Helgarpósturinn - 06.10.1994, Blaðsíða 12

12
MORGUNPÓSTURINN SKOÐUN
FIMMTUDAGUR 6. OKTÓBER 1994
Útgefandi
Ritstjórar
Frétttastjóri
Framkvæmdastjóri
Markaðsstjóri
Miðill hf.
Páll Magnússon, ábm
Gunnar Smári Egilsson
Sigurður Már Jónsson
Kristinn Albertsson
Þórarinn Stefánsson
Setning og umbrot Morgunpósturinn
Filmuvinnsla og prentun Prentsmiðjan Oddi hf.
Verð í lausasölu kr. 195 á mánudögum
og kr. 280 á fimmtudögum.
Áskriftarverð er kr. 1.300 á mánuði fyrir tvö blöð í viku.
Þeir sem greiða með greiðsiukorti fá 100 króna afslátt.
Sjálfstæðis-
flokkurinn og
Evrópusambandið
Afstaða forystumanna Sjálfstæðisflokksins til Evrópu-
málanna verður æ pínlegri fyrir flokkinn eftir því sem
nær dregur kosningum. Talsmenn flokksins hafa með
einhverjum undarlegum hætti orðið viðskila við þá um-
ræðu um málið, sem á sér stað í þjóðfélaginu, - ekki síst
meðal þungaviktarmanna í atvinnulífmu. Þær raddir
gerast stöðugt háværari í hópi hinna síðarnefndu, að
hagsmuna íslendinga sé best gætt með því að kanna til
fullnustu hvers konar samningi væri hægt að ná um
inngöngu í Evrópusambandið.
Þessu viðhorfí vex stöðugt fylgi með þjóðinni og trú-
lega einna helst meðal stuðningsmanna Sjálfstæðis-
flokksins. Ungliðahreyfmg flokksins tók þessi mál til
umræðu á þingi sínu fyrir skömmu, en fékk fyrir vikið
snuprur ffá flokksformanni sínum. Á honum var helst
að skilja, að bara með því að hugsa um aðild að Evrópu-
sambandinu, hvað þá að tala um málið, væru unglið-
arnir að ganga erinda Alþýðuflokksins!
Ef forysta Sjálfstæðisflokksins vill halda einhverjum
takti í þessu máli við stóran og stækkandi hóp stuðn-
ingsmanna sinna, verður hún að láta af þessari for-
stokkuðu afneitun á því að Evrópusambandsaðild sé til
umræðu. Það gengur ekki fyrir stærsta stjórnmálaflokk
landsins að láta sem svo, að málið sé ekki til. Það er til,
og það er ekkert einkamál Alþýðuflokksins.
Nú má ekki skilja þessi orð á þann veg, að hér sé verið
að hvetja til inngöngu í Evrópusambandið, og það má
taka undir það með formanni Sjálfstæðisflokksins, að
sjávarútvegssamningur á borð við þann, sem Norð-
menn fengu, sé ekki ásættanlegur fyrir Islendinga.
Sömuleiðis kann vel að vera að við fengjum engu fram-
gengt umfram Norðmenn, en víst má telja að við næð-
um lengra í aðildarviðræðum en tvíhliða viðræðum.
Það kann samt að fara svo að við náum ekki nógu langt
og kjósum, að ígrunduðu máli, að hafna aðild.
Aðalatriðið er að láta á þetta reyna, og Sjálfstæðis-
flokknum er ábyggilega hollara að hafa um það ein-
hverja forystu í stað þess að drattast í sporum annarra
floklca og eigin stuðningsmanna. ■
Pál! Magnússon
BsatkMorvtm J \
Pósturmn
Vesturgötu 2, 101 Reykjavik, simi 2 22 11,
Beinir símar eftir iokun skiptiborös:
Ritstjórn 24666, tæknideild 24777, auglýsingadeild 24888 og dreifing 24999
Símbréf ritstjórnar 22243 - Símbréf auglýsingadeildar 22241 - Símbréf afgreiöslu 2237 7
Þjóðarsigur
W * /f. Wt v>... • - .

mmæ

að verja þessa ferð. “
Magnús Gunnarsson úr Hafnarfirði
Það er enginn
millivegur
„Fólk tekur harða
afstöðu með og á móti t
mínum málum."
Guðmundur Árni Stefánsson
vinagreiði
Skyldi vera ,
mikil
ásókn í hann?
„Ég hef áldrei J
haft áhuga j
á að hafa aðdá- \
endaklúbb ’’
í kringum mig. “ j
Hrafn Gunnlaugs-
son mógúll j
Getur maðurínn
ekki lært í einrúmi?
„Hvað er félagshyggja?“
Björn Bjarnason frjálshyggjumaður
Ekkertfœr íslensk menning heldur
„Á móti hverri krónu sem er skorin niður
í Kvikmyndasjóði ríkisins tapast margar
krónur í erlendum sjóðum. Það að skera
niður Kvikmyndasjóð er eins
og að skjóta sig ífótinn í miðju ferðalagi.
Það er einfaldlega heimskulegt. “
í fjárlagafrumvarpinu fyrir árið
1995 finnst batinn hvergi nema í
orðum. Það er ekki gerð tillaga um
að minnka atvinnuleysið. Þvert á
móti er gert ráð fyrir því að at-
vinnulausir verði að jafnaði um
6ooo talsins allt næsta ár. Það er
ekki gert ráð fyrir því að bæta hag
húsbyggjenda, eða eigum við frekar
að segja húsnæðisskuldara, því það
er ekki króna í því skyni í fjárlaga-
frumvarpinu. Þvert á móti er fylgt
þeirri stefnu að framlögin til Bygg-
ingarsjóðs verkamanna lækki á
næsta ári um þrjú hundruð millj-
ónir króna. það er í fjárlagafrum-
varpinu ekki reiknað með því að
bæta stöðu þess fólks sem nú á fé-
lagsmálastofnanir einar að til lífs-
viðurværis. Það á að viðhalda skatt-
lagningu á tekjur langt fyrir neðan
þau skattleysismörk sem heitið var.
Það á að halda í sama lága kaupið.
En fleira kemur til. Það á að
halda áfram að skera niður velferð-
arkerfið. Þrátt fyrir batann. Það á
að leggja á nýja sjúklingaskatta. Það
á að skerða tekjur atvinnulausra, af
öllum mönnum. En það á um leið
að lækka skatta hátekjumanna og
það er tekin um það bein ákvörðun
að leggja ekki skatta á fjármagns-
tekjur.
Einn sá málaflokkur sem fer
áfram illa út úr fjárlagaákvörðun-
um ríkisstjórnarinnar er mennta-
og menningarmál. Það er ótrúlega
langt seilst eftir niðurskurði. I þess-
ari grein verður staldrað við menn-
ingarmál.
Dæmi um menningarmálin er
niðurskurður á framlögum til hús-
verndarsjóðs.
Annað dæmi er niðurskurður á
framlögum til Kvikmyndasjóðs um
20 prósent.
Listskreytingasjóður:
Fær ekki neitt framlag!
Þriðja dæmið er Listskreytinga-
sjóður. Hann hefur haft lítið fé á
undanförnum árum. Fjármagn til
hans hefur verið skert. Einnig í
minni ráðherratíð. En sjóðurinn
hefur þó haft nokkra fjármuni, eða
um tólf milljónir króna á ári. Og
það hefur munað um þessa fjár-
muni þó litlir séu. Fyrir tíu árum
réttum lagði þáverandi ríkisstjórn
Þungavigtin
SVAVAR
Gestsson
Þirtgmaður
Alþýðu-
bandalagsins
Framsóknarflokksins og Sjálfstæð-
isflokksins til að sjóður þessi yrði
skertur sérstaklega. Þá reis upp þá-
verandi forseti neði deildar, Ingvar
Gíslason, fyrrverandi menntamála-
ráðherra, og stöðvaði afgreiðslu
fjárlaganna nema sjóðurinn yrði
réttur við. Það var gert.
Nú leggur Ólafur G. Einarsson
til að framlög í þennan sjóð verði
alveg afnumin. Spurningin er sú
hvort nokkur Ingvar Gíslason
finnist í liði stjórnarflokkanna til að
bjarga Listskreytingasjóði. Það er
ólíklegt. Það hefur ekki orðið mikið
vart við menningaráhuga í stjórn-
arliðinu.
Eins og að skjóta
sig í fotinn í ferðalagi
Og hvað með Kvikmyndasjóð?
Auðvitað verður að knýja á um lag-
færingu á honum. Kvikmyndasjóð-
ur skilar í raun verulegri vinnu og
gjaldeyrissköpun og stórfelldri
landkynningu. Með þeim sjóðum
erlendum sem við urðum aðilar að
í síðustu ríkisstjórn hefur reynst
unnt að tryggja verulega fram-
leiðslu íslenskra kvikmynda. Með
því að skerða Kvikmyndasjóð er
verið að þrengja möguleika ís-
lenskrar kvikmyndaframleiðslu til
að sækja fé í aðra kvikmyndasjóði.
Á móti hverri krónu sem er skorin
niður í Kvikmyndasjóði ríkisins
tapast margar krónur í erlendum
sjóðum. Það að skera niður Kvik-
myndasjóð er eins og að skjóta sig í
fótinn í miðju ferðalagi. Það er ein-
faldlega heimskulegt.
Núverandi ríkisstjórn skilar illa
við í menningarmálum. Hún hefur
skorið niður fé til menntamála í
heild um liðlega tvo milljarða
króna frá 1991 miðað við fjárlaga-
frumvarpið og hún hefur að auki
lagt virðisaukaskatt á alla menning-
arstarfsemi. Sennilega borgar sú
skattheimta öll framlög til menn-
ingarinnar í raun. Menningin
borgar sín framlög sjálf! Og svo
mikið er þá víst: Að menningin fær
ekki batann í efnahagsmálum,
fremur enn skólarnir, atvinnulaus-
ir, sjúklingar, skuldarar. Batinn er
bara fyrir ræður Davíðs Oddsson-
ar. ■
Höfundur er alþingismaður Reykvíkinga
og fyrrverandi menntamáiaráðherra
Þungavigtarmenn eru meðal annars: Árni Sigfússon, Geir Haarde, HalidórÁsgrímsson, Ingibjörg Sólrún Gísladóttir, Jóhanna Sigurðardóttir,
Jón Steinar Gunnlaugsson, Óskar Magnússon, Páll Kr. Pálsson, Svavar Gestsson, Ögmundur Jónasson, Össur Skarphéðinsson.