Morgunblaðið - 10.09.2002, Side 20

VIÐSKIPTI/ATHAFNALÍF
20 ÞRIÐJUDAGUR 10. SEPTEMBER 2002 MORGUNBLAÐIÐ
Nú stendur fyrir dyrum fullgilding Íslands á New York sáttmálanum
um viðurkenningu erlendra gerðardóma. Af því tilefni hafa Lands-
nefnd Alþjóða verslunarráðsins og Landwell á Íslandi undirbúið
ráðstefnu um alþjóðlega gerðardóma.
Valgerður Sverrisdóttir viðskiptaráðherra opnar ráðstefnuna.
Lúðvík Bergvinsson alþingismaður er ráðstefnustjóri.
Dr. Robert Briner, forseti Gerðardóms Alþjóða verslunarráðsins
í París.
ICC Arbitration and the New York Convention.
Sigurður Tómas Magnússon, héraðsdómari.
The different role of a judge and an arbitrator.
Claus Bennetsen, lögmaður, Landwell í Danmörku.
Development of International Arbitration in Denmark.
Birgir Ármannsson, aðstoðarframkvæmdarstjóri Verslunarráðs
Íslands.
The Court of Arbitration of the Iceland Chamber of Commerce.
Jakob R. Möller, hæstaréttarlögmaður, LOGOS Lögmanns-
þjónusta.
Arbitration versus Court proceedings.
Björn Friðfinnsson, ráðuneytisstjóri Dómsmálaráðuneytisins.
The ratification of the New York Convention. Current status.
Í lok ráðstefnunar verður efnt til móttöku í boði dómsmála-
ráðuneytisins.
Þátttökugjald kr. 7.500,- / kr. 6.500,- fyrir ICC félaga.
Nánari upplýsingar í síma 510 7100 með faxi 568 6564 eða með
tölvupósti: icc@chamber.is
Landsnefnd Alþjóða verslunarráðsins og Landwell á Íslandi kynna:
Ráðstefna um
alþjóðlega gerðardóma
Grand Hótel Reykjavík
föstudaginn 13. september n.k. kl. 13:00 í Gullteigi
E
in
n
t
v
e
ir
o
g
þ
r
ír
2
7
6
.0
0
1
Landsnefnd
Alþjóða verslunarráðsins
Frummælendur verða:
TÍMARITINU Lifun hefur
verið dreift með Morgun-
blaðinu til kaupenda blaðsins á
höfuðborgarsvæðinu einu sinni
í mánuði frá því í mars á þessu
ári. Árvakur hf., útgáfufélag
Morgunblaðsins, gefur nú
tímaritið út og verður því dreift
til kaupenda blaðsins á öllu
landinu.
Tímaritið, sem fjallar um
heimili og lífsstíl, er prentað í
Prentsmiðju Morgunblaðsins í
55.000 eintökum og fylgir
Morgunblaðinu á miðvikudög-
um. Næsti útgáfudagur Lifun-
ar er miðvikudagurinn 25. sept-
ember.
Sala á auglýsingum í tímarit-
ið fer fram í auglýsingadeild
Morgunblaðsins en umsjónar-
menn efnis eru áfram Gunnar
Sverrisson og Halla Bára
Gestsdóttir.
Útgáfa
á Lifun
Fylgir Morgun-
blaðinu einu sinni
í mánuði til allra
kaupenda
RÁÐHERRANEFND um einka-
væðingu hefur ákveðið að gengið
verði til viðræðna við Samson eign-
arhaldsfélag um kaup á umtalsverð-
um hlut í Landsbanka Íslands hf.
Samson ehf. er í eigu Björgólfs
Thors Björgólfssonar, Magnúsar
Þorsteinssonar og Björgólfs Guð-
mundssonar. Ákvörðun þessi bygg-
ist á forsendum framkvæmdanefnd-
ar um einkavæðingu og mati
alþjóðlega bankans HSBC á þeim
gögnum sem borist hafa frá þeim
þremur aðilum sem nefndin hefur
átt í viðræðum við að undanförnu.
Jafnframt hefur verið ákveðið að
hefja nú þegar frekari undirbúning
að sölu á umtalsverðum hlut í Bún-
aðarbanka Íslands hf.
Í tilkynningu frá Samson lýsa
forsvarsmenn félagsins ánægju
sinni með að framkvæmdanefnd um
einkavæðingu skyldi velja þá til
frekari viðræðna um kjölfestuhlut í
Landsbanka Íslands og munu þeir
leggja sig alla fram um að samn-
ingaviðræður gangi hnökralaust.
Áhugi eigenda Samson á að ger-
ast kjölfestufjárfestir í Landsbanka
Íslands kom fyrst fram í bréfi sem
sent var framkvæmdanefnd um
einkavæðingu 27. júní sl. Í því bréfi
voru verðhugmyndir tilgreindar og
líta aðstandendur Samson á þær
sem helstu forsendur viðskiptanna.
Áhuginn og forsendurnar voru
ítrekuð í bréfum hinn 25. júlí, 2.
september og 6. september.
Órætt um verð og um hve
stóran hlut er að ræða
Að sögn Björgólfs Thors Björg-
ólfssonar hefur Samson ehf. ekki
borist formlegt bréf um að hefja
eigi viðræður við þá um kaup á um-
talsverðum hlut í Landsbankanum
en þeim hafi verið tilkynnt að þeir
fái bréfið í hendur í dag. Fyrr geti
þeir ekki litið á sig sem væntanlega
kaupendur.
Björgólfur Thor segir að þeir séu
ánægðir með að einkavæðingar-
nefnd skuli hafa ákveðið að hefja
viðræður við þá en ekki sé þar með
sagt að þeir séu búnir að kaupa
Landsbankann. Þeir hafi ekki enn
fengið nægar upplýsingar um áætl-
anir bankans til næstu ára eða
hvaða áhrif sala á 45% eignarhlut í
VÍS muni hafa á afkomu hans. Eins
eigi eftir að ræða um hversu stóran
hlut sé að ræða, verð og hvernig
greiðslum verði háttað. Öll þessi at-
riði verði skoðuð á faglegum nótum
með aðstoð sérfræðinga.
Í lok júlí síðastliðins tilkynnti
einkavæðingarnefnd að ákveðið
hefði verið að ganga til viðræðna við
þrjá hópa fjárfesta um kaup á að
minnsta kosti fjórðungshlut í
Landsbanka Íslands. Þeir sem um
ræðir eru Kaldbakur hf., Björgólfur
Thor Björgólfsson, Magnús Þor-
steinsson og Björgólfur Guðmunds-
son og Eignarhaldsfélagið Andvaka,
Eignarhaldsfélagið Samvinnutrygg-
ingar, Fiskiðjan Skagfirðingur hf.,
Kaupfélag Skagfirðinga svf., Ker
hf., Samskip hf. og Samvinnulífeyr-
issjóðurinn.
Forstjóri Kers útilokar ekki
áhuga á Búnaðarbankanum
Þessi ákvörðun einkavæðingar-
nefndar kom í kjölfarið á að auglýst
var eftir tilboðum í að minnsta kosti
fjórðungshlut í bæði Búnaðarbanka
Íslands og Landsbanka Íslands, en
ríkið á nú 55% í Búnaðarbanka og
48% í Landsbanka. Hvatinn að
þeirri auglýsingu var áhugi sem
Björgólfur Thor og félagar höfðu
sýnt á að kaupa umtalsverðan hlut í
Landsbankanum, en vegna jafnræð-
issjónarmiða taldi ríkið eðlilegt að
gefa fleirum kost á að gera tilboð í
bankann í stað þess að ganga þegar
til viðræðna við þennan eina hóp
fjárfesta.
Geir Magnússon, forstjóri Kers,
er einn þeirra sem tekið hafa þátt í
viðræðum við einkavæðingarnefnd
fyrir hönd þess hóps fjárfesta sem
Ker á aðild að. Í samtali við Morg-
unblaðið í gærkvöldi sagðist Geir
ekki vilja tjá sig um þá niðurstöðu
sem orðin væri þar sem honum
hefði ekki borist hún með form-
legum hætti og hann hefði ekki haft
tækifæri til að ræða við aðra úr
hópnum. Aðspurður um hugsanleg
kaup í Búnaðarbankanum sagði
hann að sá hópur fjárfesta sem Ker
á aðild að hefði ekki útilokað að
fjárfesta í Búnaðarbankanum, en að
áherslan hefði verið á Landsbank-
ann.
Kári Arnór Kárason, varaformað-
ur stjórnar Kaldbaks, er meðal
þeirra sem þátt tóku í viðræðunum
fyrir hönd þess félags. Kári Arnór
sagði í gærkvöldi að engin formleg
tilkynning hefði enn borist frá
einkavæðingarnefnd og hann þekkti
því ekki forsendur ákvörðunarinnar
og gæti ekki tjáð sig um niðurstöð-
una. Hann sagði viðræðurnar hafa
gengið ágætlega fyrir sig og meðal
annars snúist um fjárhagslega getu
tilboðsgjafa. Könnun hefði leitt í
ljós að þeir hefðu allir þrír haft
næga fjárhagslega getu og hefðu
því verið beðnir að leggja fram til-
boð sín fyrir helgi.
Kári Arnór sagði Kaldbak bæði
hafa sýnt Landsbanka og Búnaðar-
banka áhuga í upphafi þótt áhuginn
á Landsbanka hefði verið meiri. Nú
sagðist hann reikna með að rætt
yrði við þá fjóra sem eftir standa
um kaup á hlut í Búnaðarbankan-
um, þ.e. þá tvo sem ekki verður
rætt frekar við um Landsbankann
auk hinna tveggja sem ekki var
rætt við vegna Landsbankans, en
það eru Íslandsbanki og hópur fjár-
festa undir forystu Þórðar Magn-
ússonar.
Ákveðið hefur verið að ræða við Björgólf Thor Björgólfsson, Magnús Þor-
steinsson og Björgólf Guðmundsson um kaup á stórum hlut í Landsbankanum
Engin ákvörðun enn um
hvort af kaupum verður
Morgunblaðið/Kristinn
Forsvarsmenn Samson lýsa yfir ánægju sinni með að vera valdir til frekari
viðræðna um kjölfestuhlut í Landsbanka Íslands.
BJARNI Haukur Þórs-
son leikari og fram-
leiðandi, kunnastur
fyrir uppfærslu leik-
ritsins Hellisbúans í
Gamla bíói og víðar,
hefur fest kaup á hlut
í fyrirtækinu Nord-
iska Strakosch Teater
Forlaget sem er
stærsta umboðsfyrir-
tæki á sviði leikrita og
söngleikja á Norður-
löndum.
Stærsti hluthafi
fyrirtækisins er Norð-
maðurinn Fred Olav
Johannessen frá
Björgvin en hann er
þekktur kaupsýslumaður og fram-
leiðandi í Noregi. Fred Olav er
jafnframt stjórnarformaður fé-
lagsins.
Fyrirtækið er með aðalskrif-
stofur í Kaupmannahöfn og útibú
í Helsinki í Finnlandi og hjá því
starfa 15 manns.
Stofnandi fyrirtækisins og fyrri
eigandi er Hanne Villum Hansen
en að sögn Bjarna Hauks Þórs-
sonar er hún vel þekkt í dönsku
listalífi og er t.d. góð vinkona
Margrétar Dana-
drottningar.
Öll verk Astrid
Lindgren
Bjarni segir að
fyrirtækið hafi um-
boð fyrir verk fjölda
þekktra leikrita- og
söngleikjaskálda, t.d.
eigi það rétt á öllum
verkum sem byggð
eru á sögum Astrid
Lindgren. Alls hefur
félagið 600-700 titla í
heildsölu.
Sem dæmi um
fleiri höfunda sem
félagið hefur umboð
fyrir eru Arthur Miller, Tenn-
essee Williams, Berthold Brecht
og Andrew Lloyd Webber, auk
fjölda norrænna höfunda, þ. á m.
Hrafnhildur Hagalín Guðmunds-
dóttir og Hávar Sigurjónsson.
Viðskiptavinir fyrirtækisins eru
öll þjóðleikhús og borgarleikhús á
Norðurlöndum auk frjálsra fram-
leiðenda. Meðal verka sem seld
hafa verið til Íslands á síðustu ár-
um eru Grease, Með vífið í lúk-
unum, Hver er hræddur við Virg-
ininu Wolf?, Full Monty söng-
leikurinn og Festen.
Ætlaði sjálfur að kaupa fyrirtækið
Aðspurður um hvernig það hafi
komið til að hann keypti sig inn í
fyrirtækið segir Bjarni það hafa
verið vegna tengsla sem hann
hafði myndað í Noregi við ýmsa
aðila í bransanum. „Annars var
ég sjálfur búinn að ganga lengi
með þá hugmynd í maganum að
kaupa þetta fyrirtæki, en Norð-
mennirnir urðu fyrri til. Áður
höfðu bandarísk og frönsk stór-
fyrirtæki sýnt áhuga á að kaupa
fyrirtækið en fyrri eigandi vildi
ekki selja þeim af ýmsum ástæð-
um. Hún var að bíða eftir tilboði
frá réttum aðilum.“
Bjarni segir að hlutur sinn í
fyrirtækinu sé ekki stór en nógu
stór „til að sitja í stjórn“ eins og
hann orðar það. Hann segir fyr-
irtækið í traustum og góðum
rekstri.
Aðspurður um frekari tengsl
fyrirtækisins við íslenska mark-
aðinn sagði Bjarni að hann vonaði
að aðkoma sín að fyrirtækinu ætti
eftir að nýtast íslensku leikhúsi
og íslenskum framleiðendum vel.
Bjarni Haukur Þórsson kaupir hlut í umboðsfyrirtæki
Umboð fyrir verk fjölda
þekktra leikritahöfunda
Bjarni Haukur
Þórsson
Síðumúla 34 - sími 568 6076
Antik er fjárfesting
Antik er lífsstíll