Lesbók Morgunblaðsins - 24.10.1998, Blaðsíða 20

Lesbók Morgunblaðsins - 24.10.1998, Blaðsíða 20
FARANDSÝNINGIN „HVORKI NÉ" í NÝUSTASAFNINU ASTÆÐULAUST AÐ GERA ÞJÓÐERNI OG BÚSETU AÐ VIÐFANGSEFNI YFIRSKRIFT samsýningar sem verð- ur opnuð í Forsal og Gryfju Nýlista- safnsins í dag, laugardag, kl. 16, er „Neither nor" eða „Hvorki né". Hér er á ferð farandsýning níu erlendra listamanna og eins íslensks. Þeir eru Henry Bond, Juan Cruz, Graham Gussin, Ritsuko Hidaka og _#.,. Joao Penalva frá London, Christina Dimitri- adis frá Aþenu, Tracy Mackenna og Edwin Janssen frá Rotterdam, Felix Conzalez Torres frá New York, sem lést árið 1996, og íslendingurinn Hanna Styrmisdóttir, sem sér um framkvæmd sýningarinnar ásamt sýning- arstjóranum Marina Fokidis, sem er frá Grikklandi en býr í London. Megininntak sýningarinnar eru vangavelt- ur um heimili og sjálfsmynd og stöðu þessara gilda í nútímanum, þar með talið birtingar- form þeirra innan samtímalistarinnar. Verkin eru níu talsins og eru í formi myndbanda, hljóðs, texta á hvítum pappír og á teppi. Leita svara á nýjum forsendum I kynningu frá Nýlistasafninu segir að eftir því sem heimilið og gildi fjölskyldutengsla lið- ^- ast í sundur í samtímanum verði spurningin um hvernig og hvort viðhalda eigi persónuleg- um og menningarlegum kennileitum áleitin, jafht sem spurningin um hvernig mæta eigi ört vaxandi ágangi fjölskrúðugra menningar- tilboða. Það verði æ algengara að nútímafólk afneiti fastri búsetu og velji vaxandi mögu- leika hreyfanlegrar tilveru. Sýningin „Neither nor" tekur á þessu brotakennda við- fangsefhi, þ.e.a.s. gildi þess að eiga sér heimili og þeim áhrifum sem upplausn þess hefur á sjálfsmyndina. Marina segir sýninguna að hluta til andsvar við þeirri tilhneigingu sem hefur verið ríkj- andi á mörgum sýningum að undanförnu, þar sem mikil áhersla hefur verið lögð á þjóðerni annars vegar og hins vegar á það umrót sem fylgi flökkutilveru nútímans. Hún hafnar þessari flokkun og segir sýninguna tilraun til að finna einhvern þriðja möguleika, sem ekki markast af þjóðerni eða landfræðilegri legu, leita svara á nýjum forsendum. Listamennirnir tíu eiga það allir sameigin- legt að hafa verið á faraldsfæti milli landa. Að sögn Marinu koma þeir úr ýmsum áttum, eru á ýmsum aldri og eiga flestir breiðan sýning- arferil að baki en takast nú á við sameiginlegt áhugamál, það að ferðast. Hún segir að mark- mið sýningarinnar sé ekki að komast að end- anlegri niðurstöðu, en með því að velja saman þessa listamenn leitist hún við að skerpa nýja sýn á mismunandi nálgun við að skapa um- hverfi, þar sem listamanninum jafnt sem áhorfandanum geti liðið eins og heima hjá sér. Þegar hér var komið sögu var sýningarstjór- inn spurður hvort honum liði orðið eins og heima hjá sér á sýningunni í Nýlistasafninu. „Já, þegar verkin voru loksins komin hérna inn, þá leið mér eins og heima," svaraði Mar- ina. Líkt og Marinu leiðist Hönnu það þegar verið er að gera þjóðerni og búsetu að við- fangsefni. „Síðustu tíu árin hef ég búið hingað og þangað, og mér finnst ekkert merkilegt við það. Ég hef bara búið þar og er ánægð með það, það er hluti af mér. Hins vegar sé ég enga ástæðu til að gera það að umfjöllunar- efni," segir hún. Þetta er í fyrsta sinn sem Hanna sýnir hér á landi en á síðastliðnu ári tók hún þátt í sam- sýningu í South London Gallery. Á undan- fórnum árum hefur hún búið í London, París, New York og Japan og lauk mastersgráðu frá Chelsea College of Arts and Design árið 1996. Sýningin stendur fram til 8. nóvember nk. og er opin alla daga nema mánudaga kl. 14-18. Frá Reykjavík fer hún til Aþenu í maí á næsta ári og í bígerð er að hún fari þaðan til London. Sýningarstjórarnir segjast vilja taka það sérstaklega fram að án stuðnings Menningar- sjóðs íslandsbanka, Bræðranna Ormsson, Heimilistækja hf., Prentsmiðjunnar Odda, Flugfraktar Flugleiða og The Arts Councel of England hefði sýningin ekki orðið að veruleika. A ENSKU MEÐ FINNSKUM HREIM OG ÍSLENSKUM TEXTA ISVARTA sal Nýlistasafnsins sýnir Bjar- gey Ólafsdóttir „Falskar tennur," sem er fjögurra mínútna, 16 millimetra kvik- mynd, sem hún gerði í Finnlandi fyrr á þessu ári, og í Bjarta sal gefur að líta ljós- myndir sem hún vann í tengslum við kvik- myndina. Sýningin verður opnuð kl. 16 í dag, stendur til 8. nóv- ember nk. og er opin alla daga nema mánu- daga kl. 14-18. Kvikmyndin, sem er finnsk-íslensk framleiðsla, fjallar um unga konu sem er tannlæknir og á í vandræðum í einkalífi sínu. „Hún er mjög hrifin af starfinu sínu, það er hennar líf og yndi, líktog hjá svo mörgum íslendingum sem lifa fyrir vinnuna. Hún er mikil efnis- hyggj umanneskj a, mikið fyrir falleg föt og glamúr. Hún á kærasta sem hún á í erfið- leikum með, hann er pirraður á því hvað hún • sinnir honum lítið og er alltaf að hugsa um tannlækningar," segir Bjargey, sem er hvorki meira né minna en handritshöfundur, leikstjóri og framleiðandi myndarinnar. Tónlistin í myndinni er eftir Kristján Eld- járn og leikmyndina gerði Sólveig Svein- Morgunblaðið/Ámi Sæberg BJARGEY Ólafsdóttir sýnir í Nýlistasafninu örstutta kvikmynd um kventannlækni sem á í vandræðum í einkalífi sínu. björnsdóttir. Myndin mun rúlla stöðugt með- an á sýningunni stendur og í annað hvert skipti verður sýnd útgáfa með íslenskum texta. Hún er annars leikin á ensku með finnskum hreim, sem Bjargey segir koma sérlega skemmtilega út. Það þarf vart að taka fram að hún hef- ur boðið tannlæknin- um sínum sérstaklega að vera viðstaddur opnun sýningarinnar. Þetta er að hennar eigin sögn fyrsta al- vöru einkasýningin hennar en hún hefur tekið þátt í nokkrum samsýningum í Finn- landi, Svíþjóð, Bret- landi og á íslandi. Bjargey lauk námi frá málaradeild og fjöl- tæknideild Myndlista- og handíðaskóla ís- lands árið 1996 en hef- ur síðan stundað framhaldsnám í Finn- landi, með áherslu á ljósmyndun og fjöltækni. „Falskar tennur", sem er þriðja stuttmynd hennar, hefur birst áður á tveimur kvikmyndahátíðum, í Finn- landi og Svíþjóð, og „Jean", sem hún gerði á síðasta ári var sýnd á kvikmyndahátíð í Sví- þjóð og verður sýnd á alþjóðlegu stutt- myndahátíðinni í Aix en Provence í nóvem- ber nk. Morgunblaðið/Árni Sæberg SÝNINGARSTJÓRARNIR Hanna Styrmisdóttir og Marina Fokidis við verk Ritsuko Hidaka, Central Square. •œr»pnæ^^»=55S*=*<iStóiw*iia - «í~.„íl.:_.^öii~.í^-; ^Z2SSSB£Wm±!mt!£SíX~7, j?.œr^*s&W^*sw>.\'w*í Morgunblaðið/Ámi Sæberg ANNU Wilenius sýnir Ijósmyndir, skúlptúra og myndband og Nathalie van den Burg sýnir Ijósmyndaskúlptúra í SÚM-salnum á efstu hæð Nýlistasafnsins. UÓSIÐ, LÍNAN, YFIRBORÐ OG LAGSKIPTIR FLETIR ISÚM-salnum á efstu hæð Nýlistasafnsins sýna þær Annu Wilenius frá Finnlandi og Nathalie van den Burg frá Hollandi. Þær eru báðar að stíga sín fyrstu skref á vettvangi myndlistarinnar. Þær eiga það líka sameigin- legt að hafa verið gestanemendur í Myndlista- og handíðaskóla íslands fyrir þremur árum og hafa að undanfórnu dvalið í gestavinnustofunni í Straumi sem styrkþegar. Annu, sem nam myndlist í Helsinki, sýnir ljósmyndir, skúlptúra og myndband. Hún segir myndirnar sínar tengjast landslagi, en þó séu þær ekki um náttúru, fremur vangaveltur um hugtök eins og hið opna, ljósið og línuna. Natalie, sem stundaði nám í Utrecht, sýnir ljósmyndaskúlptúra, sem verða til jafnóðum og hún beygir og sker ljósmyndirnar. í ferlinu kveðst hún vera að takast á við yfirborð og lag- skipta fleti, hið opna og hið lokaða og það sem gerist þegar hún ristir í gegnum þessi lög. Sýningin verður opnuð kl. 16 í dag, og er opin alla daga nema mánudaga kl. 14-18. 20 LESBÓK MORGUNBLAÐSINS ~ MENNING/USTIR 24. OKTÓBER 1998

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.