Morgunblaðið - 13.03.2002, Blaðsíða 16

SUÐURNES
16 MIÐVIKUDAGUR 13. MARS 2002 MORGUNBLAÐIÐ
FJÖLDI fólks gengur sér til hress-
ingar og heilsubótar í Reykjanes-
höllinni í Njarðvík á hverjum degi.
Daglega koma þangað 60 manns og
suma daga fer fjöldinn upp í 100.
„Þetta er mjög gott þegar það er
snjór og kalt úti,“ sagði Ragnar F.
Jónsson þegar hann og kona hans,
María Einarsdóttir, voru að teygja
eftir sína daglegu gönguferð í
Reykjaneshöllinni. Þau koma þang-
að alltaf þegar opnað er, klukkan
tíu á morgnana. Ragnar gengur
venjulega um það bil fjóra kíló-
metra og María um þrjá, en það er
þó breytilegt. Þau segjast ganga
mikið úti þegar gott er veður en
síðustu fimm vikurnar hafi þau
gengið í Reykjaneshöllinni.
Þau segja að auk hreyfing-
arinnar fái þau þarna ákveðinn fé-
lagsskap þegar fólk setjist niður
eftir gönguna. En það sé þó mis-
jafnt, fólk sé á hreyfingu og fari svo
út þegar markmiðinu er náð.
Helga Pétursdóttir, umsjón-
armaður í Reykjaneshöllinni, segir
að fólkið sitt, eins og hún nefnir
göngufólkið, komi gjarnan klukkan
tíu á morgnana og vilji helst mæta
fyrr. Fólk sé síðan að koma fram til
hálfþrjú en þá taki knattspyrnan
við og erfiðara sé að ganga á með-
an á æfingum standi. Einnig sé erf-
itt að ganga um helgar þegar æf-
ingar og leikir eru allan daginn í
höllinni.
Fólkið þarf ekki að greiða fyrir
aðgang að göngusvæðinu en er
beðið um að skrá sig í gestabók svo
hægt sé að halda utan um fjöldann
sem mætir. Helga segir að um sex-
tíu manns komi á hverjum degi,
ekki sama fólkið, og talan hafi farið
upp í 107 þegar mest hefur orðið.
Helga segir ekki hægt að flokka
fólkið neitt, þetta séu almennir íbú-
ar í Reykjanesbæ, meðal annars
eldri borgarar og sjúklingar sem
séu að þjálfa sig upp. Hún segir að
yngra fólk komi einnig, meðal ann-
ars starfsfólk af vinnustöðum í há-
degi og kaffitímum. „Það er gaman
að heyra hvað fólki finnst því hafa
gott af þessu,“ segir Helga. Hún
segist hafa mikla ánægju af því að
umgangast „fólkið sitt“. „Ég var að
vinna með börnum þar sem mikið
líf og fjör var á vinnustaðnum og
hélt að heimurinn myndi hrynja
þegar ég flutti mig hingað. En það
var aldeilis ekki þannig,“ segir hún.
Göngugarpar í Reykjaneshöllinni
Morgunblaðið/Helgi Bjarnason
Njarðvík
KEFLAVÍKURKIRKJA og Mið-
stöð símenntunar á Suðurnesjum
standa fyrir bókmenntakvöldi með
Ara Trausta Guðmundssyni jarð-
fræðingi í Kirkjulundi í Keflavík á
morgun, fimmtudag, kl. 20.
Ari Trausti mun kynna í máli og
myndum verk sitt, Íslenskar eld-
stöðvar, sem var tilnefnt til Ís-
lensku bókmenntaverðlaunanna í
flokki fræðirita árið 2001. Að
loknu erindinu gefst fundargestum
tækifæri til fyrirspurna og um-
ræðna um íslenskar eldstöðvar og
eldstöðvakerfin á Reykjanesskaga
og fleira sem tengist umfjöllunar-
efninu.
Allir eru velkomnir meðan hús-
rúm leyfir.
Eldstöðva-
kerfin á
Reykjanes-
skaga
Keflavík
BÆJARSTJÓRN Sandgerðis
hefur tekið vel í hugmyndir um
að efna til heimsmeistaramóts,
Ólympíuleika eða Evrópu-
meistaramóts í þorskveiðum.
Eyþór Jónsson, bæjar-
fulltrúi Sjálfstæðisflokksins,
rak augun í umfjöllun um
heimsmeistaramót í þorskveið-
um sem haldið er í Vaagan á
Lófótensvæðinu í Noregi. Til
leiks mæta veiðimenn víða að
og er markmið þeirra að veiða
sem allra stærstan þorsk.
Fram kemur að heimsmeist-
aramótið er fundið fé fyrir
íbúa í Vaagan, talið er að
næsta mót, sem haldið verður í
byrjun apríl, skilji eftir sig 90–
110 milljónir íslenskra króna.
Eyþór vakti til gamans at-
hygli á þessu við bæjaryfirvöld
og varpaði því fram hvort það
væri kannski hugmynd fyrir
Vestmannaeyinga, Grindvík-
inga eða Sandgerðinga að slá
Norðmönnum við og efna til
Ólympíuleika eða Evrópu-
meistaramóts í þorskveiðum
hérlendis. Málið var tekið upp
í bæjarstjórn Sandgerðis í vik-
unni og ákveðið að vísa því til
Markaðs- og atvinnumála-
skrifstofu Reykjanesbæjar til
skoðunar og frekari úrvinnslu
eftir umsögn umhverfis- og
menningarráðs bæjarsins.
Evrópu-
meistara-
mót í þorsk-
veiðum?
Sandgerði
UNGLINGARÁÐ Víðis í Garði hef-
ur óskað eftir að taka Samkomuhús-
ið á leigu í eitt ár til reynslu og hefur
hreppsnefnd samþykkt það og falið
sveitarstjóra að semja um málið.
Núverandi leigutakar Samkomu-
hússins hafa sagt upp samningum og
hætta rekstri um næstu mánaðamót.
Unglingaráðið hefur áhuga á að
reyna reksturinn til fjáröflunar fyrir
deildina. Samkvæmt upplýsingum
Sigurðar Jónssonar sveitarstjóra er
ekki ætlunin að hafa vínstúku opna,
Garðmenn séu greinilega ekki nógu
drykkfelldir til þess, en hægt verður
að útvega vínveitingaleyfi þegar
hópar sem eru í mat óska þess.
Unglinga-
ráð vill
leigja Sam-
komuhúsið
Garður
BÚIÐ er að koma Bátaflota Gríms
Karlssonar fyrir í nýjum sýning-
arsal í Duushúsunum í Keflavík.
Verið er að ganga frá öðrum þátt-
um sýningarinnar sem opnuð verð-
ur í vor. Nú hefur Bátafélagið,
áhugamannahópur um Bátaflota
Gríms, hafið fjársöfnun til að
kosta uppbyggingu á fræðslu- og
upplýsingastarfsemi í safninu.
Nokkrir útgerðarmenn og fyrr-
verandi skipstjórar í Reykjanesbæ
og fleiri áhugamenn stofnuðu
Bátafélagið til að vinna að því að
varðveita bátalíkön sem Grímur
Karlsson skipstjóri og líkana-
smiður í Njarðvíkum hefur gert.
Fékk félagið styrk á fjárlögum
sem notaður var til að Reykjanes-
bær gæti eignast 58 líkön Gríms
og byggja utan um þau sýning-
arkassa. Margir bátanna eru af
Suðurnesjum en einnig víða að af
landinu, bátar sem eru meira og
minna kunnir úr sjávarútvegssögu
landsmanna.
Á vegum Reykjanesbæjar hefur
verið unnið að því að útbúa sýn-
ingaraðstöðu í fiskvinnsluhúsum
Duushúsanna í Keflavík, vestasta
og yngsta hluta húsanna. Hús-
næðið er tilbúið og líkönunum hef-
ur verið komið þar upp en verið er
að vinna að lokafrágangi sýning-
arinnar og uppsetningu muna og
minja. Einn skipstjóranna hafði á
orði þegar hann skoðaði líkönin í
gær að þetta væri eins og í Kefla-
víkurhöfn í gamla daga og annar
bætti við: Í brælu.
Að sögn Valgerðar Guðmunds-
dóttur, menningarfulltrúa Reykja-
nesbæjar, hefur verið stefnt að því
að opna safnið um mánaðamótin
apríl og maí. Hafsteinn Guðnason
skipstjóri, sem er í forystu fyrir
Bátafélagið, segir að í röðum þess
sé áhugi á að opna safnið á Loka-
daginn, 11. maí.
Til þess að ljúka verkinu og búa
safnið eins vel og kostur er fyrir
opnun hefur Bátafélagið hafið
fjársöfnun til að kosta fræðslu- og
upplýsingastarfsemi í safninu
sjálfu. Hafsteinn nefnir stækkun
ljósmynda sem muni setja mikinn
svip á sýningarsalinn, gerð skilta,
myndband og sjónvarp með upp-
lýsingum um hvern bát fyrir sig og
gerð heimasíðu.
Félagið hefur sent bréf til fyr-
irtækja í sjávarútvegi, ferðaþjón-
ustu og verslun með ósk um stuðn-
ing. Einnig geta einstaklingar
stutt verkefnið með því að leggja
framlög inn á reikning félagsins,
númer 4192 í Sparisjóðnum í
Keflavík. Markmiðið er að safna 5
milljónum króna til að ljúka verk-
inu fyrir opnun safnsins.
Morgunblaðið/Helgi Bjarnason
Hópur skipstjóra og útgerðarmanna stendur fyrir fjársöfnun vegna sýningar á bátaflota Gríms Karlssonar,
f.v.: Jón Björn Vilhjálmsson, Þorsteinn Árnason, Þorsteinn Erlingsson, Ólafur Björnsson, Hafsteinn Guðna-
son, Arnbjörn Ólafsson og Áki Guðni Granz. Gunnlaugur Karlsson var ekki viðstaddur myndatökuna.
Söfnun til að byggja
upp fræðslustarf
Keflavík
Bátafloti Gríms Karlssonar opnaður í Duushúsunum í vor
TÍU konur úr Suðurnesjadeild
Rauða kross Íslands tóku þátt í nám-
skeiði fyrir svokallaða heimsóknar-
vini á dögunum en um tuttugu konur
eru virkir heimsóknarvinir hjá deild-
inni.
Suðurnesjadeildin hefur starfrækt
heimsóknarþjónustu um árabil. Að
sögn Guðmundar R. J. Guðmunds-
sonar, formanns deildarinnar, felst
starf sjálfboðaliðanna í því að heim-
sækja reglulega þá einstaklinga sem
þess óska, aldraða, sjúka og þá sem
eru einmana af einhverjum ástæðum.
Á námskeiðinu var farið yfir helstu
atriði heimsóknarþjónustunnar og
þess að starfa í þágu Rauða krossins.
Guðmundur segir að meðal annars
hafi verið lögð áhersla á mikilvægi
trúnaðarins sem fólkið þurfi að gæta.
Námskeiðið var haldið í húsnæði
Suðurnesjadeildarinnar að Smiðju-
völlum 12 í Keflavík. Guðmundur
segir ánægjulegt hversu áhugasamir
Suðurnesjamenn séu fyrir starfi í
þágu Rauða krossins. Nefnir hann,
auk heimsóknarþjónustunnar, ötult
starf hóps fólks að fatasöfnun og ung-
lingastarf sem dæmi um það.
Tíu konur á
námskeiði
fyrir heim-
sóknarvini
Reykjanesbær
♦ ♦ ♦
GRINDAVÍKURBÆR og sóknar-
nefnd Grindavíkur hafa náð sam-
komulagi um stækkun kirkjugarðs-
ins að Stað og framlag bæjarins til
framkvæmdanna.
Að sögn Einars Njálssonar bæj-
arstjóra er það lögbundið hlutverk
sveitarfélaga að sjá kirkjugörðum
fyrir graftrarhæfu landi og sjá um að
aðkoma sé góð. Garðurinn við gamla
kirkjustaðinn að Stað sé á hrauni og
þurfi að flytja þangað jarðveg til
þess að hægt sé að stækka garðinn.
Sóknarnefndin tekur að sér að vinna
verkið en bæjarráð Grindavíkur hef-
ur samþykkt að bærinn leggi fram
7,3 milljónir vegna þess hluta kostn-
aðar sem hann eigi að standa undir.
Kirkjugarð-
urinn
stækkaður
Grindavík