Morgunblaðið - 09.11.2002, Page 36

LISTIR
36 LAUGARDAGUR 9. NÓVEMBER 2002 MORGUNBLAÐIÐ
Óskað er eftir tillögum að hugmyndum og verkefnum á
Vetrarhátíð, sem haldin verður í annað sinn
í Reykjavík dagana 27. febrúar-2. mars 2003.
Á Vetrarhátíð fögnum við ljósi og vetri
og skulu tillögur tengja þessa þætti
menningu og listum, orku og atvinnulífi, félags- og skólastarfi,
útivist, íþróttum, leikjum, umhverfi eða sögu.
Viðurkenningar verða veittar fyrir þrjár bestu hugmyndirnar:
Kr. 100.000, 75.000 og 50.000.
Hugmyndir skulu merktar Vetrarhátíð og berist til
Höfuðborgarstofu,
Ráðhúsi Reykjavíkur, 101 Reykjavík - fyrir 10. desember 2002.
Í nýju ljósi -
Vetrarhátíð í Reykjavík
Reykjavíkurborg
Í LISTHÚSINU í Laugardal
stendur nú yfir sýning Guðrúnar
Tryggvadóttur á teikningum úr
bókinni Furðudýr í íslenskum þjóð-
sögum sem kom út á dögunum hjá
bókaforlaginu Sölku.
Sýningin stendur til 30. nóvem-
ber.
Teikningar
í Listhúsinu
Listhús Ófeigs,
Skólavörðustíg 5
Sýning Gunnsteins Gíslasonar er
framlengd til 26. nóvember. Gunn-
steinn sýnir veggmyndir unnar í járn
og tré. Sýningin er opin virka daga
kl. 10–18, laugardaga kl. 11–16.
Sýning
framlengd
TÓNLIST frá endurreisnartím-
um virðist stödd jafnvel enn utar á
jaðri áhugasviðs almennra hlust-
enda en nútímalistmúsík. Eða svo
hefði alltjent mátt álykta af
furðufámennri aðsókn á tónleikum
Contrasti-hópsins á sunnudags-
kvöld. Að vanda ræðst slíkt sjaldn-
ast af innistæðuleysi tónlistarinnar,
heldur öllu frekar af viðkynning-
arleysi. Má þar nefna litla útvarps-
spilun og sinnuleysi kóranna – sér-
staklega með tilliti til hins
óvefengjanlega blómaskeiðs kór-
mennta á áratugunum kringum
1600. Né heldur fer mikið fyrir
kennslu í fornri fótmennt í hér-
lendum dansskólum.
Dagskráin var, burtséð frá
grísku nútímaverki Tsoupakis og
Örsvítu Sommerfeldts, endurreisn-
artónlist frá Stórabretlandi og
skiptist á milli að hluta sunginna og
al-leikinna verka. Hin síðarnefndu
voru tvær möskur („masques“) eftir
ókunnan 17. aldar höfund, báðar
leiknar á sópranblokkflautu, lútu og
bassagömbu og af viðeigandi kyrr-
látri fágun. Meistari Dowland,
skapari enska lútusönglagsins á efri
árum Elísabetar I. og tilnefndur í
forkynningu á „Stað og stund“-vef-
síðu Morgunblaðsins, reyndist að
vísu ekki á boðstólum þegar á
hólminn kom. En því meira var eft-
ir samtímamann hans Thomas
Morley, ekki síður frumlegan höf-
und og oft frísklegri. Morley mun
einnig kunnur fyrir „A Plaine and
Easie Introduction to Practigall
Musicke“, eitt af skemmtilegri tón-
fræðiritum 16. aldar. Eftir hann
voru fluttir döpru madrígalarnir
Since my Tears og Sleep slumber-
ing eyes, hinn léttari og bráðfallegi
April is in my Mistress Face, hinn
enn hressari lútu-„ayre“ Mistress
mine og gáskafullt dansandi þriggja
radda „balettinn“ [með einu l-i og
fa la la-viðlagi] Though Philomela
lost her love. Sá var reyndar ein-
göngu leikinn, þ.e.a.s. á lútu og
plokkaðar gömbur, og kom það vel
út þrátt fyrir kannski óþarfa var-
færni.
Aðrir fisléttir og glaðlegir madr-
ígalar voru eftir Farmer (Fair
Phillis), Vautor (Mother I will have
a husband) og – nær angurværari
endanum – hinn feikifallegi I love
alas yet am not love eftir „lament“-
snillinginn John Wilbye. Einnig gat
að heyra einfalt en afskaplega hug-
ljúft raddsöngslag eftir ókunnan
skozkan höfund, Depairte, depairte.
Allt verk sem upphaflega voru
einkum ætluð til heimilissöngs (sic
transit!) en mátti einnig spila á til-
tæk hljóðfæri samtímans, eins og
yfirskriftir á við „apt for voyces or
viols“ bera með sér. Að þessu sinni
ýmist sungin af sópran – eða sópr-
an og alt – með hinar raddirnar
leiknar, þar sem tenór var blásinn á
viðeigandi blokkflautustærð og
bassinn strokinn á bassagömbu
með lútuna til hljómauppfyllingar.
Tærar söngraddir systranna Mörtu
og Hildigunnar Halldórsdætra féllu
bæði dável hvor að annarri og að
upphaflegum flutningsmáta hóps-
ins. Samt hefði undirritaður per-
sónulega heldur kosið hreinan a
cappella flutning (eða, til vara,
„instrumental“) – einkum svo notið
yrði betur raddfærslulistar ensku
meistaranna.
Síðast fyrir hlé var „Sappho’s
Tears“ (1990) fyrir kvenrödd, T-
blokkflautu og fiðlu eftir grísku
tónskáldkonuna Calliope Tsoupakis,
sem búsett mun í London. Camilla
og systurnar fluttu hina þétt skip-
uðu líðandi þríhljóma verksins
(stundum reyndar fleiri tóna þegar
spilendur sungu með ofan í hljóð-
færaraddirnar) af innlifaðri list.
Treinaðist því harmur lesbísku
skáldkonunnar lengi undravel. En
jafnvel úrvalstúlkun gat ekki dregið
fjöður yfir óhóflegu lengdina – rúm-
ar 17 mínútur – og hefði án efa far-
ið verkinu betur að stytta það um
helming. Nema kannski fyrir hörð-
ustu fylgjendur mókhyggju þeirrar
sem nú virðist í tízku.
Ólöf Sesselja Óskarsdóttir lék
fyrst eftir hlé „Mini-suite“ (1976),
stutt en bráðskemmtilegt einleiks-
verk fyrir selló eftir hinn norska
Øistein Sommerfeldt (1919–94), af
þjálli mýkt eftir örlítið hikandi
byrjun. Inn á milli tónverka las
Arnar Jónsson leikari upp ljóð af
sinni alkunnu snilld, þ.á m. eftir
Shakespeare (oftast í þýðingum
Helga Hálfdanarsonar), enda þótt
valið á öðrum kveðskap vefðist
stundum fyrir manni í samhenginu,
eins og á færeysku ljóðunum – eða
Játvarðskvæðinu (úr Ossian?), þrátt
fyrir bragðmikla spennu þess og
meistaralega túlkun.
Brezkar endurreisnarperlurTÓNLISTHafnarborg
Ensk endurreisnartónlist eftir m.a. Morl-
ey, Wilbye o.fl. Tár Sapphoar eftir Call-
iope Tsoupaki; Mini-suite e. Sommer-
feldt. Contrasti-hópurinn: Camilla
Söderberg blokkflautur, Marta Guðrún
Halldórsdóttir S, Hildigunnur Halldórs-
dóttir S/fiðla/tenórgamba, Ólöf Sesselja
Óskarsdóttir selló/bassagamba, Snorri
Örn Snorrason lúta. Ljóðalestur: Arnar
Jónsson. Sunnudaginn 3. nóvember kl.
20.
KAMMERTÓNLEIKAR
Ríkarður Ö. Pálsson
Alþjóðahúsið við Hverfisgötu Í
tengslum við þjóðhátíðardag Pól-
verja hinn 11. nóvember verður sam-
sýning fjögurra pólskra listamanna
opnuð kl. 19. Þeir eru Hubert Dobrz-
aniecki, málverk, Jacek Pluszcz, ljós-
myndir, Michal Bukowski, ljós-
myndir, og Marcin Dopieralski,
málverk. Kl. 20 verður ljóðakvöld á
pólsku. Hubert Dobrzaniecki mun
lesa úr nýútkominni ljóðabók sinni.
Á morgun, sunnudag, kl. 16. mun
formaður Vináttufélagsins, Þorleifur
Friðriksson sagnfræðingur, fara
nokkrum orðum um sögu Póllands
og að því loknu mun Emilia Mlynska
fjalla um þjóðir og þjóðarbrot í Pól-
landi.
Leiðsögn í Nýlistasafninu Nemar
úr Listaháskóla Íslands leiða gesti
um sýninguna Flökt – Ambulatory –
Wandelgang kl. 15. Um er að ræða
samsýningu Magnúsar Pálssonar,
Erics Andersens og Wolfgangs
Müllers sem stendur í safninu til 24.
nóvember nk.
Bókabúð MM á Laugavegi 18 Les-
ið verður úr nýjum barnabókum kl.
11. Kristín Helga Gunnarsdóttir les
úr bók sinni Gallsteinar afa Gissa,
Kristín Steinsdóttir les úr bókinni
Engill í vesturbænum, Halldór Bald-
ursson les úr bók Heiðar Bald-
ursdóttur Sögurnar um Evu Klöru,
Auður Jónsdóttir les úr bókinni
Skrýtnastur er maður sjálfur. Hver
var Halldór Laxness? og Harpa
Jónsdóttir les úr bókinni Ferðin til
Samiraka.
Penninn Eymundsson, Austur-
stræti 18 Sögustund verður kl. 14.
Gerður Kristný les upp úr barnabók-
inni sinni Marta smarta og Að-
alsteinn Ásberg les upp úr barna-
bókinni sinni Ljósin í Dimmuborg.
Magnús Óskar Magnússon opnar
ljósmyndasýn-
ingu í Ráðhúsi
Reykjavíkur kl.
16 og eru þær
kynjamyndir úr
náttúrunni.
Ljósmyndirnar
eru prentaðar á
striga og
strekktar á
blindramma.
Magnús Óskar
gaf í fyrra út ljósmyndabók þar sem
hann hefur fangað andlit meitluð í
kletta og steina víðs vegar um landið.
Sýningin stendur til 24. nóvember og
er opin virka daga frá kl. 8–19 og kl.
12–18 um helgar.
Sólon, Bankastræti Grafíski hönn-
uðurinn Jóhanna Svala Rafnsdóttir
opnar sýninguna Grafísk hönnun á
myndlist kl. 17. Á sýningunni veltir
hún fyrir sér þessari fínu línu á milli
beggja þessara tvívíðu listmiðla, og
eru litirnir þar í fararbroddi. Sýn-
ingin stendur til 29. nóvember.
Ljósmyndasýning nemenda LHÍ
verður opnuð á jarðhæð Borg-
arbókasafnins við Tryggvagötu kl.
15. Sýningin samanstendur af ljós-
myndum átta myndlistarnema. Þeir
eru Arnajaraq Hegelund Olsen,
Böðvar Gunnarsson, Dagbjört Drífa
Thorlacius, Dodda Maggý, Elín
Anna Þórisdóttir, Kristín Helga
Káradóttir, Lisa C.B. Lie og Oddvar
Örn Hjartarson.
Sýningin stendur til 24. nóvember.
Þingeyingakórinn heldur tónleika í
Þorgeirskirkju í Ljósavatnshreppi
kl. 14 og kl. 17 í Húsavíkurkirkju.
Þingeyingakórinn er blandaður kór
brottfluttra Þingeyinga á höfuðborg-
arsvæðinu, stofnaður 1999. Þetta er í
fyrsta skipti sem kórinn kemur fram
á tónleikum á heimaslóðum.
Stjórnandi kórsins er Kári Frið-
riksson tónmenntakennari. Þorberg-
ur Skagfjörð Jósefsson syngur ein-
söng með kórnum og tvísöng með
Kára Friðrikssyni.
Kórinn leggur m.a. áherslu á flutn-
ing sönglaga eftir þingeyska höf-
unda og lagahöfunda af þingeyskum
ættum s.s. Jón Múla Árnason, Stein-
grím Birgisson, Friðrik Jónsson, Að-
alstein Ísfjörð og Kára Friðriksson.
Einnig eru á efnisskránni negra-
sálmar, gömul dægurlög og þekkt
kórlög af ýmsum toga.
Sönghópurinn Veirurnar heldur
söngskemmtun í sal Fjölbrautaskól-
ans á Sauðárkróki kl. 21.
Veirurnar eru að stærstum hluta
Skagfirðingar búsettir í Reykjavík
og nágrenni og hafa verið starfandi í
einhverri mynd síðastliðin 15 ár, en
þetta er í fyrsta sinn sem hópurinn
heldur sjálfstæða tónleika í Skaga-
firði. Á efnisskrá eru íslensk og nor-
ræn sönglög, einnig amerískir slag-
arar.
Söngstjóri er Þóra Fríða Sæmunds-
dóttir, einsöng syngur Ásgeir Ei-
ríksson og tvísöng þau Sigríður
Gunnarsdóttir og Sigurður Örn Sig-
urgeirsson.
Sérstakir gestir á tónleikunum eru
félagar í Skagfirska Kamm-
erkórnum undir stjórn Páls Szabó.
Í DAG
 Sjá einnig Staður og stund á mbl.is
Magnús Óskar Magn-
ússon með eina nátt-
úrumynda sinna.
KAMMERKÓR Norðurlands syngur
í Grafarvogskirkju í dag og í Reyk-
holtskirkju í Borgarfirði á sunnudag.
Kórinn starfar með nokkuð sérstæð-
um hætti því í
honum er fólk af
svæðinu allt frá
Sauðárkróki aust-
ur á Kópasker,
alls 18 manns, tón-
listarkennarar,
organistar og
söngmenntað fólk,
sem tekur einnig
þátt í tónlistarlíf-
inu hvert á sínum
stað. Kórinn hitt-
ist nokkrum sinnum á ári og æfir þá
heilu helgarnar og tónleikar hafa að
jafnaði verið haldnir tvisvar á ári.
Guðmundur Óli Gunnarsson er
stjórnandi kórsins. „Tónleikarnir eru
í tvennu lagi. Fyrir hlé flytjum við
fimm enska madrígala ásamt tveimur
lögum eftir Atla Heimi Sveinsson og
eitt eftir Þorstein Hauksson. Íslensku
verkin ríma hvort á sinn hátt við
þessa gömlu madrígalamúsík. Madr-
ígaletto-verkin tvö eftir Atla Heimi
eru í stíl madrígalanna. Þetta er leik-
hústónlist við leikrit eftir Odd Björns-
son og íslenskir kórar hafa talsvert
flutt þau. Sapientia, úr óratóríunni
Psychomachia eftir Þorstein Hauks-
son, var samið fyrir Háskólakórinn
1989. Tónlistin er við gamlan latínu-
texta og tónefnið gamallegt,“ segir
Guðmundur Óli.
Seinni helmingur tónleikanna er
helgaður norrænni tónlist og sameig-
inlegt er höfundunum að þeir semja
allir verkin á tungumáli sem er annað
en þeirra eigin. Svíinn Per Nørgård
semur t.a.m. við texta eftir Shake-
speare, eftir Finnann Einojuhani
Rautavaara er verkið Suite de Lorca,
sem samið er við texta eftir spænska
skáldið Federico Garcia Lorca og auk
þess verða flutt fleiri verk.
Tónleikarnir verða í Grafarvogs-
kirkju í dag kl. 17 og í Reykholts-
kirkju á morgun kl. 15.
Kammerkór Norð-
urlands í söngferð
Guðmundur Óli
Gunnarsson
Á NÝJA sviði Borgarleikhússins verða Ferðalaga-
tónleikar kl. 15:15 í dag. Að þessu sinni verður
farið um eyjarnar í Norður-Atlandshafi: Ísland,
Færeyjar og Bretlandseyjar. Gestur tónleikanna
er Ólafur Kjartan Sigurðarson baritón, en hann
mun flytja flokk laga fyrir söngrödd, píanó og
selló eftir Pauli í Sandagerði með þeim Daníel
Þorsteinssyni og Sigurði Halldórssyni við ljóð eftir
William Heinesen, Regin Dahl og Christian Matr-
as. Einnig flytur hann tvö skosk þjóðlög við ljóð
Roberts Burns.
„Það eru eyjamállýskur sem eru ráðandi hjá
mér í dag og íslenskt langspil,“ segir Ólafur Kjart-
an, „og hef ég verið að kljást við skoska og fær-
eyska framburðinn undanfarið.“
Ólafur Kjartan segist einu sinni áður hafa sung-
ið lag eftir Páli í Sandgerði, í Færeyjum árið 2000.
Þá eru á efnisskránni tvö einleiksverk fyrir
selló, Passacaglia eftir William Walton samin 1982
og 3 Ariettur eftir Kristian Blak frá árinu 1991.
Einnig verða fluttar tónsmíðar Hafliða Hallgríms-
sonar um 6 íslensk þjóðlög frá 1973 fyrir selló og
píanó.
Eyja-
tónlist
Morgunblaðið/Golli