækið að hagnast á vörunni á vaxtar-
skeiðinu.
Þegar markaðurinn er að mettast,
þ.e.a.s. þegar salan á markaðnum er
að ná hámarki, þá er varan orðin það
vel kynnt og salan orðin það mikil að
fyrirtækið ætti að hagnast vel á söl-
unni ef allt er með felldu. Hins vegar
er söluaukning lítil sem engin þannig
að markaðurinn er hættur að stækka
Greinarhöfundur, Kristín
Björnsdóttir, er kennari í
markaðsfræðum við við-
skiptadeild Háskóla ís-
lands. Hún starfar einnig
sem markaðsráðgjafi. í
fróðlegri grein hér fjallar
hún um líftíma neysluvara
og bregður upp skemmti-
legum samlíkingum við
rekstur knattspyrnuliðs.
MYNDIR: KRISTJÁN EINARSSON
42