Morgunblaðið - 11.09.2001, Blaðsíða 14

HÖFUÐBORGARSVÆÐIÐ
14 ÞRIÐJUDAGUR 11. SEPTEMBER 2001 MORGUNBLAÐIÐ
SKÁKSVEIT Hagaskóla
vann sigur á Norðurlanda-
móti grunnskóla í skák sem
fram fór í Hagaskóla og
lauk síðastliðinn sunnudag.
Hlaut sveitin 14,5 vinninga
en skólinn í öðru sæti, Ris
Ungdomsskole frá Noregi,
hlaut 12,5 vinninga. Sá ís-
lenski skóli sem kom næstur
var Þinghólsskóli í Kópavogi
með fjóra og hálfan vinning.
Einar Magnússon skóla-
stjóri var að vonum kampa-
kátur yfir frammistöðu
sinna manna. „Þetta er al-
veg frábært og óskaplega
gaman. Þetta er nú í fyrsta
skipti sem Hagaskóli kemst
á verðlaunapall í Norð-
urlandamóti. Svo þýðir þetta
náttúrulega það, að það
verður aukinn skákáhugi í
skólanum,“ sagði Einar.
Hagaskóli sigraði á Ís-
landsmóti grunnskólasveita
síðastliðið vor og vann sér
þar með réttinn til að keppa
á Norðurlandamótinu.
Arngrímur Gunnhallsson,
þjálfari sveitarinnar, sagði
að kjarninn úr skáksveitinni
kæmi úr Melaskóla. Mela-
skólasveitin hefði orðið Ís-
landsmeistari þrisvar og
Norðurlandameistari 1999
en tvisvar í öðru sæti á
Norðurlandamóti. Fjórir af
fimm sveitarmönnum koma
úr Melaskóla en einn, Hall-
dór Hallsson, kom til liðs við
sveitina í fyrra úr Rétt-
arholtsskóla. Þeir sem komu
úr Melaskóla eru Dagur
Arngrímsson, Hilmar Þor-
steinsson, Arnljótur Sigurðs-
son og Helgi Hróðmarsson.
Telur Arngrímur lykilinn
að velgengni Hagaskólaliðs-
ins vera annars vegar þá að
piltarnir hafi rétta hug-
arfarið; séu mjög áhuga-
samir, æfi stíft, leggi sig alla
fram í keppni og hafi mikinn
metnað. Hins vegar hafi
skólastjórnin áhuga á og
metnað til þess að byggja
upp skákina í skólanum. Það
sé ekki sjálfgefið, áherslur
skóla geti legið á ýmsum
ólíkum sviðum. Hann sagði
einnig góðan, hvetjandi og
styðjandi anda í hópnum og
að það hefði verið geysimik-
ilvægt, að í undirbúningnum
fyrir mótið tók Helgi Ólafs-
son stórmeistari liðið í
kennslustund og fór yfir
byrjanir og endatöfl og
„herfræði“ leiksins. „Þetta
hafði gífurlega mikið að
segja,“ sagði Arngrímur.
Sagði hann að nokkrir öfl-
ugir skákmenn væru að
koma í Hagaskóla úr Mela-
skóla og skólinn stefndi
áfram að því að vera í
fremstu röð.
Rétta hugarfarið
og Norðurlandatitill
Skáksveit Hagaskóla til vinstri í þungum þönkum yfir
strembinni glímu við sænska skáksveit .
Vesturbær
Sigursveitin ásamt forseta Skáksambands Íslands og liðs-
stjóra: Hrannar Björn Arnarsson, forseti Skáksambands-
ins, Halldór Heiðar Hallsson, Helgi Hróðmarsson, Hilmar
Þorsteinsson, Dagur Arngrímsson, Arnljótur Sigurðsson
og Arngrímur Þór Gunnhallsson, liðsstjóri. GERVIGRASVÖLLUR við
Valhúsaskóla á Seltjarnarnesi
verður tilbúinn á næstu dög-
um að sögn Hauks Kristjáns-
sonar, bæjartæknifræðings
Seltjarnarnesbæjar.
Völlurinn er 320 fermetrar
að stærð og verður hann upp-
hitaður. Auk þess eru ljósa-
staurar við völlinn sem munu
lýsa hann upp.
Nýlega var lokið við að
leggja gervigrasið á völlinn.
„Mörkin verða komin upp
fljótlega en krakkarnir eru
reyndar nú þegar byrjaðir að
sparka á honum. Eftir er að
girða meðfram honum og
helluleggja en það verður
gert í haust,“ segir Haukur.
Hann segir að gert hafi ver-
ið ráð fyrir fimm milljónum í
kostnað við völlinn á þessu ári
en inni í því sé ekki allur frá-
gangur.
Spurður hvort ekki hafi
komið til hugar að hafa völlinn
stærri segir hann það ekki
hafa verið inni í myndinni.
„Það var bara stefnt á að hafa
þarna lítinn leikvöll enda er
plássið þarna ekki mjög mik-
ið. Þá er völlur þarna fyrir
neðan í fullri stærð og verður
gervigras væntanlega lagt á
hann en það er völlur sem
Grótta er með. Þá er hugsan-
legt að annar smærri völlur
verði settur við endann á hon-
um. Þá erum við komin með
þrjá gervigrasvelli á sama
svæðinu,“ segir Haukur.
Upphitaður
gervigrasvöll-
ur við skólann
Seltjarnarnes
Morgunblaðið/Arnaldur
Krakkarnir á Seltjarnarnesi eru þegar farnir að sparka
bolta á nýja gervigrasinu við Valhúsaskóla.
40 METRA hár turn var á laug-
ardag reistur við austurhlið
Smáralindar. Ennþá er þó verið að
fullklæða turninn að utan og þá
verður einnig komið fyrir í honum
ljósi sem skiptir litum. Stefnt er
að því að kveikja á turninum á
miðnætti aðfaranætur 10. október.
Turninn, sem verður allur úr stáli
og glerjaður, er kennileiti Smára-
lindar.
Turninn var byggður í tvennu
lagi til að auðvelda mönnum vinnu
við hann. Neðri parturinn var
byggður um leið og húsnæði versl-
unarmiðstöðvarinnar en efri hlut-
inn, rúmir 20 metrar á hæð og
tæplega 20 tonn, var hífður með
krana. Morgunblaðið/Árni Sæberg
Kennileiti Smára-
lindar híft upp
Kópavogur