Morgunblaðið - 08.06.2002, Side 6

FRÉTTIR
6 LAUGARDAGUR 8. JÚNÍ 2002 MORGUNBLAÐIÐ
HUTFALL lögreglukvenna er
lægst á Íslandi miðað við hin
Norðurlöndin og Eystrasaltsríkin.
Hér eru aðeins 7% af lög-
reglumönnum konur, í Finnlandi
og Danmörku eru þær örlítið
fleiri eða rétt um 8%. Í Noregi,
Svíþjóð og Lettlandi eru þær hins
vegar um 17% og í Eistlandi er
fjórðungur lögreglumanna konur.
Þetta kom fram á hátíðarfundi
Samtaka lögreglukvenna á Norð-
urlöndunum og Eystrasaltsríkj-
unum (NBNP) sem haldinn var í
Rúgbrauðsgerðinni í gær.
„Að mínu mati er brýnt að
fjölga konum í lögreglunni og ég
hef lagt áherslu á það í embætti
mínu. Ég tel að við séum á réttri
leið, til dæmis hefur verið lögð
áhersla að fá fleiri konur í Lög-
regluskóla ríkisins,“ sagði Sól-
veig Pétursdóttir dómsmálaráð-
herra er hún flutti
setningarávarp fundarins. Hún
sagði ánægjulegt að þessi fundur
væri haldinn á Íslandi. „Ég tel
mikilvægt að styðja við bakið á
íslenskum lögreglukonum. Þeim
hefur fjölgað og staða þeirra
verður sífellt sterkari innan lög-
reglunnar. Fundur sem þessi og
fjölþjóðlegt samstarf lögreglu-
kvenna vekur athygli á mikilvægi
starfa þeirra innan lögregl-
unnar.“
Karlar og konur í lögreglunni
nálgast vandamálin ólíkt
Anna-Lena Barth er formaður
Evrópusambands lögreglukvenna
og starfar í Stokkhólmi. Hún
vakti athygli á því að lögreglu-
starfið væri enn þá talið eitt
helsta dæmigerða karlastarfið í
samfélaginu. Hún sagði ótrúlegt
að hún fyndi enn fyrir því að
kvenlegir eiginleikar væru taldir
neikvæðir í starfi lögreglunnar.
„Konur og karlar hafa gjarnan
ólíkar leiðir til að nálgast vanda-
mál á mörgum sviðum í lögregl-
unni, til dæmis þegar kemur að
samskiptum við aðra. Leiðirnar
eru alveg jafngóðar og við þurf-
um ótvírætt á kröftum beggja að
halda, til að fá sem bestar lausnir
á vandamálum.“
Hún benti á að beiting líkams-
styrks væri ekki jafnstór þáttur í
starfi lögreglunnar og margir
héldu, um 80% vinnunnar byggð-
ust fyrst og fremst á innsæi, rök-
hugsun og samskiptahæfileikum
lögregluþjónsins.
Hún sagði brýnt að andrúms-
loftið í lögreglunni yrði gert
meira aðlaðandi fyrir konur, yf-
irmenn yrðu að hafa góða fjöl-
skyldustefnu og að konur væru
ekki metnar eftir karlaviðmiðum.
„Til hvers að fá konur í lögregl-
una ef á að breyta þeim í ein-
hvers konar karla?“ spurði hún í
ræðu sinni.
Landssamtök styðja
við bakið á konum
Lögreglan á Vesturlöndum hef-
ur ekki efni á að missa af kröft-
um kvenna, meðal annars vegna
þess að í framtíðinni má búast við
að skortur verði á vinnuafli
vegna aldurssamsetningar í vest-
rænum þjóðfélögum, að því er
fram kom í máli Mariu Appel-
blom formanns NBNP. „Við verð-
um að leggja kapp á að gera lög-
regluna aðlaðandi starfsvettvang
fyrir konur ef við viljum fá nóg
af góðu og frambærilegu fólki til
að vinna með okkur í framtíð-
inni.“ Appelblom kynnti meðal
annars starfið innan NBNP og
sagði frá því hvernig lögreglan í
Svíþjóð hefur reynt að koma til
móts við konur en sjálf starfar
hún í Stokkhólmi. Meðal annars
með því að hafa nokkur lands-
samtök starfandi sem miða að því
að auka jafnrétti og styðja við
bakið á konum.
„Við höfum landssamband lög-
reglukvenna í yfirmannsstöðum,
annað fyrir fulltrúa og annað fyr-
ir óbreytta, auk þess sem starf-
andi eru karlasamtök lögreglu-
manna sem vinna gegn
kynferðislegri áreitni í lögregl-
unni.“ Hún segir síðastnefndu
samtökin ekki síst gott innlegg í
jafnréttisumræðuna, afar mik-
ilvægt sé að fá karla með. „Þótt
samtökin séu kölluð þetta, taka
þau ekki eingöngu til umræðu
kynferðislega áreitni sem slíka,
heldur einnig viðhorf karla í lög-
reglunni til starfssystra sinna. Til
dæmis er brýnt að þeir hlusti á
það sem þær hafa fram að færa
en reynslan sýnir að þar sem
konur eru í jafnmiklum minni-
hluta og í lögreglunni sé stundum
erfitt fyrir þær að láta raddir
sínar heyrast.“
Konurnar komu með
nýja vídd í starfið
Guðmundur Guðjónsson, yf-
irlögregluþjónn hjá embætti Rík-
islögreglustjóra, rakti stuttlega
sögu íslenskra lögreglukvenna
þar sem fram kom að fyrsta lög-
reglukonan hóf störf 1943 en það
var ekki fyrr en 1976 sem konur
í lögreglunni fengu að klæðast
lögreglubúningum. 1978 fengu
þær síðan að ganga í öll störf
innan lögreglunnar til jafns við
karlana. „Mín fyrstu kynni af
konum í lögreglunni voru árið
1976 og fannst mér strax að þær
kæmu með nýja og mikilvæga
vídd í starfið.“
Konur eru nú einn þriðji nem-
enda í lögregluskólanum sem er
hátt hlutfall miðað við fyrri ár,
að því er fram kom í máli Ernu
Sigfúsdóttur, lögreglufulltrúa hjá
embætti Ríkislögreglustjóra og
formanns Kríanna, hagsmuna-
félags lögreglukvenna á Íslandi.
„Konur voru lengi um 4% af
starfsmönnum lögreglunnar á Ís-
landi en frá árinu 1996 hefur
þeim fjölgað og eru þær núna 7%.
Á þessu ári munu svo 12 konur
útskrifast úr Lögregluskólanum
svo við erum bjartsýn, þetta er
allt á réttri leið.“
Fundur Samtaka lögreglukvenna á Norðurlöndunum og í Eystrasaltsríkjunum
Enn talið eitt helsta
dæmigerða karlastarfið
Konum í lögreglunni hefur fjölgað verulega undanfarið og nú eru konur
þriðjungur nema í Lögregluskóla ríkisins. Lögreglukonurnar mættu í
búningum sínum á fundinn í Rúgbrauðsgerðinni í gær.
Morgunblaðið/Júlíus
Sólveig Pétursdóttir dómsmálaráðherra ásamt tveimur lögreglukonum
á fundi lögreglukvenna á Norðurlöndum og Eystrasaltsríkjunum.
Í BRÉFI sem séra Þórhallur Heim-
isson, prestur við Hafnarfjarðar-
kirkju, birtir á heimasíðu Þjóðkirkj-
unnar, segist hann undrast þá stöðu
sem kirkjan hafi á Þingvöllum. Um
síðustu helgi var hann þar við giftingu
og vegna aðstöðuleysis þurfti hann að
hengja upp hempuna á salerni og
skrýðast þar. Þórhallur tók fram að
ekki væri við þjóðgarðsvörð og starfs-
fólk á Þingvöllum að sakast en það
hefði lagt sig fram við að greiða úr
málum.
Sigurður Oddsson, þjóðgarðsvörð-
ur, segir að aðstaðan sem sr. Þórhalli
hafi staðið til boða sé sú sama og
prestar frá öðrum sóknum hafa not-
ast við til margra ára. Miðað við litlar
sveitakirkjur sé þetta alls ekki slæm
aðstaða og undrast hann nokkuð orð
prestsins.
Rigndi eins og hellt væri úr fötu
Í bréfinu greinir sr. Þórhallur frá
því að sl. laugardag hafi hann farið til
Þingvalla til að gifta. Með hjónaefn-
unum úr bænum, organistanum og
brúkaupsgestum hafi þetta verið tals-
verður söfnuður.
„Það rigndi eins og hellt væri úr
fötu á Þingvöllum eins og gjarnan
gerist þar á vorin. Var það ætlun mín
að leggja lokahönd á undirbúning fyr-
ir austan og eitthvað vildi brúðurin
líka snurfusa sig áður en gengið væri
til kirkju. Leituðum við því ásjár á
prestsetrinu. Á Þingvallabænum
reyndist aftur á móti lítil aðstaða til
klerklegra þenkinga eða snurfusunar
fyrir brúðina. Eins og alþjóð veit hef-
ur prestsetrið verið tekið undir borð-
hald ráðherra og þar býr nú enginn
prestur. Auk þess hefur þjóðgarðs-
vörður skrifstofu í enda bæjarins þar
sem áður var móttaka Þingvalla-
prests og aðstaða fyrir presta sem
komu til helgihalds við kirkjuna, auk
annarra kirkjugesta sem á þurftu að
halda. Nú er kirkjunni ætlaður að-
gangur að salerni, fordyri við salerni
og lítil kompa eða herbergiskytra
fylgir inn af salerni þar sem brúður
og einn svaramaður komast fyrir,
ásamt e.t.v. einni brúðarmey sé hún
grönn og spengileg.
Þegar við (ég, organisti, brúðhjón
og svaramenn) birtumst á hlaði Þing-
valla í rigningunni eins og fyrr var
sagt, reyndist sú kytra reyndar læst.
Ekki hafði þjónandi prestur á Þing-
völlum í sumar fengið úthlutaðan lyk-
il að kompunni, en hann mætti okkur
á hlaðinu, jafn niðurrigndur og aðrir.
Aftur á móti var salernið opið og for-
dyri að því. Úti var sem sagt rigning
og brúðurin þurfti skjól, þannig að ég
brá á það ráð að hengja upp hempuna
á salerninu og skrýðast þar, svo ekki
þyrfti að reka brúðina út í rign-
inguna. Um síðir var þó kompunni
lokið upp og komust þá þar inn brúð-
ur og hennar svaramaður. Tekið skal
fram að þjóðgarðsvörður var hinn
ljúfasti í fasi og viðmóti,“ segir í bréf-
inu.
Gott miðað við litla sveitakirkju
Sigurður þjóðgarðsvörður bendir á
að það sem sr. Þórhallur nefni her-
bergiskytru sé 12,5 m² herbergi.
Gengið er inn um anddyri og er lítið
salerni á aðra hönd. Þetta sé sama að-
staðan og prestar úr öðrum sóknum
hafi notast við um árabil. Engin
breyting hafi orðið á því þó forsæt-
isráðuneytið og ríkisstjórn hafi fengið
tvær af þremur burstum sem kirkjan
hafði áður til afnota í Þingvallabæn-
um. Nú skipti þjóðgarðurinn og kirkj-
an með sér einni burstinni.
Sigurður bendir á að þjóðkirkjan
hafi lykil að herberginu en settur
prestur þar í sumar hafði um síðustu
helgi ekki fengið hann í hendur. Hann
bendir á að allur kostnaður vegna
Þingvallakirkju sé greiddur af Þing-
vallanefnd og nefndin greiði einnig
laun organista í sunnudagsmessum
að sumri til.
Undrast aðstöðuna
í Þingvallakirkju
Þjóðgarðsvörður
segir þetta vera
sömu aðstöðu
og verið hefur
um árabil
Í LJÓSI mikillar og viðvarandi
spennu á milli Indlands og Pak-
istans ræður utanríkisráðu-
neytið fólki frá því að ferðast til
landanna eins og sakir standa.
Íslendingum, sem staddir
eru í Pakistan eða á Indlandi,
er ráðlagt að fylgjast náið með
fréttaflutningi af gangi mála og
íhuga jafnframt að yfirgefa
svæðið, segir í frétt frá utanrík-
isráðuneytinu.
Fólki ráðið
frá ferðum til
Indlands og
Pakistans
UM EITT ÞÚSUND bréfum, þar
sem foreldrar eru að gefnu tilefni
hvattir til að fylgjast með því að
börn og unglingar séu ekki að leik
inni í kirkjugarðinum, var í gær
dreift í hús í nágrenni Gufunes-
kirkjugarðs.
Tilefnið er, að sögn Þórsteins
Ragnarssonar, forstjóra kirkju-
garðanna, skemmdarverk sem
unnin voru í garðinum síðastliðið
þriðjudagskvöld en margt bendir
til að börn hafi verið þar að verki.
Aukin gæsla
Þórsteinn segir að ekki hafi
komið í ljós hverjir voru að verki á
þriðjudagskvöldið en talið sé
sennilegt, bæði af lögreglu og
starfsmönnum kirkjugarðanna, að
það hafi verið börn.
Gæsla verður aukin í Gufunes-
kirkjugarði vegna þessa. Þórsteinn
segir hana m.a. felast í því að vísa
þeim sem eru undir aldri út úr
garðinum og eins unglingum sem
eru í garðinum að leik.
Öryggisverðir í garðinn
á mismunandi tímum
Í bréfinu er vísað til reglna um
Kirkjugarða Reykjavíkur en í 2.
gr. þeirra segir að börn yngri en
tólf ára megi eigi hafast þar við,
nema í fylgd með fullorðnum, sem
þá bera ábyrgð á hegðun þeirra.
Öryggisfyrirtæki sér um gæsl-
una og kemur starfsfólk hennar í
garðinn á tímum sem ekki eru fyr-
irfram ákveðnir, einnig á næturn-
ar. „Þeir hafa það verkefni að
stugga við þeim sem eru ekki þar
inni í þeim erindagjörðum að
heimsækja leiði,“ segir Þórsteinn.
Skemmdir voru unnar á um 50
leiðum á þriðjudagskvöldið en
bæði var búið að sparka upp blóm-
um, róta í leiðum og traðka á
þeim.
Börn og ungling-
ar séu ekki að leik
í kirkjugörðum