Morgunblaðið - 07.10.2001, Side 25

MORGUNBLAÐIÐ SUNNUDAGUR 7. OKTÓBER 2001 25
Einu færra um að hugsa
Estée Lauder kynnir
Equalizer Smart Makeup SPF 10
Nýi Equalizer Smart Makeup farðinn er sem
hugur manns. Þú þarft ekki lengur að hugsa um
hvort útlitið sé í lagi þótt liðið sé á daginn. Þessi
farði nýtir nýjustu tækni til að vinna gegn breyt-
ingum á húðinni af völdum umhverfisins. Það er
rétt eins og hann hugsi fyrir öllu í þinn stað: Þar
sem húð þín er þurr færir hann henni raka. Þar
sem hún er feit beitir hann fituhemlunum.
Þannig helst farðinn ferskur, einsleitur og full-
kominn allan daginn.
Fæst aðeins hjá
Árvekni um
brjóstakrabbamein
Clara Kringlunni, Sara Bankastræti, Debenhams
snyrtivörudeild, Hagkaup Kringlunni, Hagkaup Smáralind,
Hagkaup Spönginni, Lyfja Lágmúla, Lyfja Laugavegi,
Lyfja Smáratorgi, Lyfja Smáralind, Lyfja Garðatorgi, Lyfja
Setbergi, Lyf og Heilsa Austurstræti, Apótek Keflavíkur.
TILBOÐ ÓSKAST
Í B.M.W. 520 árgerð 1996 (Evrópu týpa),
Pontiac Firebird Formula árgerð 1995
(ekinn 42 þús. mílur) vél 350 ci. V-8
(m/Flowmaster pústi, tölvukubb og K & N síu)
og aðrar bifreiðar, er verða sýndar að
Grensásvegi 9 þriðjudaginn 9. október kl. 12-15.
Tilboðin verða opnuð á sama stað kl. 16.
UMSÝSLUSTOFNUN VARNARMÁLA
SALA VARNARLIÐSEIGNA
EFTIR að Namibía fékksjálfstæði árið 1990 hófstuppbygging sjávarútvegs-ins í landinu en fram að
því hafði fjölþjóðlegur fiskveiðifloti
stundað stórfellda rányrkju á helstu
fiskistofnum landsins. „Við leituðum
meðal annars til Íslendinga eftir ráð-
gjöf og þróunaraðstoð við uppbygg-
ingu sjávarútvegs og fiskveiðistjórn-
unar og þessi aðstoð hefur reynst
okkur mjög dýrmæt,“ segir dr.
Abraham Iyambo, sjávarútvegsráð-
herra Namibíu, en hann var staddur
hér á landi á dögunum í tengslum við
alþjóðlega ráðstefnu Matvæla- og
landbúnaðarstofnunar Sameinuðu
þjóðanna (FAO) um ábyrgar fisk-
veiðar. Þar veitti hann forstöðu
nefnd sem stýrði vinnu við lokayfir-
lýsingu ráðstefnunnar og er það gott
dæmi um þá viðurkenningu sem
Namibía hefur hlotið á alþjóðavett-
vangi fyrir ábyrga stefnu í fiskveiði-
málum.
„Fyrsta lagasetning-
in varðandi fiskveiðar
var samþykkt árið 1992
en með henni var fisk-
veiðistefna landsins
mótuð. Við byrjuðum
að vinna eftir henni árið
1994 og nýting á auð-
lindum hafsins er enn
samkvæmt þessari
stefnu. Hún er í grund-
vallaratriðum þannig
að fiskveiðiréttindum
er úthlutað til namib-
ískra fyrirtækja, til
fjögurra, sjö eða tíu ára
í senn. Erlendum aðil-
um er þó heimilt að eiga
eignarhluti í sjávarút-
vegsfyrirtækjum lands-
ins. Við stjórnum síðan
veiðum okkar með
kvótakerfi en kvótinn
er þó ekki framseljan-
legur. Stjórnun með
framseljanlegum kvóta
hefur gefist vel til dæm-
is á Íslandi en við mát-
um það þannig að slíkt
myndi ekki henta okk-
ur. Íslendingar byggðu
úthlutun kvótans á
veiðireynslu þriggja
ára en í Namibíu var
ekki mikil hefð fyrir
fiskveiðum og því höfðu
fyrirtækin ekki reynslu
til að byggja á.“
Strangt eftirlit
Heildarkvóti hvers
árs er að sögn Iyambo
byggður á ráðgjöf vísindamanna.
Hann segir að strangt eftirlit sé haft
með að settum reglum sé fylgt, fyr-
irtæki veiði ekki umfram þann kvóta
sem því er úthlutað og að reynt sé að
halda meðafla í lágmarki. „Við telj-
um okkur stjórna veiðunum mjög vel
og eftirlitið er öflugt. Eftirlitsmenn
fara um borð í skipin í upphafi veiði-
ferðar til að ganga úr skugga um að
ekki sé fiskur í skipinu áður en það
heldur til veiða. Einnig eru gerðar
mælingar á möskvastærð veiðarfæra
og þar fram eftir götunum. Á meðan
skip eru að veiðum fara eftirlitsmenn
reglulega um borð, auk þess sem
stjórnvöld hafa sérstaka eftirlits-
flugvél á sínum snærum. Þegar skip-
in koma til hafnar er aflinn veginn
nákvæmlega, sérstaklega með tilliti
til meðafla. Við beitum sektum á þau
skip sem koma með of mikinn með-
afla að landi, sem síðan er varið til
menntamála, heilbrigðismála og
þess háttar. Þannig teljum við okkur
koma í veg fyrir ólöglegar veiðar.“
Rányrkja fjölþjóðlegs fiskveiði-
flota er ekki lengur vandamál í nam-
ibísku fiskveiðilögsögunni, að sögn
Iyambo, enda eru 85% þeirra skipa
sem stunda innan lögsögunnar nam-
ibísk. „Ef namibísk fyrirtæki vilja fá
erlend skip til að veiða fyrir sig kvót-
ann þarf að greiða fyrir það sér-
staklega. Þess vegna er ekki lengur
fjölþjóðafloti á veiðum á okkar haf-
svæði. Við teljum okkar hafa náð
mjög góðum árangri í fiskveiði-
stjórnun og standa mjög framarlega
í þeim efnum. Alþjóðastofnanir á
borð við FAO hafa staðfest það. Við
vinnum mjög náið með nágranna-
þjóðum okkar hvað varðar rann-
sóknir og ég er mjög ánægður með
það samstarf. Við höfum nýverið
stofnað Suðaustur-Atlantshafsfisk-
veiðiráðið sem á að stýra veiðum í út-
hafinu og Namibía veitir því for-
stöðu.“
Þurfum að bæta
sérfræðiþekkingu
Iyambo segist mjög sáttur við
stefnu Namibíu í stjórnun fiskveiða
en bendir á að fiskiðnaðurinn sé sí-
breytilegur og því verði menn að
vera stöðugt á verði. Margt hafi áhrif
á iðnaðinn, bæði breytingar af
mannavöldum og ekki síst af völdum
náttúrunnar. Haga verði stjórnkerfi
fiskveiðanna samkvæmt aðstæðum
hverju sinni. „Það er hinsvegar ljóst
að við þurfum að bæta sérfræðiþekk-
ingu okkar. Við leitumst stöðugt við
að þjálfa og mennta vísindamenn
okkar betur til að öðlast meiri þekk-
ingu á vistkerfi hafsins. Það bætist
stöðugt í hóp vísindamanna okkar en
betur má ef duga skal og í þessum
efnum höfum við notið dyggrar að-
stoðar Íslendinga í gegnum Sjávar-
útsvegsskóla Sameinuðu þjóðanna.
Auk þess viljum við líka mennta
fleira fólk á sviði fiskveiðistjórnunar,
til dæmis hvað varðar lagalegu hlið
veiðistjórnunarinnar sem og hina
hagfræðilegu. Eins verðum við sífellt
að vera á varðbergi gagnvart ofveiði.
Það er hinsvegar ekki aðeins okkar
vandamál heldur allra þjóða. Flestir
fiskistofnar heimsins
eru fullnýttir og það
verða allir að taka
höndum saman um að
vinna á þessu vanda-
máli.“
Góðar aðstæður
til fiskeldis
Iyambo segir að sú
staðreynd að nýting á
villtum fiskistofnum sé
nú víðast hvar í há-
marki hafi leitt til þess
að Namibíumenn horfi
nú mjög til uppbygg-
ingar og þróunar fisk-
eldis í landinu. „Við
teljum aðstæður til
fiskeldis mjög hag-
stæðar í Namibíu,
bæði í sjó og í fersk-
vatni. Þó að strand-
lengja landsins sé
næstum því 5.000 kíló-
metrar er hún mjög lít-
ið byggð. Þannig eru
aðeins tvær hafnar-
borgir í landinu.
Mengun við ströndina
er því mjög lítil og því
kjörin til hverskonar
fiskeldis. Þá er hitastig
vatns mjög mismun-
andi í Namibíu. Í syðri
hluta landsins er vatn-
ið tiltölulega heitt en
fremur kalt fyrir norð-
an. Þess vegna gætum
við alið mjög fjöl-
breyttar fiskitegundir
í þessu tilliti.“
Samvinna við Íslendinga
farin að skila hagnaði
Íslendingar hafa komið að sjávar-
útvegi í Namibíu með eignarhlut í
sjávarútvegsfyrirtækinu Fishco.
Rekstur fyrirtækisins er tvíþættur.
Annars vegar er krabbavinnsla sem
er alfarið í eigu namibískra stjórn-
valda en hinsvegar veiðar og vinnsla
á lýsingi sem er að 68% í eigu stjórn-
valda en afgangurinn í eigu íslenskra
aðila. Iyambo segir samstarfið við
Íslendinga hafa gengið vel. „Það
voru erfiðleikar í rekstri fyrirtækis-
ins í upphafi en það hefur nú náð að
rétta úr kútnum og er farið að skila
hagnaði. Ég er mjög stoltur af þessu
fyrirtæki og veit að það skilar báðum
aðilum miklu.“
Namibíumenn veiða um 600 þús-
und tonn af fiski á ári en aðeins um
2% aflans eru unnin í Namibíu.
Stærsti hluti aflans er fluttur á
markaði víðsvegar um heiminn.
Mest er veitt af lýsingi eða um 200
þúsund tonn á ári en hann skilar
jafnframt mesta útflutningsverð-
mætinu og er því dýrmætasti stofn-
inn. 10% af heildarútflutningsverð-
mæti Namibíu koma frá fiskveiðum
sem eru annar stærsti atvinnuvegur
landsins. Gull- og demantanámur
skila mestu útflutningsverðmæti eða
um 25%.
Fiskiðnaðurinn
er síbreytilegur
Sjávarútvegs-
ráðherra Nam-
ibíu segist stolt-
ur af árangri í
fiskveiðistjórn-
un landsins
Namibíumenn hafa vak-
ið athygli fyrir skelegga
fiskveiðistjórnun og eru
flestir fiskistofnar
þeirra nú að braggast
eftir áralanga rányrkju.
Dr. Abraham Iyambo,
sjávarútvegsráðherra
Namibíu, sagði Helga
Mar Árnasyni að hann
væri stoltur af árangr-
inum og að Namibíu-
menn myndu halda
áfram á sömu braut.
Morgunblaðið/Golli
Dr. Abraham Iyambo, sjávarútvegsráðherra Namibíu.
Dada Satyatmakananda er indverskur jóga
munkur sem hefur dvalist hérlendis síðan í sumar-
byrjun á vegum Ananda Marga hreyfingarinnar.
Hann helgaði ungur lífi sínu kennslu á jóga
og hugleiðslu, og hefur komið víða við á
viðburðaríkum 38 ára ferli sínum sem kennari.
Hann mun halda fyrirlestur um gildi jóga í daglegu lífi.
Fyrirlesturinn verður haldinn í veitingasalnum Litlu Brekku,
Bankastræti 2 (gegnt Lækjarbrekku) nk. þriðjudag kl. 20:00.
Aðgangur er ókeypis.
Jóga í daglegu lífi