Morgunblaðið - 29.12.2002, Blaðsíða 8
FRÉTTIR
8 SUNNUDAGUR 29. DESEMBER 2002 MORGUNBLAÐIÐ
Flugeldasala björgunarsveitanna
900 tonn af
flugeldum
NÚ STYTTIST ígamlárskvöld meðtilheyrandi flug-
eldakveðjum landsmanna.
Björgunarsveitir og
íþróttafélög hafa lengi
haldið úti öflugri flugelda-
sölu til að fjármagna starf-
semi sína og í tilviki þeirra
fyrrefndu er þar um einu
tekjuöflunina að ræða. Það
má því segja að landsmenn
eigi starfsemi þeirra undir
því að kaupa af þeim eld-
færin. Jón Gauti Jónsson
er formaður fjáröflunar
fyrir Flugbjörgunarsveit-
ina í Reykjavík, sem er ein
stærsta einingin innan
Slysavarnafélagsins
Landsbjargar.
– Það væri fróðlegt að
vita svona í byrjun spjalls
hvað þið flytjið inn mikið af flug-
eldum?
„Þetta eru í kringum 900 tonn
af flugeldum og koma víða að, m.a.
frá Kína, Bretlandi og Þýska-
landi.“
– Og allt er vottað og viður-
kennt?
„Já, það renna stundum tvær
grímur á fólk þegar það heldur að
við séum að kaupa inn einhverja
ódýra lélega vöru. Það er ekki til-
fellið. Við verslum við framleið-
endur milliliðalaust og höfum
gengið úr skugga um að varan
sem í boði er standist þær kröfur
sem við gerum til hennar hér á
landi.“
– Er ekki talsverð samkeppni á
þessum flugeldamarkaði?
„Jú, það er mikil samkeppni.
Björgunarsveitirnar byrjuðu með
þetta á sínum tíma og búa að því í
dag og hafa saman um 80% hlut-
deild eftir að íþróttafélögin bætt-
ust í hópinn. Nú sýnist okkur að
nýir aðilar ætli að blanda sér í
samkeppnina og í því tilviki sé það
siðferðilega á mörkunum því við
erum að selja flugelda til að fjár-
magna þjónustu sem þjóðfélagið
ætlast til að sé til staðar og er ekki
fjármögnuð á annan hátt.“
– Hætta landsmenn nokkru
sinni að styðja gott málefni?
„Auðvitað vill maður trúa því og
margir myndu ugglaust ekki
hvika frá því að styðja okkur með
flugeldakaupum. En ég óttast líka
dálítið að margir hugsi ekki þann-
ig. Menn hafi bara svo gaman af
flugeldum að þeir hlaupi til ef það
koma undirboð. En við sjáum
hvað setur, helst vildum við auð-
vitað ekki þurfa að standa í þessu
harki. Mér finnst það hálfbjána-
legt að vera í forsvari fyrir fjár-
öflun og vera að selja flugelda án
þess að hafa sjálfur nokkuð gam-
an af þeim.“
– 80% markaðshlutdeild er ekki
lítið?
„Þetta er náttúrulega ótrúleg
tala, en eins og ég gat um vorum
við fyrstir og lengi vel einir með
þessa flugeldasölu. Aðrir komu
síðar. En vel að merkja, þetta er
sameiginleg markaðstala allra
björgunarsveita. Það
eru allir í þessu, hjálp-
arsveitir skáta, Flug-
björgunarsveitir og
slysavarnafélögin.
Hver og einn fjár-
magnar sína starfsemi og þannig
séð erum við í bullandi samkeppni
hver við annan þótt við markaðs-
setjum okkur saman undir einum
hatti, sem er Slysavarnafélagið
Landsbjörg.“
– Er það þá þín skoðun að hið
opinbera eigi að reka þessa þjón-
ustu?
„Það er alveg spurning hvað
væri best í þessu sambandi. Nú-
verandi fyrirkomulag hefur bæði
kosti og galla. Það er í raun ein-
stakt í heiminum að slík starfsemi
sé rekin af áhugamannafélögum
og eftir því hefur verið tekið er-
lendis. Íslenska fyrirkomulagið er
rómað og talið til eftirbreytni.
Fyrirkomulagið hækkar gæða-
stuðulinn. Það er með ólíkindum
að geta sagt að það séu 7.000
manns á útkallsvakt og þar af sé
hægt að ná út 3.000 með ýmsum
boðleiðum á innan við hálftíma.
– Ef við snúum okkur aftur að
flugeldasölu, hvað segirðu um að
fólki finnist flugeldar dýrir?
„Ég fullyrði á móti að álagning-
in er hófleg. Hins vegar fer alltaf
einn og einn yfir strikið í flugelda-
kaupum. Menn gleyma sér
kannski aðeins af því þeir hafa svo
gaman af þessu og áramót eru að-
eins einu sinni á ári.“
– Nú standið þið fyrir gríðar-
mikilli flugeldasýningu á ári
hverju, er það ekki bara bruðl?
„Þær eru ekki sérlega dýrar
þessar sýningar, vel innan við
milljón tel ég víst. Á móti kemur
að fólk þyrpist á þessar sýningar
og því skapa þær velvild í garð
þeirra sem standa fyrir þeim og
það skilar sér kannski í aukinni
sölu. Það segja markaðsmennirnir
a.m.k.“
– Eru svona stórsýningar á
flugeldaskothríð mikið fyrirtæki?
„Já, alveg gríðarlega mikið fyr-
irtæki. Það er hópur manna vikum
saman að skipuleggja
slíka sýningu. Menn
hafa farið utan og lært
þessi vísindi og komið
heim sem nokkurs
konar sprengjusér-
fræðingar.“
– Hvenær er svo sýningin?
„Hún verður við Perluna í dag,
sunnudag, klukkan fimm og
magnaðri en nokkru sinni fyrr og
að auki í fyrsta skipti í takt við
tónlist á vegum Bylgjunnar. Þessi
sýning á að taka fram öllum öðr-
um sem boðið hefur verið upp á í
gegnum tíðina, ekki síst endirinn
sem verður ógleymanlegur.“
Jón Gauti Jónsson
Jón Gauti Jónsson er formað-
ur fjáraflana fyrir Flugbjörg-
unarsveit Reykjavíkur. Hann er
fæddur í Reykjavík 1969, eig-
inkona hans er Hulda Stein-
grímsdóttir og börnin eru þrjú,
Sólveig Lára, 8 ára, Hera, 4 ára,
og Kolbeinn Tumi, 2 ára. Jón
Gauti er menntaður hjúkr-
unarfræðingur frá HÍ. Hann hef-
ur verið framhaldsskólakennari
og starfsmaður hjá Flögu, á
sumrum gjarnan í leiðsögu-
mennsku á fjöllum. Síðasta árið
hefur hann starfað sem slíkur
hjá Íslenskum fjallaleiðsögu-
mönnum.
… í fyrsta
skipti í takt
við tónlist
ÞAÐ var verið að leika golf á velli Golfklúbbs Ólafs-
fjarðar á aðfangadag og jóladag, en það mun vera eins-
dæmi á Ólafsfirði, enda var völlurinn iðagrænn eins og
á góðum sumardegi.
Enginn snjór var á vellinum og gripu áhugasamir
golfmenn tækifæri fegins hendi. Þrír þeirra slógu upp
þriggja manna móti á jóladag en engum sögum fer af
úrslitum.
Léku golf á jóladag
Morgunblaðið/Helgi Jónsson
RAUÐI kross Íslands hefur
ákveðið að veita tvær milljónir
króna til vetraraðstoðar við bosn-
íska flóttamenn sem hafa snúið
aftur heim til Bosníu á undanförn-
um mánuðum. Um er að ræða síð-
asta framlag félagsins til alþjóð-
legs hjálparstarfs á þessu ári en
alls hefur Rauði kross Íslands var-
ið um 116 milljónum króna til
neyðar- og þróunarhjálpar erlend-
is á árinu sem er að líða.
Fram kemur í tilkynningu frá
RKÍ að framlagið til Bosníu verði
notað til að aðstoða flóttamenn
sem hafa snúið aftur á síðustu sex
mánuðum. Í flestum tilvikum sé
um að ræða fátækt fólk sem flúði
land sitt fyrir tæpum áratug og sé
að koma sér fyrir á ný við erfiðar
aðstæður og vetrarkulda.
Tíu sendifulltrúar við störf
Á vegum Rauða kross Íslands
eru nú 10 sendifulltrúar við hjálp-
arstörf erlendis en alls störfuðu á
vegum félagsins 19 sendifulltrúar
við verkefni í fjölmörgum löndum
á árinu sem er að líða, meðal ann-
ars Suður-Afríku, Simbabve, Mós-
ambík, Tansaníu, Eþíópíu, Kína,
Afganistan og Aserbædjan.
Stærsta framlag Rauða kross
Íslands til neyðaraðstoðar á árinu
var til landanna í sunnanverðri
Afríku, 30 milljónir króna, auk
þess sem þrír sendifulltrúar fé-
lagsins eru við störf vegna mat-
væladreifingar þar. Notaður fatn-
aður, sem almenningur gaf
félaginu, var á árinu sendur til sjö
landa í austanverðri Evrópu og í
Afríku. Rauði kross Íslands hefur í
alþjóðlegu hjálparstarfi einbeitt
sér að svonefndum „gleymdum
svæðum“. Þannig voru á árinu
veittar umtalsverðar fjárhæðir til
neyðaraðstoðar í löndum eins og
Georgíu, Aserbædjan og Tadsjík-
istan.
Í ár hefur félagið varið rúmri 51
milljón kr. til þróunarverkefna í
tíu löndum. Umfangsmestu verk-
efnin eru á sviði heilsugæslu í
þremur Afríkuríkjum, það er
Malaví, Mósambík og Suður-Afr-
íku, en í þessum löndum hefur
Rauði kross Íslands stutt starf í
þágu alnæmissmitaðra með sam-
tals 16 milljóna framlagi.
Fé vegna aðstoðarinnar í sunn-
anverðri Afríku var safnað í söfn-
uninni Göngum til góðs í október
en önnur aðstoð félagsins er að
mestu til komin vegna hlutdeildar
Rauða krossins í Íslenskum söfn-
unarkössum.
Rauði krossinn styrk-
ir flóttamenn í Bosníu
Um 116 milljónir
til neyðar- og þró-
unarhjálpar er-
lendis á þessu ári
UMHVERFIS- og tæknisvið
Reykjavíkurborgar hefur gefið
út leyfi fyrir ellefu brennum í
Reykjavík. Enn er verið að
safna efni í brennurnar, en
söfnun verður hætt kl. 14 á
gamlársdag. Kveikt verður í
þeim flestum kl. 20:30.
Tveir til þrír starfsmenn
hverfabækistöðva Gatnamála-
stofu verða við móttöku og upp-
röðun í bálkesti og standa þeir
vakt við brennurnar. Slökkt
verður í brennunum kl. 2 um
nóttina og á fimmtudag hefst
síðan hreinsun brennubotna.
Nánari upplýsingar um
brennurnar verða í áramóta-
blaði Morgunblaðsins.
Ellefu
brennur í
Reykjavík