Morgunblaðið - 13.03.2002, Blaðsíða 17

LANDIÐ
MORGUNBLAÐIÐ MIÐVIKUDAGUR 13. MARS 2002 17
Aðalfundur Sparisjóðs vélstjóra verður haldinn
laugardaginn 23. mars. n.k. kl. 15.00
á Hótel Loftleiðum, Þingsölum 1-4.
Fundarefni:
1. Skýrsla stjórnar um starfsemi sparisjóðsins
síðastliðið starfsár.
2. Lagðir fram endurskoðaðir reikningar
sparisjóðsins fyrir síðastliðið reikningsár.
3. Tillögur um breytingar á 23. gr. samþykkta
sparisjóðsins sem fjalla um að aðalfundur
kjósi fimm menn í stjórn í stað þriggja, breyt-
ingu á fyrirkomulagi framboðs til stjórnar-
setu og aldurshámarks frambjóðenda.
4. Ákvörðun um greiðslu arðs.
5. Kosning sparisjóðsstjórnar.
6. Kosning endurskoðanda.
7. Ákvörðun um þóknun til stjórnar.
8. Önnur mál.
Aðgöngumiðar að fundinum verða afhentir stofn -
fjáreigendum eða umboðsmönnum fimmtudaginn
21. og föstudaginn 22. mars n.k. í afgreiðslu spari -
sjóðsins í Borgartúni 18 og á fundarstað og hefst
afhending þeirra kl. 14:00.
Stjórnin
Aðalfundur
www.spv.is
einn
lítri
Málið er
Egils Kristall
í nýjum
umbúðum
1L
skiptir máli
Rétta stærðin
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
O
LG
1
70
81

03
/2
00
2
FJÖLSKYLDA Þráins Þórissonar
skólastjóra efndi til veislu í Sl Hót-
eli Skútustöðum síðastliðinn laug-
ardag, 2. mars til að fagna með
honum áttatíu ára afmæli. Mikið
fjölmenni kom þar saman og gladd-
ist af þessu tilefni með Þráni, konu
hans, Margréti Lárusdóttur frá
Brúarlandi, fimm börnum þeirra
og fjölmörgum barnabörnum.
Þráinn er innfæddur Mývetn-
ingur og uppalinn í Baldursheimi.
Hann fór ungur til náms við kenn-
araskólann og kom þaðan til starfa
við barnafræðslu í Skútustaða-
hreppi ásamt konu sinni Margréti
1947 löngu áður en skólahús var
byggt í hreppnum. Í Mývatnssveit
hefur síðan verið starfsvettvangur
þeirra beggja við uppeldi mý-
vetnskrar æsku og fjölþætt störf að
menningarmálum sveitar og hér-
aðs. Einkum var Þráinn fyrirferð-
armikill á sviði söngmála. Hann
söng með Karlakór Mývetninga
sem starfaði fram til 1970, menn
muna hann þar t.d. í lögunum Sum-
arkvöld á Fróni og Steinka Rasín,
sem til eru á hljómplötu Heklu. Til
skamms tíma söng hann í karla-
kórnum Hreim. Hjónin syngja bæði
enn með kór Skútustaðakirkju.
Fyrir öflugt uppbyggingarstarf
að glímukennslu við Skútustaða-
skóla varð til sigursælt lið mý-
vetnskra glímumanna sem gerðu
garðinn frægan á síðasta fjórðungi
nýliðinnar aldar. Þar verður hlut-
ur skólastjórans Þráins seint full-
þakkaður.
Þráinn var driffjöður í leik-
starfsemi Ungmennafélagsins og
einkum grunnskólans þar sem gild-
ur þáttur í mannrækt æskunnar
fólst í danskennslu og uppfærslu
leikverka á hverjum vetri. Hann
virkjaði nemendur og kennara með
smitandi krafti sínum og dugnaði í
leik og starfi. Ógleymanlegur þeim
sem nutu sýninga skólans. Einkum
verður sumardagurinn fyrsti lengi
í minnum hafður en þá blómstraði
árangur skólastarfsins með veg-
legri hátíðardagskrá í Skjól-
brekku.
Þráinn er einarður maður í skoð-
unum og framgöngu. Í honum
speglast margt það besta sem þótt
hefur einkenna Mývetninga. Einna
minnisstæðust er hljómmikill rödd-
in, barítón bassi sem ekki þarf
magnara en fyllir þó hvern krók og
kima. Eftir að venjulegum starfs-
degi lauk hefur Þráinn séð um að
hirða kirkjugarðinn á Skútustöð-
um og er þar síðan allt til mikillar
fyrirmyndar svo sem hans er von
og vísa.
Skörulegur veislustjóri á laug-
ardaginn var Höskuldur Þráins-
son. Kraftmiklum fjöldasöng að
hætti Þráins stjórnaði Steinþór
Þráinsson og kippir í kynið. Fríður
Lárusdóttir lék undir á píanó. Fjöl-
margar ræður voru fluttar. Fjöl-
mennur fjölskyldukór söng Litlu
Stínu og að sjálfsöðu var mikill
fjöldasöngur á milli ræðuhalda.
Þau hjónin byggðu sér fyrir löngu
myndarlegt heimili á hólnum við
skólann þar sem starfsvettvangur
þeirra var lengstum. Sveitungarnir
óska þess að þar megi þau lengi
búa við gæfu og góða heilsu.
Þráinn Þórisson
áttræður
Morgunblaðið/BFH
Margrét Lárusdóttir og Þráinn
Þórisson í Skjólbrekku í Mý-
vatnssveit á afmælisdaginn.
Mývatnssveit
LESTRARVIKU er nú nýlokið
í Hrollaugsstaðaskóla hér í
Suðursveit sem lið í lestrar-
keppni 7. bekkja grunnskóla
víða um land.
Allir nemendur komu fram
einn morguninn, að æfingum
loknum, og þuldu sögur og ljóð
af hinni mestu íþrótt. Heyrðust
þar mörg góð tilþrif, að foreldr-
um og velunnurum skólans við-
stöddum.
Sigurvegarinn, ef svo má
kalla, keppir síðan á sýsluvísu
innan skamms. 10 nemendur
eru nú í Hrollaugsstaðaskóla og
hefur fækkað talsvert á milli
ára, eins og víða í dreifbýli.
Skólahljómsveitin Hrollur
framleiddi ljúfa tóna á milli at-
riða.
Að öllu þessu var gerður góð-
ur rómur.
Lestrar-
vika í
Hrollaugs-
staðaskóla
Suðursveit
Frá ljóðaupplestri.
Morgunblaðið/Einar Jónsson
STJÓRN Kaupfélags Vestur-Hún-
vetninga furðar sig á þeirri ákvörðun
Mjólkursamsölunnar, að loka mjólk-
urbúinu á Hvammstanga hinn 1.
september í ár. Stjórn KVH hefur
fundað með forstjóra M.S. og afhent
honum mótmæli við aðgerð þessari
og ályktun stjórnarfundar KVH frá
2. mars 2002. Þar er vitnað til kaup-
samnings þess sem undirritaður var
við kaup M.S. á mjólkursamlaginu
fyrir um tveim árum. Í því söluferli
bauð MS í fyrirtækið, með markmið
um að leggja það niður og flytja
mjólk af svæðinu m.a. til Búðardals.
Þá buðust aðrir aðilar til að kaupa
samlagið og höfðu uppi áform um
framtíðarrekstur á Hvammstanga.
MS lagði þá fram nýtt kauptilboð,
sem stjórn KVH er hér að vitna til.
Ýmsir aðilar hafa rætt þetta mál,
m.a. sveitarstjórn Húnaþings vestra
og verkalýðsfélagið Samstaða, sem
hefur ályktað um málið.
Mjólkursamlag KVH hefur verið
starfrækt á Hvammstanga frá 1959,
lengst í samvinnu við Kaupfélag
Húnfirðinga, en KVH keypti þeirra
hlut fyrir fáum árum. Þjónustusvæði
samlagsins var Vestur-Húnavatns-
sýsla og innanverð Strandasýsla,
innvegið mjólkurmagn á þriðju millj-
ón lítra árlega og framleiðslan eink-
um hinn landsþekkti brauðostur, þ.e.
sá með rauðu skorpunni. Alls vinna
sjö manns í stöðinni, auk eins bíl-
stjóra, sá er eini starfsmaðurinn sem
ekki hefur verið sagt upp stöðu sinni.
Hefðu skoðað aðra möguleika
Í ályktun stjórnar Kaupfélags
Vestur-Húnvetninga segir m.a.:
„Stjórn KVH furðar sig á þeirri
ákvörðun Mjólkursamsölunnar að
ætla að loka mjólkursamlaginu á
Hvammstanga.
Í þeim kaupsamningi sem gerður
var milli KVH og MS segir í 7. gr.,
Rekstur mjólkursamlags. „Mjólkur-
samsalan mun starfrækja mjólkur-
vinnslu áfram á Hvammstanga.
Verður ostagerð þar aukin með
flutningi á mjólk úr A-Húnavatns-
sýslu sem annars færi í Búðardal til
vinnslu. Er talið að miðað við núver-
andi innvigtun, muni mjólkurmagn
til ostagerðar á Hvammstanga geta
aukist um a.m.k. 30%, með aðgerð
þessari.“
Ljóst má vera að áðurnefnd grein
kaupsamningsins var grundvöllur
þess að samningar náðust um sölu
mjólkursamlagsins til MS, einnig var
hún ein af forsendum samnings
KVH og mjólkurbænda um stofnun
sjóðs til kvótakaupa.
Ef ekki hefði komið til þessara lof-
orða um áframhaldandi rekstur á
mjólkursamlaginu hefðu aðrir mögu-
leikar sem tryggt hefðu betur fram-
tíð rekstrar í mjólkurstöðinni verið
skoðaðir.“
Morgunblaðið/Karl Ásgeir Sigurgeirsson
Mjólkursam-
lagið lagt niður
Hvammstangi
SJÁLFSTÆÐISFÉLAGIÐ Ægir,
Þorlákshöfn, var með prófkjör föstu-
daginn 8. mars síðastliðinn, vegna
sveitarstjórnarkosninganna 25. maí.
Metþátttaka var í prófkjörinu eða
um 490 manns. Hjörleifur Brynjólfs-
son, núverandi oddviti, hlaut flest at-
kvæði í 1. sætið. Niðurstöður urðu
annars þessar:
í sæti alls
1. Hjörleifur Brynjólfss. 269 391
2. Sigurður Bjarnas. 234 347
3. Stefán Guðmundss. 247 378
4-5. Sesselja Pétursd. 228 342
4-5. Guðbrandur Einarss. 228 339
6. Ásgerður Eiríksd. 283 307
7. Ingibjörg Kjartansd. 215 215
8. Guðni Birgiss. 194 194
9. Jón Hólm Stefánss. 192 192
10. Valdimar Jónss. 123 123
Prófkjör sjálfstæðis-
manna í sveitarfé-
laginu Ölfusi
Hjörleifur
Brynjólfs-
son oddviti
efstur
Þorlákshöfn
KVEN-
SÍÐBUXUR
3 SKÁLMALENGDIR
Bláu húsin við Fákafen.
Sími 553 0100.
Opið virka daga 10-18,
laugardaga 10-16.