Morgunblaðið - 26.05.2003, Síða 36

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 26. MAÍ 2003 VERÐ Í LAUSASÖLU 190 KR. MEÐ VSK.
NÍTJÁN mánaða gamall drengur
brenndist alvarlega þegar pottur
af heitri súpu féll yfir hann í
heimahúsi í Hafnarfirði um hádeg-
isbilið á laugardag. Slysið varð
með þeim hætti að drengurinn
steig á ofnskúffu með þeim afleið-
ingum að eldavélin steyptist fram.
Að sögn vakthafandi sérfræð-
ings á Landspítala – háskóla-
sjúkrahúsi við Hringbraut, þar
sem drengurinn dvelur, er hann al-
varlega brenndur og á gjörgæslu.
Líðan hans er þó góð eftir atvikum.
19 mánaða
drengur
brenndist
BIRGITTA Haukdal og Evróvisjónfararnir
komu til landsins í gærkvöldi eftir vel
heppnaða för til Ríga í Lettlandi, þar sem
framlag Íslands lenti í níunda sæti. Birgitta
segist vera mjög sátt við hvernig til tókst.
Systkini Birgittu, Sylvía Haukdal og
Reynir Garðar Brynjarsson, voru mætt í
Leifsstöð til að taka á móti systur sinni, en
foreldrar Birgittu, Anna Haukdal og Brynj-
ar Víkingsson, fylgdu henni til Ríga. Eins
og við var að búast voru þau afar stolt af
dótturinni. „Þetta var rosaleg upplifun,“
sagði Brynjar.
Morgunblaðið/Sverrir
Komin heim frá Ríga

Ævintýri/4
FORSVARSMENN verkefnis sem nefnist
Hjal gera ráð fyrir að fá aðstoð um það bil
tvö þúsund Íslendinga til að lesa upp texta
vegna þróunar á íslenskum talgreini. Ætl-
unin er að safna upptökum með hljóðdæm-
um frá eins breiðum hópi Íslendinga og
mögulegt er. Stefnt er að því að íslenski tal-
greinirinn komi á markað í haust.
Hjal er samstarfsverkefni Landssíma Ís-
lands, Nýherja, Háskóla Íslands, Grunns
gagnalausna og Hex hugbúnaðar, auk þess
sem Scansoft, þekkt erlent tungutæknifyr-
irtæki, kemur að verkefninu.
Sæmundur Þorsteinsson, forstöðumaður
rannsóknardeildar Símans, segir mikla
möguleika felast í notkun á talgreini. Í
framtíðinni verði með honum hægt að tala
við þau tæki sem við notum. Sæmundur
segir að erlendir framleiðendur tungu-
tæknibúnaðar hafi lítinn áhuga á að gera
eitthvað fyrir tæplega þrjú hundruð þúsund
manna málsvæði. Því hafi Íslendingar séð
sér þann kost vænstan að taka frumkvæðið
sjálfir í þessum efnum í samstarfi við er-
lendan framleiðanda.
Safna hljóð-
dæmum
tvö þúsund
Íslendinga

Upptökur/10
HEITASTI dagur sumars-
ins var að kvöldi kominn.
Yfir ferköntuðu húsunum á
Runnaflöt lá syfjuleg þögn.
Enginn var á ferli nema
unglingsstrákur sem lá of-
an í blómabeði fyrir utan
hús númer 4.“ Á þessum
orðum hefst fimmta bókin í
bókaflokknum um Harry
Potter og félaga, Harry
Potter og Fönixreglan, sem kemur út hér á
landi 1. nóvember nk. kl. 11.11 árdegis. Bókin
kemur í verslanir í Engandi, Bandaríkjunum
og Ástralíu 21. júní.
Að sögn Snæbjörns Arngrímssonar, stofn-
anda Bókaútgáfunnar Bjarts, er greinilegt að
mikil eftirvænting er meðal lesenda í
tengslum við útkomu nýju bókarinnar og
nokkuð um að börn og fullorðnir hringi í for-
lagið og spyrji um útgáfudaginn. Bókin er vel
yfir 700 blaðsíður og sú lengsta til þessa. Snæ-
björn reiknar með að fólk geti pantað bókina
fyrirfram strax í byrjun júní en eftir sé þó að
ganga frá endanlegri tilhögun þessa. Ljóst er
hins vegar að þýðanda bókanna, Helgu Har-
aldsdóttur, bíður ærið verkefni en handritið
berst ekki í hendur íslenska útgefandans fyrr
en 21. júní þegar bókin kemur út erlendis.
„Það er búin að vera gífurleg pressa frá öll-
um útgefendum í Evrópu um að fá handritið
fyrr en það hefur algerlega verið fyrir dauf-
um eyrum,“ segir Snæbjörn. Hann segir mikla
leynd hvíla yfir efni bókarinnar. Hins vegar
hafi verið upplýst að einhver af aðalpersónun-
um deyi í þessari bók. Byrjað er að prenta
bókina í Bretlandi og fyrir skömmu var greint
frá því að þrjú eintök hefðu fundist af bókinni
sem þrír af starfsmönnum prentsmiðjunnar
þar sem hún er prentuð höfðu stolið.
70 þúsund eintök seld hérlendis
Bækurnar um Harry Potter hafa selst gríð-
arvel hér á landi sem og um heim allan. Hér-
lendis hafa um 13 þúsund eintök verið seld af
hverri nýrri Harry Potter-bók fyrsta útgáfu-
árið og síðan nokkur þúsund eintök af hverri
bók eftir það. Af fyrstu bókinni hafa t.d. selst
í kringum 20 þúsund eintök og heildarsala á
bókunum fjórum er í kringum 70 þúsund ein-
tök.
Ný Harry Potter-bók á íslensku 1.11. kl. 11.11
FYRRVERANDI aðalgjaldkeri
Landssímans hefur játað á sig stór-
felldan fjárdrátt hjá félaginu, sam-
kvæmt heimildum Morgunblaðsins.
Talið er að undanskotin sem um
ræðir nemi um 150 milljónum
króna. Maðurinn situr í gæsluvarð-
haldi ásamt tveimur sakborningum
sem grunaðir eru um hlutdeild í
brotunum. Tveir hinna síðarnefndu
bera því við að þeir hafi tekið við
meginhluta fjárins sem lánsfé í
nafni fyrirtækis sem þeir áttu.
Landssíminn lítur mjög alvarleg-
um augum á málið og hefur tekið þá
ákvörðun að kalla til utanaðkom-
andi endurskoðendur til þess að
fara yfir verkferla innan félagsins.
Samkvæmt heimildum blaðsins
sætti fyrrnefnt fyrirtæki í eigu tví-
menninganna opinberu eftirliti
skattayfirvalda sem sendu Lands-
símanum fyrirspurn í maíbyrjun
varðandi greiðslur hans til fyrir-
tækisins. Af þessu tilefni tók
Landssíminn að kanna ákveðna
þætti í bókhaldi sínu og komst að
því að ekki var allt með felldu. Í
kjölfarið bárust böndin að aðal-
gjaldkeranum. Tvímenningarnir
hafa borið því við að hafa fengið að
láni um 100 milljónir króna frá
Landssímanum.
„Engin lánastarfsemi“
Forstjóri Landssímans, Brynj-
ólfur Bjarnason, neitar því hins
vegar að félagið hafi stundað slíka
lánastarfsemi. „Félagið er síma-
félag og er ekki í neinni lánastarf-
semi. Einu lán mér vitanlega eru til
dóttur- og hlutdeildarfélaga með
veðum og öðru þvíumlíku,“ segir
Brynjólfur.
Heiðrún Jónsdóttir, upplýsinga-
fulltrúi Landssímans, telur máls-
ástæðu sakborninganna tveggja
fjarstæðukennda, enda eigi aðilum,
sem hafi verið jafnumfangsmiklir í
viðskiptalífinu og þeir, að vera full-
ljóst hvernig lánafyrirkomulagi er
almennt háttað í þjóðfélaginu. Í
fyrsta lagi eigi þeim að vera ljóst að
Landssíminn sé ekki banki og í
öðru lagi sé vaninn að skrifa undir
skuldaviðurkenningu og leggja
fram tryggingar og ábyrgðir þegar
tekin eru lán hjá lánastofnunum.
Tvímenningarnir hafi aldrei kvittað
upp á nein lánsgögn né verið krafð-
ir um endurgreiðslu.
Breytti tölvuskrám
Samkvæmt heimildum blaðsins
mun aðalgjaldkeranum hafa tekist
að draga sér féð með því að breyta
tölvuskrám Símans á leið inn í
bankakerfið. Mun hann hafa breytt
reikningsnúmerum í kerfi Símans
og látið líta svo út að Síminn hefði
greitt inn á reikninga fyrirtækja í
viðskiptum við hann, þegar fjár-
hæðirnar fóru í raun inn á reikning
fyrirtækis tvímenninganna. Til að
fela slóðina þurfti síðan að eiga aft-
ur við tölvukerfið þegar yfirlit yfir
millifærslur barst frá viðskipta-
banka Landssímans. Til þess að
hindra að fyrirtæki í viðskiptum við
Landssímann yrðu langeyg eftir
raunverulegum greiðslum greiddi
hann inn á reikninga þeirra með
greiðslum sem áttu að fara á reikn-
inga enn annarra fyrirtækja og
þannig velti hann á undan sér þeim
mismun sem óhjákvæmilega varð
til með fjárdrættinum.
Játar á sig stórfelldan
fjárdrátt hjá Símanum
SVIFFLUGFÉLAGIÐ festi nýverið kaup á
tveggja sæta mótorknúinni svifflugu sem
jafnframt er eina mótorknúna vélin á landinu.
Félagið keypti mótorsvifflugu árið 1974 en
seldi hana fyrir þremur árum. Á laugardag
stóð félagið fyrir svifflugdegi á samnorrænum
degi svifflugsins þar sem starfsemi félagsins
var kynnt. Gafst fólki kostur á að fljúga í nýju
mótorsvifflugunni og nýttu sér það þónokkrir.
Til að fljúga mótorknúinni svifflugu þarf svif-
flugsskírteini eða vélflugsskírteini.
Að sögn Kristjáns Sveinbjörnssonar, for-
manns Svifflugfélagsins, er hægt að fljúga
slíkri vél í „engum uppstreymisskilyrðum“
enda vélin hvort tveggja í senn vélfluga og
sviffluga.
„Þetta er mjög skemmtileg vélfluga, flýgur
hratt og stingur þessar Cessnur af ef því er að
skipta,“ segir Kristján. Félagið hefur hug á að
kaupa með haustinu búnað sem hægt er að
festa á vélina þannig að hún geti dregið aðrar
svifflugur í loftið.
Morgunblaðið/Sverrir
Fyrsta vélknúna
sviffluga landsins