Helgarpósturinn - 06.10.1994, Blaðsíða 6
6
MORGUNPÓSTURINN FRÉTTIR
FIMMTUDAGUR 6. OKTÓBER 1994
■ Hafnarstjórn vill kaupa slipp Stálsmiðjunnar
■ Vesfurheimar hf héldu áfram eftir gjaldþrotið
og kaupandi slyppur og snauður
Jón Baldvin Hannibalsson svarar gagnrýni á afgreiðslu krata á
Guðmundarmálinu
-í\thygli vekur hve mikið Hafnar-
stjórn Reykjavíkur lcggur á sig við
fjárhagslega endurskipulagningu
Stálsmiðjunnar hf. sem nú gcngur í
gegnum nauðasamninga. Hefur
stjórn Reykjavíkurhafnar lýst sig
reiðubúna til að kaupa slippa Stál-
smiðjunnar hf. á athafnasvæði fé-
lagsins við Ægisgarð í Reykjavík
með tilheyrandi lóðarréttindum.
Kaupverð er 70 milljónir króna sem
greiðist þannig að áhvílandi veð-
skuldir upp á 25 milljónir eru tekn-
ar yfir samkvæmt sérstöku sam-
komulagi við veðhafa. Með pening-
um verða 30 milljónir greiddar og
þá verða 15 milljónir greiddar eftir
því sem endurbótum á slippnum
miðar ffam. Þegar málið var afgreitt
í Hafnarstjórn bókaði Sigurður
Rúnar Magnússon athugascmd þar
sem hann segir að með þessu sé ver-
ið að ýta undir cinokunaraðstöðu á
upptökubúnaði í Reykjavíkur-
höfn...
nýjasta tölublaði Neytenda-
blaðsins segir frá sérstökum við-
skiptaháttum fýrirtækisins Vestur-
heimar hf. sem úrskurðað hefur
verið gjaldþrota. Úrskurðurinn
kom 11. apríl en 27. apríl gerði
starfsmaður fýrirtækisins samning
um sölu á fellihýsi sem átti sam-
kvæmt samningnum að koma til
landsins nokkrum vikum síðar.
Söluverðið var 350 þúsund krónur
sem grciddar voru við samnings-
gerðina. Fellihýsið kom hins vegar
aldrei til landsins og kaupandinn
tapaði því peningunum. Hefur lög-
fræðingur Neytendasamtakanna
lagt til við skiptaráðanda að málið
verði kært til RLR...
„Enginn bedið Rfldsendur-
skoðun um siðferðisvottorð“
Davíð Oddsson hefur kveðið
upp úr um það að honum finnst
það klén ákvörðun að senda mál
Guðmundar Árna Stefánssonar
til Ríkisendurskoðunar. MORGUN-
PÓSTURINN náði tali af Jóni Bald-
vini Hannibalssyni utanríkisráð-
herra í gær úti í Washington. Hann
var spurður álits á þessum fullyrð-
ingum.
„Það er auðskilið mál hvers
vegna það er gert. Fyrrverandi heil-
brigðisráðherra hefur svarað fram-
kominni gagnrýni með skýrslu.
Ýmsir hafa orðið til þess, í röð
stjórnarandstæðinga og aðrir, að
véfengja þessa skýrslu og telja hana
ekki fullnægjandi. Við þær aðstæð-
ur er ekki annarra kosta völ en að
snúa sér til hlutlausrar eftirlits-
stofnunar Alþingis og biðja hana
um eftirfarandi: Að fara yfir fram-
komna gagurýni og svör fýrrver-
andi heilbrigðisráðherra og ganga
úr skugga um það hvort embættis-
færsla hans er í samræmi við réttar
stjórnsýslureglur og venjur. Vænt-
anlega rengir enginn það þegar um
hlutlausa stothun er að ræða og það
ætti væntanlega að svara þeim sem
véfengja að öll kurl séu komin til
grafar - að málið sé að öllu leyti
Þær héldu að þær væru ó leið í sumarfrí með pabba
Gefum þeim aftur íslenskt líf
skýrt. Þetta er það sem Ríkisendur-
skoðun er ætlað að gera og þetta er
það sem hún hefur tekið að sér að
gera og hún telur vera í samræmi
við sínar starfsreglur. Hins vegar
hefur enginn beðið Ríkisendur-
skoðun um siðferðisvottorð, það er
mikill misskilningur.“
En hvað Snnst þér um þá skoð-
un Davíðs að það hefði þurft að
taka meira afgerandi afstöðu í
málinu?
„Ég hef þegar svarað því.“
Davíð hefur tekið dæmi af því
að Sjálfstæðisflokkurinn hafi lent
í svipuðum málum og leyst þau,
og er þá væntanlega að tala
um Albertsmálið.
„Ég held að sjálfstæðis-
menn á þeim tíma, eftir á að
hyggja, hafi verið afar ósáttir
við þá svokölluðu lausn. Alla
vega var það svo að þriðj-
ungur hefbundinna kjós-
enda Sjálfstæðisflokksins
lýsti sig ósammála þeirri
niðurstöðu með því að kjósa
ekki flokkinn í kosningum
1987. Sennilega hefur mönn-
um þótt það vera tvískinn-
ungur að Alberti Guð-
mundssyni var annars veg-
ar vísað úr ríkisstjórn - þótti
ekki þar selskapshæfur - en
hins vegar var allt í lagi að
hann leiddi lista sjálfstæðis-
manna á sama tíma fyrir
kosningar. Hann leysti það
vandamál með því að stofna
nýjan flokk sem fékk tíu
prósenta fylgi þannig að
kjósendur virtust ekki vera
mjög sáttir við þá niður-
stöðu frekar en margir sjálf-
stæðismenn."
Nú hefur Ríkisendur-
skoðun kveðið upp úr um
að það taki að minnsta
kosti þrjá mánuði að skoða
þig einan - er ekki ljóst að
þetta mál kemur beint inn í
kosningarnar?
„Ríkisendurskoðandi hef-
ur tjáð mér að hann muni
reyna að hraða þessari
könnun á embæítisfærslu í
heilbrigðisráðuneytinu eftir
föngum. Ég treysti því að
hann geri það. Að því er
varðar utanríkisráðuneytið
þá veldur það mér ekki
áhyggjurn þó að það taki
einhvern tíma.“
Nú blasir við að þrátt fyr-
ir að tímabundin lausn sé
komin á mál Guðmundar
Árna þá logar Alþýðuflokk-
urinn í innbyrðis deilum.
Aðstoðarmenn ráðherra
senda hvor öðrum kvið-
linga og Gunnlaugur Stef-
ánsson hefur gagnrýnt Sig-
hvat Björgvinsson fyrir að-
gerðarleysi í máli trygg-
ingayfirlæknis. Blasir ekki
við að það er engin sátt í
flokknum?
„Þeir sem voru viðstaddir
hinn fjölmenna flokkstjórn-
arfund Alþýðutlokksins um
helgina kynntust því að Al-
Jón Baldvin Hannibalsson
„Sennilega hefur mönnum þótt
það vera tvískinnungur að Alberti
Guðmundssyni var annars vegar
vísað úr ríkisstjórn - þótti ekki
þar selskapshæfur - en hins veg-
ar var allt í lagi að hann leiddi lista
sjálfstæðismanna á sama tíma
fyrir kosningar."
þýðutlokkurinn logar ekki út af
ósátt um þessi mál. Ég þekki ekki til
einstakra mála eftir að ég fór úr
landi en hitt veit ég að staðreyndir
málsins varðandi Björn Önundar-
son eru þessar: Á þeim tíma sem
Sighvatur var í heilbrigðisráðuneyt-
inu var rannsókn að vísu hafin á
málefnum tryggingayfirlæknis en
hann hafði ekki verið með formleg-
urn hætti ákærður. Á meðan svo
var lá íyrir álit ríkislögmanns um
það að brottvísan úr starfi gæti kall-
að fram skaðabótakröfu. Það var
því óvarlegt og var ráðið frá því.
Þetta gerbreyttist eftir að fram er
komin formleg ákæra og þetta er
því rétt sem haft er eftir Sighvati.“
Nú hefur Jóhanna Sigurðar-
dóttir sagt það um málefni Guð-
mundar Árna Stefánssonar að ef
hún væri í hans sporum þá hefði
hún sagt af sér. Hvað fmnt þér um
það tillegg hennar?
„Mér finnst það athyglisvert að
Jóhanna er að lýsa sig sammála
stjórn Félags frjálslyndra jafnaðar-
manna, sem hafa lýst sömu skoð-
unum, og mér finnst það einnig at-
hyglisvert vegna þess að Guð-
mundur Árni var yfirlýstur stuðn-
ingsmaður Jóhönnu Sigurðardótt-
ur á flokksþinginu.“
Þú hefur áður vænt hana um
óhcilindi - finnst þér þetta vera
dæmigert fyrir óheilindi hennar?
„Ég hef ekkert frekar um það að
segja.“
I umræðu um stefnuræðu for-
sætisráðherra opinberaði Jóhanna
framboð sitt í nýjum stjórnmála-
flokki með stefnuskrá sem tekur
mið af siðbót og jöfnuði í þjóðfé-
laginu. Hvað er þitt álit á því?
„Þetta eru ekki ný tíðindi og
kemur ekki á óvart.“
Hvernig heldur þú að þetta
þing, sem nú er hafið, verði?
„Þetta þing er kosningaþing og
mun draga dám af því. Ég hef enga
sérstaka skoðun á því fyrirfram
hvernig það mun artast. Éorsætis-
ráðherra lýsti því hins vegar yfir í
sjónvarpsviðtali um síðustu helgi
að hann héldi haustkosningar úr
sögunni og hann stefndi að kosn-
ingum í apríl eins og ráð var fyrir
gert og gerði ráð fyrir að þróun
mála yrði á þann veg. Ég er sam-
mála því mati.“ -SMJ
Landssöfnun til stuðnings baráttunni við að ná Dagbjörtu og Rúnu heim frá Tyrklandi
fer fram á öllum útvarpsstöðvum landsins föstudaginn 7. október frá kl. 9:00.
s
i
i
Búnaðarbanki íslands er fjárgæsluaðili söfnunarinnar
og þar er einnig söfnunarreikningur númer 0323-26-9000 opinn fyrir framlög.
9091909
AÐALSTÖÐIN
Nú vantar aðeins herslumuninn
ÚTVARPSSTÖÐIN /O, R^XBAIIAI
W é* HEIM!
f UVMWcHFilU
GOTT ÚTVARP
®BÚNAÐARBANKINN
- Traustur banki
Leiðréttingar
í síðasta tölublaði MORG-
UNPÓSTSINS var sagt frá til-
lögu tíu Alþýðuflokks-
manna sem skoruðu á Guð-
mund Árna Stefánsson að
segja af sér ráðherradómi og
varaformennsku í Alþýðu-
flokknum. Einn þeirra sem
undirritaði tillöguna var
Öm Þorláksson í stjórn Fé-
lags frjálslyndra jafnaðar-
manna. í greininni var hann
rangfeðraður og er beðist
velvirðingar á þeim leiðu
mistökum.
í fyrsta tölublaði MORGUN-
PÓSTSINS var sagt frá fimmtugsaf-
mæli Þórunnar Sigurðardóttur. Þar
var ranglega farið með föðurnafn
veislustjórans sem heitir réttu nafni
Signý Pálsdóttir. Eru viðkomandi
beðnir velvirðingar á þessum mis-
tökum.
í grein um uppsagnir í íslands-
banka í Keflavík var sagt að sá
starfsmaður sem hefði starfað
lengst væri 68 ára gömul kona. Hið
rétta er að konan er 58 ára gömul.
Er beðist velvirðingar á þessu.
Ritsj.