Lesbók Morgunblaðsins - 06.12.1997, Blaðsíða 7

Lesbók Morgunblaðsins - 06.12.1997, Blaðsíða 7
SKAMMDEGISSVEIFLA SÖNGDAGSKRÁ með lögum og textum Jóns Múla og Jónasar Árnasonar verður frumflutt á Stóra sviði Borgarleikhússins í kvöld, laugardaginn 6. desem- ber, kl. 20.30. Dagskráin nefnist Augun þín blá og byggist á fjór- um söngleikjum þeirra bræðra; Deleríum búbónis, Allra meina bót, Járn- hausnum og Rjúkandi ráði, en auk þess verða frumflutt nokkur lög og textar úr nýju leik- verki bræðranna sem enn er í smíðum. Samantekt og stjórn dagskrárinnar er í höndum Jóns H. Hjartarsonar leikara og rit- höfundar og hann segir að gestum verði boðið upp á rólega og hlýja skemmtun með smá sveiflu í jólastressinu. „Þemað í verkum þeirra Jónasar og Jóns Múla er í grófum dráttum ástin og athafnaþráin og út frá þess- um tveim meginstefum er dagskráin vahn," segir Jón. Söngvarnir eru tengdir með dans- atriðum og stuttum brotum úr leikverkum bræðranna. „Við viljum ylja fólki í skamm- deginu og segja þá litlu sögu sem í atriðunum felst. Auðvitað er þetta nostalgía og við leyf- um okkur hispurslaust að vera væmin og rómantísk, meira að segja talsvert væmin þar sem okkur finnst það hæfa," segir Jón. Listamennirnir sem fram koma eru söngv- ararnir Andrea Gylfadóttir, Bergþór Pálsson og Selma Björnsdóttir, dansarinn Víðir Stef- ánsson og leikararnir Jóhanna Jónas, Kjartan Guðjónsson og Theodór Júlíusson. Hljóm- sveitin er skipuð Kjartani Valdemarssyni á pí- anó og harmonikku, Gunnlaugi Briem á trommur, Sigurði Flosasyni á blásturshljóð- færi og Þórði Högnasyni á kontrabassa. Hjómsveitarstjórn og útsetning var í hönd- um Kjartans Valdemarssonar og danshöf- undur er Ástrós Gunnarsdóttir. Búningar eru eftir Stefaníu Adolfsdóttur, leikmynd gerði Steinþór Sigurðsson og lýsingu Óg- mundur Þór Jóhannesson. Hljóðstjórnandi er Baldur Már Arngrímsson og Ingibjörg Bjarnadóttir er sýningarstjóri. Söng- og gamanleitórnir sem dagskráin byggist á eru allir frá árunum um og eftir 1950 og útlit sýningarinnar vísar til þess tíma. Jón segir ekki mikið hafa verið samið af lögum sem henti í skemmtidagskrá sem þessa og af þeirri tónlist beri verk Jóns Múla og Jónasar vafalítið af. „Tónlist þeirra er ein sú besta sem samið hefur verið af íslenskri alþýðutónlist og ég held að þeir bræður hefðu getað náð á topp- inn úti í hinum stóra heimi hefðu þeir kært sig um það. Og þá væru þeir ekki að þessu puði hér," segir Jón og hlær. Þar sem dagskrá- in byggist allt í senn á djasssveiflu, dansi, söng og leik var leitað til breiðs hóps listamanna til að koma fram í dagskránni. Söngvararnir Andrea Gylfadóttir og Bergþór Pálsson eiga mjög ólíkan söngferil að baki, þó bakgrunnur beggja sé klassískur söngur. Andrea er þekkt djass- og dægurlagasöngkona en Bergþór er óperusöngvari sem hefur auk þess verið við leiklistarnám í Lundúnum. „Dagskráin gerir kröfur til þess að söngvararnir geti leiMð, að leikaranir geti sungið og að dansararnir geti Morgunblaðið/Ásdis „MÖRQ verkanna eru þjóðinni áiíka kær og jólalögin," segir f aðfararorðum að skemmtidagskrá Borgarleikhússins byggðri á lögum og text- um Jóns Múla og Jónasar Ámasonar. F.v. Andrea Gytfadóttir, Víðir Stefánsson, Selma BjömsdótHr, Bergþór Pálsson, Kjartan Guðjónsson, Theodór Júlíusson og Jóhanna Jónas. helst gert svolítíð af hvoru tveggja þó megin- þungi hvers og eins liggi á sérsviði viðkom- andi," segir Jón. Jón MúU segist ekki hafa heyrt af fyrirhug- aðri skemmtidagskrá Borgarleikhússins fyrr en nýverið. Hann sat æfingu á dagskránni í vikunni og er mjög sáttur við vinnu listamann- anna. Nýju sönglögin eru viðbót við leikritið Dandalaveður sem Jónas samdi og sýnt var hjá leikfélagi Húsavíkur árið 1991. „Við bræð- urnir gerðum svokallað demó með þessum lög- um ásamt Eyþóri Gunnarssyni og KK og þau komust svo í hendurnar á Jóni Hjartarsyni sem umsvifalaust vildi hafa þau með i dagskrá sem hann var þá farinn að vinna að fyrir Borg- arleikhúsið," segir Jón Múli. „Ég lá á sjúkrahúsi og hafði ekki hugmynd um að þetta stæði til fyrr en nýverið. Eg fór hins vegar á æfingu hjá þeim í vikunni og sé ekM eftir neinu því þetta er svo fallega gert hjá þessu fólM að ég tel mig hafa náð albata!" Brahms & Schubert Kammertónleikar á Aðventu Franz Schubert (1797 -1828) Jóhannes Brahms (1833 -1897) „MEÐ þér...," syngur sjóarínn (Kjartan Guðjónsson) til stúlkunnar sinnar (Jóhanna Jónas) og laganna vörður tekur undir (Bergþór Pálsson). EFNISSKRA Franz Schubert: Sönata í D-dúr fyrlr flðlu og pfanó D 384 - ópus posth. 137 nr. 1 (1816) Jóhannes Brahms: Sónata í A-dúr fyrlr flðlu og píanó öpus 100 (1886) Franz Schubert: Sónata í a-moU fyrir klarlnett og pianó "Arpeggione" (1824) Jóhannes Brahms: Tríó í £s-dúr fyrir horn, fiðlu og píanó, ópus 40 (1865) Flytjendur: Nicholas Milton (fiðta), Einar Jóhannesson (klarinetta), Jósef Ognibene (horn), Nína-Margrét Grímsdóttir (píanó). Háskólabíó 7. desember kl. 20:30. Salur 2. Miðaverð 1.100 kr. LESBÓK MORGUNBLAÐSINS ~ MENNING/LISTIR 6. DESEMBER 1997 7

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.