Morgunblaðið - 12.05.2002, Blaðsíða 17
MORGUNBLAÐIÐ SUNNUDAGUR 12. MAÍ 2002 B 17
ferðalög
ar fengnir til þess að hanna nútíma-
íbúðahverfi í Saalgasse skammt frá
sem eykur mjög á byggingaflóruna
í gamla bænum. Frá hinu sögulega
Römerberg-torgi má sjá Frankfurt-
kirkju, sem í augum heimamanna er
hið eiginlega sögutákn borgarinnar.
Í St. Bartholomew-kirkju skammt
frá fóru fram krýningarathafnir
þýska keisaratímabilsins, sem nær
allt aftur til 15. aldar. Nokkrum
metrum frá Römerberg stendur hin
fornfræga evangelíska Pálskirkja í
öllum sínum skrúða, en byggingu
hennar lauk árið 1833 og þar í maí
árið 1848 kom saman 600 manna
löggjafarsamkunda með það að
markmiði að koma á lýðræði í land-
inu. Fyrsta stjórnarskrá Þjóðverja
var þarna samin sem varð síðan að
engu aðeins ári síðar þegar lýðræð-
isþrár Þjóðverja urðu að engu fyrir
tilverknað Prússa og Þjóðverja.
Pálskirkja varð fyrir sprengjum í
seinni heimsstyrjöldinni og
skemmdist mikið, en var endur-
byggð á árunum 1947–1948 sem
minnisvarði um hið veika og vand-
meðfarna lýðræði. Anddyri kirkj-
unnar er nú skreytt með 33 metra
háu olíumálverki sem sýnir skop-
mynd af löggjafarsamkundunni.
Að aflokinni kirkjuheimsókninni,
getur leið ferðamannsins hæglega
legið í hið fjögurra hæða tilkomu-
mikla Goethehús, sem Goethe-fjöl-
skyldan festi kaup á árið 1733. Í
þessu húsi, sem nú hýsir safnahús
og nokkuð af upprunalegum hús-
gögnum fjölskyldunnar, eyddi einn
frægasti skáldsagnahöfundur og
heimsspekingur Þjóðverja, Goethe
(1749–1832), ungdómsárum sínum
og skrifaði sín fyrstu verk, sem
gerði hann að einum þekktasta rit-
höfundi Þjóðverja og þar með fræg-
asta syni Frankfurtar aðeins 24 ára
að aldri. Þrátt fyrir að hafa eytt
meirihluta ævi sinnar í Weimar,
skrifaði hann mörg helstu verk sín í
Frankfurt, m.a. „Götz von Berlich-
ingen“, „The Tribulations of Young
Werther“ og „Ancient Faust“, en
auk þess er Goethe þekktur fyrir að
hafa verið kvennamaður og hafa
brotið margt kvenmannshjartað.
Goethe-húsið í Frankfurt var end-
urbyggt eftir stríðið og sækja þang-
að um 130.000 gestir árlega.
Verslanir á Zeil
Í gegnum miðborg Frankfurt
liggur aðalverslunargatan Zeil.
Næst óperubyggingunni eru búð-
irnar dýrastar og glæsilegastar
enda er þar um merkjavöru að
ræða, en eftir því sem fjær dregur,
lækkar verðið og endar gatan þar
sem verslunarkeðjurnar C&A og
Woolworths eru. Inn á milli versl-
ana, eru freistandi veitingastaðir og
kaffihús sem gott er að hvíla lúin
bein, en fyrir erlenda ferðamenn,
kann að vera sérlega erfitt að ganga
fram hjá öllum þýsku bakaríunum
með góðu brauðunum sem eru á
hverju horni og ekki má heldur
gleyma öllu „konfektinu“ sem glep-
ur augað í litlu, sætu, þýsku gjafa-
vöruverslununum, sem virðast vera
út um allt.
Við Römerberg-torgið er nú aðsetur borgaryfirvalda.
Morgunblaðið/Jóhanna Ingvarsdóttir
Hæstu skýjakljúfarnir í Frankfurt eru um 300 metrar á hæð.
Fornminjar frá keisaratímabilinu blasa við í gamla borgarhlutanum.
Royal
Breath
Ferskur
andardráttur
innanfrá
tímunum saman
Fæst í öllum
apótekum
og Fríhöfninn
Á góðum bíl í Danmörku
Hringdu til AVIS í síma 591-4000
Pantaðu AVIS bílinn þinn áður en þú ferðast – Það borgar sig
Innifalið í verði er ótakmarkaður
akstur, trygging, vsk.
og flugvallargjald.
Flokkur A Opel Corsa kr. 3.500,- á dag
(miðað við lágmarksleigu 7 daga)
Flokkur A Opel Corsa kr. 4.700,- á dag
(miðað við lágmarksleigu 3 daga)
Einnig tilboð á öðrum tegundum bíla.
Ef þú ert með farseðil til Kaupmanna-
hafnar áttu möguleika á glaðningi.
www.avis.is
Við
reynum
betur