Morgunblaðið - 06.10.2003, Blaðsíða 31
MORGUNBLAÐIÐ MÁNUDAGUR 6. OKTÓBER 2003 C 31Fasteignir
ÞAÐ er teiknistofan arkitektur.is, sem
hefur gert þessa tillögu að deiliskipulagi
fyrir nýbyggingasvæði Trésmíðaverk-
stæðis Sveins Heiðars á Reyðarfirði. Í
greinargerð með tillögunni segir:
Skipulagið gerir ráð fyrir, að byggðar
verði 71 íbúð á svæðinu. Íbúðirnar eru í
raðhúsum og parhúsum auk einbýlis-
húsa.
Melnum er skipt upp í tvö bygging-
arsvæði og milli þeirra er grænt svæði,
sem er eins konar „grænn kíll“ þvert yfir
melinn. Áherzla er lögð á möguleika íbúa
Reyðarfjarðar til þess að njóta útsýnis af
melnum og gönguleiða um hann.
Gatnakerfið er í heild sinni mjög einfalt
og er hægt að byggja það upp í áföngum
eftir því sem svæðið byggist.
Í gegnum miðju svæðisins er gert ráð
fyrir grænu belti, sem er eins konar
„slagæð og lungu“ svæðisins. Göngustíg-
ur liggur eftir öllu þessu græna svæði og
tengir það saman. Græna svæðið er eins
konar „safnpunktur“ fyrir alla byggðina.
Í tillögunni er að mestu unnið með rað-
húsa- og parhúsalóðir auk einbýlishúsa.
Stærri raðhúslóðirnar eru innar á meln-
um og nærri miðju. Með þessu er leitast
við að hafa þungamiðjuna inni á melnum
en léttari byggð í útjöðrunum.
Arkitektarnir hafa í þessari skipulags-
tillögu leitast við að koma fram með hug-
myndir að tiltölulega þéttu íbúðahverfi
með grænu útivistar- og leiksvæði, sem
tengir saman alla byggðina.
Nýbygginga-
svæði
áReyðarfirði
SAMKVÆMT niðurstöðum úttektar, sem
gerð var vegna umhverfismats álvers-
ins, þarf að byggja 900-1.000 nýjar
íbúðir í tengslum við byggingu álvers í
Reyðarfirði. Um 500-600 manns munu
væntanlega starfa í álverinu en auk
þess er gert ráð fyrir fjölda afleiddra
starfa. Á grunni þeirra upplýsinga má
gera ráð fyrir, að það þurfi hátt í 1.000
nýjar íbúðir á áhrifasvæði álversins.
Íbúar á Reyðarfirði eru nú um 600,
um 1.000 á Eskifirði og um 1.500 á
Neskaupstað. Lítið hefur verið byggt á
þessum stöðum á síðustu árum og því
er þar sennilega ekki mikið til af lausu
húsnæði þrátt fyrir nokkra fólksfækkun
undanfarin ár.
Enn má nefna, að framkvæmdir
standa nú yfir við jarðgöng frá Reyð-
arfirði suður til Fáskrúðsfjarðar og gera
má ráð fyrir einhverri eftirspurn eftir
íbúðarhúsnæði vegna þeirra.
Samgöngur verða örari og greiðari á
öllu þessu svæði, eftir að búið er að
taka göngin í notkun og Fáskrúðsfjörður
tengist Fjarðabyggð ólíkt betur. Þetta
mun eflaust hafa sín áhrif á byggðina á
þessu svæði.
Ekki er talið, að mikið sé til af lausu
húsnæði í Reyðarfirði eða annars staðar
í Fjarðabyggð þrátt fyrir einhverja
fólksfækkun undanfarin ár, þar sem lítið
hefur verið byggt þar á síðustu árum.
Morgunblaðið/Hallfríður Bjarnadóttir
Frá Reyðarfirði. Um 900—1.000 nýjar íbúðir þarf í tengslum við fyrirhugað álver.
Mikið
fram undan