Morgunblaðið - 09.04.2002, Blaðsíða 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 9. APRÍL 2002 VERÐ Í LAUSASÖLU 190 KR. MEÐ VSK.
ÞEIR sem eiga leið niður Banka-
stræti og Skólavörðustíg þessa dag-
ana gætu lent í vandræðum við að
komast leiðar sinnar þar sem stór-
virkar vinnuvélar vinna nú við end-
urbætur á svæðinu.
Þessar konur virðast þó ekki eiga
í teljandi erfiðleikum þótt þær þurfi
að skáskjóta sér framhjá rörum,
vinnuvélum og öðru sem fylgir
framkvæmdunum.
Sundurgrafnar götur miðborg-
arinnar eru ákveðið merki um að
sumarið sé á næsta leiti þar sem
veturinn þykir ekki heppilegur tími
til slíkra stórframkvæmda. Gert er
ráð fyrir að verkinu ljúki í lok
ágúst.
Morgunblaðið/Ómar
Illfært um Bankastræti
SALA á lambakjöti hefur dregist
saman um næstum þriðjung á
fyrstu mánuðum þessa árs. Sam-
drátturinn á síðustu 12 mánuðum
er 10,3%. Aukist salan ekki á síðari
hluta ársins verður að auka útflutn-
ingsskyldu verulega en það þýðir
tekjurýrnun fyrir bændur. Útflutn-
ingsskyldan var í fyrra 21% en gæti
orðið 25–30% í haust.
Sölutölur fyrir mars liggja ekki
fyrir en sala í desember, janúar og
febrúar var 31,5% minni en sömu
mánuði árið áður.
Özur Lárusson, framkvæmda-
stjóri Landssamtaka sauð-
fjárbænda, segir að endalok Kjöt-
umboðsins, áður Goða, hafi haft
neikvæð áhrif á söluna. Kjöt-
umboðið hafi verið stærsti söluaðili
lambakjöts á landinu og sá órói sem
varð á markaðinum þegar fyrir-
tækið komst í þrot hafi spillt fyrir
sölu. Hann segir að einnig skipti
máli að svínakjötsframleiðendur,
sem hafa aukið framleiðslugetu
sína mikið á síðustu misserum, hafi
lækkað verð.
Svo er einnig að sjá að minni um-
svif í efnahagslífinu eigi sinn þátt í
minni sölu á kjöti, en svo virðist
sem almenningur beini nú neyslu
sinni að nokkru leyti í ódýrari mat-
væli. Almenn sala á kjöti er núna
minni en hún var á sama tíma í
fyrra.

Erfitt að selja/32Morgunblaðið/Þorkell
Samdráttur í sölu lambakjöts
PÓST- og fjarskiptastofnun er með
til umfjöllunar erindi Tals hf. frá
því í febrúar sl. þar sem farið var
fram á sérstaka athugun á meint-
um eignatengslum Landssímans og
Íslandssíma í gegnum ríkissjóð.
Ríkið á um 95% hlutafjár í Síman-
um og er eigandi um 68% hlutafjár
í Landsbankanum, sem er stærsti
einstaki hluthafinn í Íslandssíma
með alls ríflega 25% hlut, þar af á
Landsbankinn-Fjárfesting hf.
19,3%. Fulltrúi bankans er stjórn-
arformaður Íslandssíma.
Í rekstrarleyfum símafyrirtækj-
anna tveggja er kveðið á um að þau
megi ekki eiga beinan eða óbeinan
hlut í öðrum símafyrirtækjum sem
hafa leyfi til farsímaþjónustu. Í
leyfi Íslandssíma er t.d. sett há-
mark við 10% eignaraðild í öðrum
fyrirtækjum á farsímamarkaði.
Komist stofnunin að því að skilyrð-
um rekstrarleyfa sé ekki fullnægt
getur hún svipt viðkomandi fyrir-
tæki leyfinu og beitt það dagsekt-
um allt að hálfri milljón króna.
Póst- og fjarskiptastofnun gaf
fyrirtækjunum frest til 5. apríl sl.
til að skila inn greinargerð vegna
erindis Tals. Íslandssími hefur skil-
að en Síminn fékk vikufrest til að
skila sínu svari.
„Ekki hægt að lifa við enn
meiri ríkisvæðingu“
Lögmaður Tals, Ragnar Aðal-
steinsson, bendir á eftirfarandi í 4.
gr. starfsleyfis Símans, sem gefið
var út 5. júní sl.: „Leyfishafi eða
eigendur hans skulu ekki eiga
beina eða óbeina hlutdeild að
hlutafé neins annars leyfishafa á
sviði þjónustu þar sem fjöldi leyf-
ishafa er takmarkaður af tæknileg-
um ástæðum.“
Þórólfur Árnason, forstjóri Tals,
segist í samtali við Morgunblaðið
hafa staðið í þeirri trú að sala
Landssímans hafi verið liður í sam-
keppnisvæðingu í fjarskiptum. Nú
þegar ríkið hafi hætt við sölu Sím-
ans í bili sé ekki hægt að lifa við
enn meiri ríkisvæðingu. Eitt þurfi
yfir alla að ganga á markaðnum.
Vonar Þórólfur að „skynsamlega“
verði tekið á erindi þeirra.
Óskar Magnússon, forstjóri Ís-
landssíma, segir fyrirtækið vera
skráð á markaði og geti engu ráðið
um hverjir eignist hlut í því. Ef í
ljós komi að fjarskiptafyrirtæki
kaupi bréf hljóti því að verða refsað
en ekki Íslandssíma.
Heiðrún Jónsdóttir, upplýsinga-
fulltrúi Landssímans, segir að á
meðan málið sé til umfjöllunar
muni forsvarsmenn fyrirtækisins
ekki tjá sig.
Póst- og fjarskiptastofnun fjallar um erindi Tals
Bent er á eignatengsl
Símans og Íslandssíma
RÍKISSTJÓRNIN lagði fram á Al-
þingi síðdegis í gær frumvarp sem
miðar að því að Þjóðhagsstofnun
verði lögð niður og verkefni hennar
verði m.a. færð yfir til skyldra sviða í
fjármálaráðuneytinu og Hagstofu Ís-
lands. Verður starfsmönnum Þjóð-
hagsstofnunar boðið annað starf hjá
þeim stofnunum er taka við verkefn-
um hennar. Gera má ráð fyrir að ein-
hver biðlaunakostnaður kunni að falla
á ríkissjóð við það að Þjóðhagsstofn-
un verður lögð niður. Gæti hann orðið
á bilinu 20 til 25 milljónir króna.
Að sögn Halldórs Ásgrímssonar,
utanríkisráðherra og starfandi for-
sætisráðherra í fjarveru Davíðs
Oddssonar, er stefnt að því að gera
frumvarpið að lögum á þessu löggjaf-
arþingi. Miðað er við að lögin öðlist
gildi 1. júlí 2002.
„Það er samkomulag milli stjórn-
arflokkanna að leggja fram frumvarp
um að Þjóðhagsstofnun verði lögð
niður,“ sagði Halldór á Alþingi í gær.
„Verkefnum Þjóðhagsstofnunar
verður komið fyrir hjá öðrum stofn-
unum. Að því er varðar ráðgjöf, t.d.
við Alþingi og stjórnmálaflokka, ráð-
gjöf við aðila vinnumarkaðarins, þá
verða þeir þættir í höndum Seðla-
banka Íslands. [...]Það hefur líka tek-
ist gott samstarf með Alþýðusam-
bandi Íslands út af þessu máli þannig
að ASÍ getur tekið að sér aukið hlut-
verk á sviði efnahagsmála og aðilar
vinnumarkaðarins, þ.e. samtök at-
vinnurekenda og samtök launafólks
innan vébanda ASÍ, styðja þessa
breytingu og telja hana mikilvæga.“
Halldór sagði ennfremur að Þjóð-
hagsstofnun væri í „ákveðinni upp-
lausn í dag“, eins og hann orðaði það
og að starfsfólk stofnunarinnar hefði
margt sagt upp störfum.
Í athugasemdum með frumvarpinu
segir m.a. að á síðustu tíu til fimmtán
árum hafi orðið þær breytingar á sviði
efnahagsmála að nauðsynlegt sé að
endurskoða verkaskiptingu opin-
berra stofnana á þessu sviði. „Ein
stofnun með margvísleg verkefni eins
og Þjóðhagsstofnun sinnti þessu hlut-
verki vel við þær aðstæður sem áður
ríktu. Nú hafa aðrar stofnanir á þessu
sviði, fjármálaráðuneyti, Seðlabanki
og Hagstofa, eflst og tekið við nýjum
verkefnum. Þær eru því vel í stakk
búnar til að taka við helstu verkefnum
Þjóðhagsstofnunar og með því yrði
verkaskipting opinberra stofnana á
þessu sviði skýrari og til lengdar hag-
kvæmari en nú er.“
Í athugasemdum segir einnig að til
þess að styrkja upplýsingamiðlun og
efla faglega umræðu enn frekar sé
stefnt að því að gera helstu reikni-
líkön og gagnasöfn sem notuð eru við
gerð þjóðhagsspár o.fl. öllum að-
gengileg, t.d. á Netinu.
Fjármálaráðuneyti og Hagstofa taka við flestum
verkefnum Þjóðhagsstofnunar skv. lagafrumvarpi
Seðlabanki og ASÍ
fái stærra hlutverk

Stefnt að/10
EMBÆTTI yfirdýralæknis og Að-
fangaeftirlitið hafa sótt um styrk til
Framleiðnisjóðs landbúnaðarins um
að fá hingað til lands sænskan sér-
fræðing til að efla eftirlit með fóður-
framleiðslu og fóðurnotkun, sem og
varnir við að salmonella berist með
fóðri. Halldór Runólfsson yfirdýra-
læknir segir embættið hafa haft grun
um að salmonella hafi borist á bæi hér
á landi með fóðri, en erfitt hafi reynst
að sanna það. Því segir hann fyrir-
byggjandi aðgerðir mjög mikilvægar
bæði hvað fóðurframleiðslu og fóður-
notkun varðar.
Sérgrein sænska sérfræðingsins er
eftirlit með fóðri með tilliti til salmon-
ellumengunar og segir Halldór emb-
ættið vilja bæta það eftirlit sem fyrir
er með því að fá hann í heimsókn.
„Við höfum einnig náð miklum
árangri í baráttu okkar við salmon-
ellu en þarna viljum við bæta okkur,“
segir hann.
Halldór segir fyrirbyggjandi að-
gerðir fyrst og fremst byggjast á svo-
kölluðu GÁMES-eftirlitskerfi sem
mikið er notað í matvælaiðnaði. „Það
er farið að líta á fóður sem fyrsta
hlekkinn í fæðukeðjunni og því þurfi
að beita sömu aðferðum þar og ann-
ars staðar í keðjunni. Það er krafa um
það í matvælaframleiðslufyrirtækj-
um að þessi aðferðafræði sé notuð við
innra eftirlit og hafa fóðurfyrirtækin
hér á landi notað slíkar aðferðir. Hug-
myndin er að reyna að styrkja þetta
eftirlit og bæta ef það mætti verða til
þess að tryggja að ekki geti farið út
salmonella með fóðri,“ segir Halldór.
Hann segir að sérfræðingurinn muni
einkum heimsækja fóðurframleiðslu-
fyrirtækin, komi hann hingað til
lands, en einnig skoða fóðurflutninga
og geymslu fóðurs á bæjunum.
Hann segir salmonellu geta leynst í
öllu kjarnfóðri, en vandamálið snerti
einkum alifugla- og svínabændur.
Hann segir þetta þekkt vandamál um
allan heim en Svíar séu mjög fram-
arlega á þessu sviði og því sé sótt til
þeirra eftir þekkingu.
Styrkbeiðnin hljóðar upp á hálfa
milljón króna og verður hún tekin
fyrir á fundi Framleiðnisjóðs á morg-
un.
Varnir gegn salm-
onellu í fóðri efldar