Morgunblaðið - 11.09.2001, Side 6

FRÉTTIR
6 ÞRIÐJUDAGUR 11. SEPTEMBER 2001 MORGUNBLAÐIÐ
VEÐRIÐ lék við forseta Íslands og
fylgdarlið hans á fyrri degi opin-
berrar heimsóknar í Norður-
Þingeyjarsýslu. Fyrir helgi leist
mönnum ekki á blikuna hér nyrðra
því kalt var í veðri og slydda um
tíma, en í gær var sumarblíða, sól
annað slagið og hlýtt, þrátt fyrir
gjólu á stundum.
Dagskráin hófst við Imbuþúfu,
um 30 kílómetra austan Húsavíkur,
þar sem Halldór Kristinsson sýslu-
maður og fulltrúar sveitarstjórna í
sýslunni tóku á móti Ólafi Ragnari,
Dorritt Moussaieff, heitkonu hans,
og fylgdarliði. Í félagsheimilinu
Skúlagarði bauð Kelduneshreppur
svo upp á síðbúinn morgunverð; þar
var mætt sveitarstjórn og hluti íbúa
hreppsins, en þar búa nú nákvæm-
lega hundrað manns. Þess má geta
að yngsti íbúi Kelduneshrepps og
sá hundraðasti var einn gesta en
það er Hilmir Smári Kristinsson, sjö
mánaða, frá Hóli í Kelduhverfi.
Dorrit ánægð með hunangið
Guðný Björnsdóttir, oddviti
Kelduneshrepps, færði Ólafi Ragn-
ari að gjöf krukku af hunangi sem
framleitt er í sveitinni. Framleið-
andinn er Friðgeir Þorgeirsson,
bóndi á Grásíðu, sem ekki vildi enn
kalla sig hunangsbónda. Segir hann
vera um tilraun að ræða enda
stundar hann einnig hefðbundinn
búskap af ýmsu tagi. Hunangs-
tilraunin hófst í ágúst og var Ólafi
Ragnari færð fyrsta krukkan frá
búinu. Upplýsti forseti að Dorritt
yrði örugglega ánægð og jafnframt
að krukkan sú arna yrði ábyggilega
fljót að tæmast því að heitkona hans
fengi sér íslenskt skyr með hunangi
út á í morgunverð á hverjum degi.
Ásbyrgi var næsti viðkomustaður
þar sem Kári Kristjánsson þjóð-
garðsvörður tók á móti hópnum og
fræddi um staðinn og sögu hans.
Þegar hópurinn kom inn að Botns-
tjörn hóf kvartett upp raust sína í
yndislegri kyrrðinni og aðeins fýll-
inn á tjörninni tók undir. Kvart-
ettinn skipa Garðar Eggertsson,
framkvæmdastjóri Fjallalambs, El-
ísabeth Hauge leikskólastjóri,
Kristján Þórhallsson, fram-
kvæmdastjóri rækjuvinnslunnar
Geflu, öll frá Kópaskeri, og Hildur
Sigurðardóttir, prestsfrú á Skinna-
stað í Öxarfirði.
Að því loknu var ekið að Detti-
fossi, gengið niður að því mikil-
fenglega náttúruundri undir leið-
sögn Ingunnar St. Svavarsdóttur,
fyrrverandi sveitarstjóra, og hóp-
urinn þáði síðan veitingar, auk þess
sem Magnea Dröfn Hlynsdóttir, 13
ára, lék tvö lög á trompet.
Heimsókn í íslenskutíma
Öxarfjarðarskóli í Lundi var því-
næst heimsóttur en þar voru auk
nemenda börn úr leikskólanum
Krílakoti á Kópaskeri. Huld Aðal-
björnsdóttir skólastjóri og El-
ísabeth Hauge leikskólastjóri tóku
á móti hópnum og dvöldu Ólafur
Ragnar og Dorritt þar góða stund.
Þau heimsóttu krakka í stofur
þeirra og hlýddu svo á fjöldasöng
barnanna.
Einn þeirra yngstu, Eysteinn
Orri Árelíusarson, tveggja og hálfs
árs af Krílakoti, var alls ófeiminn
þegar Dorritt heilsaði upp á hann.
„Sjáðu hvað ég á flotta skó!“ sagði
sá stutti og lagði áherslu á orð sín
með því að benda með litlum, ís-
lenskum pappafána á gljáfægðan
skóþveng sinn.
Í einni stofunni ræddi Ólafur við
nemendur sem glímdu við verkefni
og þegar einn þeirra rétti upp
hönd, þurfti greinilega á aðstoð
kennarans að halda, sveif Dorritt á
hann og spurði á íslensku: „Get ég
hjálpað þér?“ Þá kom í ljós að hann
var að leysa verkefni í íslensku,
þannig að hún brosti í kampinn og
bætti við stuttu síðar: „Þetta er erf-
itt fyrir mig. Kannski hann gæti
hjálpað mér?“
Fiskeldisstöðin Silfurstjarnan
var síðan skoðuð, því næst Bóka- og
byggðasafn Norður-Þingeyjarsýslu
og loks sláturhús og kjötvinnsla
Fjallalambs á Kópaskeri. Þar bætist
Steingrímur J. Sigfússon, einn
þingmanna kjördæmisins og for-
maður Vinstrihreyfingarinnar –
græns framboðs, í hópinn. Að því
loknu var móttaka í íþróttahúsi
staðarins á vegum Öxarfjarð-
arhrepps þar sem fjöldi íbúa
hreppsins var saman kominn. Þar
færði Iðunn Antonsdóttir, safnstjóri
Bóka- og byggðasafnsins, Dorritt
að gjöf mynd af forsetanum sem
barni en móðir Iðunnar var í vist á
heimili foreldra Ólafs vestur á
fjörðum.
Þaðan var haldið til Rauf-
arhafnar þar sem forseti og fylgd-
arlið hans sátu kvöldverð á Hótel
Norðurljósum í boði hreppsnefnda
Norður-Þingeyjarsýslu þar sem
Halldór Blöndal, annar þingmanna
Norðurlandskjördæmis eystra og
forseti Alþingis, var einnig mættur.
Í gærkvöld var Ólafur Ragnar
loks í fjölmennri fjölskyldu-
samkomu í félagsheimilinu Hnit-
björgum á Raufarhöfn. Í ávarpi
sínu sagði forseti m.a. að sérstaða
Íslands, mikilvægi sjávarútvegs og
landbúnaðar, yrði sífellt verðmæt-
ari á markaðstorgi heimsviðskipt-
anna, „gagnstætt því sem oft er
sagt þegar sjálfskipaðir sérfræð-
ingar eru að spá fallandi gengi
þessarar atvinnugreinar“.
Ólafur sagði Íslendinga þurfa að
gæta þess að byggðarlög til sjávar
og sveita, sem eiga ríkar hefðir á
þessum sviðum, yrðu á nýrri öld í
stakk búin að nýta þá eðalkosti sem
felast í hágæðasjávarútvegi og
landbúnaði.
„Í þessum efnum eru Norður-
Þingeyingar í kjörstöðu, bændur og
sjósóknarar, sem hafa bæði land-
kosti og nálægð við fengsæl mið,
langa reynslu og ríkulega kunnáttu
sem tryggir að varan sem héðan fer
er ávallt í fremstu röð.“
Morgunblaðið/Árni Sæberg
Krakkar úr Öxarfjarðarskóla og leikskólanum Krílakoti veifuðu
íslenska fánanum þegar þeir tóku á móti forseta og föruneyti.
Nokkur spotti er frá bílastæðinu við Dettifoss að fossinum sjálfum. Fremstur í flokki fór forsetinn,
þá Steindór Sigurðsson, sveitarstjóri Öxarfjarðarhrepps, og Ingunn St. Svavarsdóttir, fyrrverandi
sveitarstjóri, sem var leiðsögumaður um svæðið.
„Sjáðu hvað ég á flotta skó,“ sagði þessi ungi herra við Dorritt Moussaieff í Öx-
arfjarðarskóla á Lundi og benti með íslenska fánanum á gljáfægðan skófatnaðinn.
Drengurinn heitir Eysteinn Orri Árelíusson, tveggja og hálfs árs, frá Kópaskeri.
„Norður-
Þingeyingar
í kjörstöðu“
Ólafur Ragnar Grímsson hóf tveggja
daga opinbera heimsókn sína til Norður-
Þingeyjarsýslu í gær. Skapti
Hallgrímsson blaðamaður og Árni
Sæberg ljósmyndari eru með í för.
Fyrri dagur opinberrar heimsóknar forseta Íslands í Norður-Þingeyjarsýslu
KÓLGUFLEKKUR kom í trollið hjá
áhöfninni á Þorra Ve-50 um helgina,
en aðeins er vitað um að þessi sjald-
gæfi fiskur hafi veiðst tvisvar sinnum
áður hér við land. Fiskurinn veiddist
á um 130-140 faðma dýpi á Hávadýpi
og segir Kristján Egilsson, forstöðu-
maður Fiska- og náttúrugripasafns
Vestmannaeyja, sem nú hefur fengið
fiskinn til varðveislu, að nokkuð al-
gengt sé að furðufiskar veiðist á þeim
slóðum.
Í bókinni Íslenskir fiskar eftir
Gunnar Jónsson segir að kólguflekk-
ur hafi aðeins veiðst tvisvar sinnum
áður hér við land, árin 1961 og 1964,
bæði skiptin við Vestmannaeyjar.
Kristján segir að þessi tegund virðist
vera nokkuð algeng við S-Bretland
og Miðjarðarhafið, því árlega eru
veidd um 10 þúsund tonn af tegund-
inni og segir Kristján kólguflekk eiga
að vera góðan mat-
fisk.
Kólguflekkurinn
sem veiddist um
helgina var 40 cm
langur og segir
Kristján að miðað
sé við að fiskar sem
eru 41-44 cm langir
séu um 12-14 ára
gamlir. Fiskurinn
verður stoppaður
upp og síðan hafður til sýnis á safn-
inu. Kristján segir að kólguflekkur sé
mjög fallegur fiskur, „þeir voru ein-
mitt að tala um það sjómennirnir að
hann hafi verið silfur- og roðasleginn
áður en hann fór í frost, allur silfr-
aður en rauður á bakinu og bakugg-
inn fagurrauður“.
Furðufisk-
ur í trollið
Morgunblaðið/Sigurgeir
LÖGREGLAN í Hafnarfirði fram-
kvæmdi í gær aðfararaðgerð á
heimili föður níu ára barns til að
fullnusta úrskurð Héraðsdóms
Reykjaness frá 31. ágúst síðastlið-
inn þess efnis að maðurinn skyldi
afhenda barnið móður þess í
Frakklandi.
Aðfaraaðgerðin var framkvæmd
á grundvelli þess að úrskurði hér-
aðsdóms var ekki hlítt, en frestur
rann út klukkan 15 síðastliðinn
föstudag. Gerðarþoli, faðir barns-
ins, var ekki heima og hvorki er
vitað um ferðir hans né barnsins.
Fulltrúar sýslumannsins í Hafn-
arfirði voru viðstaddir innsetning-
argerðina, auk barnaverndarfull-
trúa og lögmanns móður barnsins.
Úrskurður Héraðsdóms Reykja-
ness var kærður til Hæstaréttar 3.
september en Hæstiréttur hefur
ekki kveðið upp dóm í málinu.
Aðfararaðgerð
á heimili föður