Morgunblaðið - 09.06.2002, Blaðsíða 25

MORGUNBLAÐIÐ SUNNUDAGUR 9. JÚNÍ 2002 25
OD
DI
H
F
I4
79
9
Kæli-
og frystiskápar
Eldunartæki
Þvottavélar
og þurrkarar
Uppþvottavélar
Viðskipta- og tölvuskólinn
M A R K A Ð S - O G S Ö L U N Á M
Faxafeni 10 (Framtíð) · Sími 588 5810 · framtid@vt.is · www.vt.is
Stutt nám – fámennir bekkir – frábær félagsskapur
Námsefni: Markaðsfræði, markaðsrannsóknir, sölutækni, stjórnun, aðferðafræði,
fagtengd tölvunotkun, lokaverkefni fyrir fyrirtæki.
Nemendur útskrifast með VT skírteini í markaðs- og sölumálum.
Störf að loknu námi: Markaðsfulltrúi, sölustjórnun, umsjón með markaðs- og
kynningarmálum í smærri fyrirtækjum.
VIÐURKENNDUR
AF MENNTAMÁLARÁÐUNEYTINU
Af hálfu samfélagsins hefur aðundanförnu verið lögð vax-
andi áhersla á að bæta stærðfræði-
kennslu í íslensk-
um skólum til þess
að við drögumst
ekki aftur úr í
tæknimálum sam-
tímans. Þetta er
eðlilegt því lífskjör
okkar hanga sam-
an við framþróun
tækninnar og að
við getum verið þar fullgildir að-
ilar. Á hinn bóginn er varla annað
hægt en að velta vöngum yfir
hversu mikið gagn eitt samfélag
hafi af örri tækniþróun ef unga
fólkið, sem senn fer að móta stefn-
una, er á sama tíma að verða æ of-
beldisfyllra og lífsleiðara.
Það er tiltölulega nýtt í Íslands-
sögunni að tveir eða fleiri menn
taki sig saman um að ráðast af litlu
sem engu tilefni á einhvern einn,
berja hann í götuna og sparka síð-
an í höfuð hans þar til líf hans og
andleg heilsa er í stórhættu. Ekki
er auðskiljanlegt hvað fólki gengur
til slíks verknaðar. Ekki er þetta
hetjulegt, ekki gáfulegt, ekki er
þetta gróðavegur og oft ekki án af-
leiðinga fyrir árásarmennina held-
ur. Helst virðist vera fyrir hendi
löngun til að vinna ofbeldisverk –
sjá blóð renna. Slík ástæða bendir
til mannvonsku og hömluleysis.
Ofbeldisverk af þessu tagi eru
orðin svo algeng að fjöldi þeirra
sem þau vinna fer hvað líður að
slaga upp í þann fjölda sem er af-
spyrnulélegur í stærðfræði.
Flestir árásarmennirnir eru
ungir að árum og upplag þeirra og
veganesti hefur af einhverjum
ástæðum ekki dugað til að þeir
hagi sér eins og almennilegir
menn.
Þetta vekur þá spurningu hvort
algengt sé að fólk sem eignast
börn hafi ekki skýr markmið í upp-
eldi þeirra – eða kannski óheppileg
markmið.
Skólinn á að gera fólk gjald-
gengt í atvinnulífi, en á heimilinu
fá börn ekki síst æfingu í tilfinn-
ingalegum samskiptum og að móta
sér gildismat. Uppalendur virðast
flestir gera sér ljóst að uppvaxandi
fólk hafi hag af því að verða góðir
starfskraftar. En skyldi fólk gera
sér að sama skapi grein fyrir mik-
ilvægi þess að börn verði vandaðar
manneskjur?
Í vissum skólum erlendis er það
eitt af helstu markmiðum að vinna
að því að gera fólk góðviljað og
hamingjusamt. Þessi sömu mark-
mið voru á dagskrá hjá ungmenna-
félögum og íþróttafélögum hér áð-
ur – og skátarnir mæltu með
„góðverki dagsins“, svo eitthvað sé
nefnt.
Kannski er eitthvað farið að slá í
þessi viðhorf hér? Aðalmálið virð-
ist vera að komast einhvern veginn
í góðar stöður og græða sem mest.
En það þarf að borga fyrir allt í
þessu lífi. Í fréttum undanfarið
hefur sést að þeir sem komast
áfram á óheiðarlegan hátt með
bolabrögðum þurfa oft að gjalda
fyrir með mannorðsmissi og ham-
ingjuleysi síðar.
Fróðlegt væri að skoðað yrði
hvaða stefnu uppalendur nútímans
móta almennt í uppeldi barna
sinna.
Hvort skyldi vera númer eitt að
þau verði góðir og vel tæknivæddir
starfskraftar eða góðviljað og ham-
ingjusamt fólk. Oft fer þetta að
vísu saman – en ekki alltaf. Margir
eru hvorki góðviljaðir né ham-
ingjusamir þótt þeir séu hámennt-
aðir og í góðum stöðum. Ástæð-
urnar geta verið ýmsar, svo sem að
árangurinn hafi orðið á kostnað
heiðarleika, drengskapar, góðra
samskipta við fjölskyldu eða löng-
unar innri mannsins eftir öðrum
verkefnum sem minna gefa af sér.
Kannski væri ástæða til að end-
urskoða markvisst það gildismat
sem haldið er að börnum í sam-
félaginu og gera markmiðin raun-
hæfari sem lagt er upp með til
þess að reyna að fækka þeim lífs-
leiðu, hömlulausu og ofbeldisfullu.
Það leynir sér ekki að eitthvað
mikið er að í uppeldi á Íslandi.
Þjóðlífsþankar / Að hverju er stefnt?
Lífsleiði og hamingja
eftir Guðrúnu
Guðlaugsdóttur
HAMINGJUSAMT fólk er oftast gott við aðra – eða er þessu öfugt farið?
Hvernig sem því er varið ríkir greinilega mikil óhamingja víða, það sést á því
að það líður varla svo helgi að ekki berist fregnir um líkamsmeiðingar og
jafnvel dauðsföll vegna árása. Þetta vekur óhug og ótta en jafnframt þær
spurningar hvað hafi farið úrskeiðis og hvað sé til úrbóta.