Morgunblaðið - 23.12.2001, Qupperneq 1

Morgunblaðið/RAX
Gleðileg jól
MORGUNBLAÐIÐ 23. DESEMBER 2001
295. TBL. 89. ÁRG. SUNNUDAGUR 23. DESEMBER 2001 PRENTSMIÐJA MORGUNBLAÐSINS
STOFNAÐ 1913
HAMID Karzai sór í gær embætt-
iseið sem forsætisráðherra í nýrri
bráðabirgðastjórn Afganistans.
Var þetta í fyrsta sinn í marga
áratugi sem valdaskipti fara fram
í landinu með friðsamlegum hætti.
Þegar Karzai hafði skrifað und-
ir embættisbréf sitt frammi fyrir
Mohammed Qasim, forseta hæsta-
réttar, faðmaði Karzai fráfarandi
forseta, Burhanuddin Rabbani,
við dynjandi lófatak erlendra
stjórnarerindreka og afganskra
ættbálkaleiðtoga sem hópast
höfðu til Kabúl frá öllum lands-
hornum.
„Ég heiti því, að ég mun full-
nægja þeirri skyldu minni, að
koma á friði í Afganistan,“ sagði
Karzai, klæddur hefðbundinni
lambaskinnshúfu og úzbeskri
skikkju, í ræðu sem hann hélt á
móðurmáli sínu, pastúnísku, og
darí, tveim helstu tungumálunum
í Afganistan.
Auk Karzais eiga sæti í bráða-
birgðastjórninni 29 ráðherrar,
þar af tvær konur. Karzai hét því
að hann myndi þegar í stað snúa
sér að málefnum á borð við tján-
ingarfrelsi, kvenréttindi og illa
farið menntakerfi landsins.
Karzai
sver emb-
ættiseið
Reuters
Kabúl. AP.
RODRIGUEZ Saa verður næsti
forseti Argentínu, og hefur hann
lýst sig fylgjandi því, að greiðslur
erlendra skulda ríkissjóðs verði
stöðvaðar um tíma, og hyggst koma
á strangri aðhaldsstefnu í efnahags-
málum. Fyrrverandi forseti, Fern-
ando de la Rua, sagði af sér emb-
ætti sl. fimmtudag, í kjölfar mikilla
óeirða í landinu, er kostuðu 27
manns lífið. Voru óeirðaseggirnir að
mótmæla aðhaldsaðgerðum ríkis-
stjórnar de la Ruas.
Saa var valinn af flokki Peronista,
andstæðinga de la Ruas, sem eru í
meirihluta á argentínska þinginu.
Hann er fylkisstjóri í öðru einungis
tveggja fylkja landsins þar sem af-
gangur hefur verið af fjárlögum.
Heimildamenn AFP-fréttastof-
unnar sögðu að leiðtogar Peronista-
flokksins væru að leggja á ráðin um
fjölda aðgerða í efnahagsmálum, er
miðuðu að því að breyta innlendum
út- og innlánum, sem væru í banda-
rískum dollurum, í pesóa.
Síðan yrði gengi pesóans fellt,
jafnvel allt að
50%, en ekki
væri ljóst hvort
það yrði fast-
skráð eða látið
fljóta. Fyrir tíu
árum var gengi
pesóans tengt
gengi Banda-
ríkjadollarans, til
þess að koma
böndum á óðaverðbólgu, en þeirri
ráðstöfun hefur síðan verið kennt
um hækkanir á verði útflutnings-
vara og þriggja ára djúpa efnahags-
kreppu.
Ennfremur var haft eftir heim-
ildamönnum, að eftir gengisfell-
inguna myndi stjórnin lýsa því yfir
að hún gæti ekki greitt erlendar
skuldir sínar, er alls nema 132 millj-
örðum dollara, eða um 13.500 millj-
örðum króna, og afborganir af lán-
unum yrðu stöðvaðar í allt að þrjú
ár. Saa sagði að setjast yrði niður
með lánardrottnum ríkissjóðs og
semja um stöðvun afborgana.
Gengi pesó-
ans verði fellt
Rodriguez Saa
Buenos Aires. AFP.